中獎杯

    我依樹---加拿大,有間咖啡連鎖店(Tim hortons), 每一年都會有中獎杯嘅活動!! 今年依個時候依個中獎杯嘅活動又返番黎喇!! 你哋會問...... 點樣先可以中獎架?!! 就係喺依間咖啡店, 買任何熱嘅杯裝飲品!! 當你飲完杯熱飲, 就卷起杯邊 (roll up), 杯邊卷起之後,就有文字顯示!! 啲文字話play again...定係有其他獎!!  頭獎,有架房車, 其如, 有Gps system, Lcd電視

, 家庭影院組合, 獎金, 咖啡店野食and 野飲

, 作為禮物!

                  

    我最叻,中過杯免費咖啡, and 甜圈餅
...當然,未試過中啲大獎品喇!! 因為我都無咩依啲運氣,...哈哈!! 我連去賭場都係睇人玩多!! 哈哈!!

                     

    依家, 出街想飲下野, 我會特登去依間咖啡店
, 買野飲, 因為可以博個機會嗎!! 又可以玩下!! 依個中獎杯嘅感覺, 有如細個時食kinder 朱古力嘅出奇蛋咁!! 好期待朱古力裡面啲玩具, 依家,就期待杯裡面有咩獎品...哈哈!! 我唔take 得太serious...我抱住玩嘅心情多啲!! 哈哈!!

                      

    我上星期, 就去依間咖啡店,飲咗一杯熱飲....咦!! 唔中嘅!! 想博多杯免費咖啡

都唔得添!! 哈哈!! 下次喇!!
                       
                     

依杯就係連鎖咖啡店嘅熱飲...(依間咖啡店周街都係架!! 地鐵,商場, 無所不在!!)雖然, 中獎杯咖啡店, 無星x 克啲咖啡咁香!!  但中獎杯咖啡店夠平民...價錢合理!! 所以,都好多fans 架!! 有時都大排長龍架!0

我飲完杯熱飲喇!! 卷起杯邊....原來係"Play again", 你哋快啲祝我卷 起杯邊有獎品喇!! 哈哈!!

行街街 and 茶餐廳

March 1 (saturday)     我依日除咗飲茶, 仲同Brian 去行街, 去shopping, 都係周圍睇下野咁囉!! 我都係唔想weekend坐係屋企咁悶, 但行街就會好容易有收獲, 我今日都買咗袋野返屋企喇, 哈哈!!
     行行下街, 見到 Apple store! 我見到Apple 新出咗個MacBook Air
呀!!  其實,之前preview 已經見過, 今次, 真正用眼睇到 and 用手觸摸到...嘩!! MacBook Air 真係好薄, 薄到成張紙咁, .....好特別呀!!

你哋睇下....MacBook air 幾薄吖! 放係工事包都以為依個電腦係紙黎架! Apple 電腦成日好有驚喜! 唔好以為部電腦薄就咩function都無!! 其實,同普通手提電腦啲function 無咩分別!!0

            

   行行下街,經開酒房, 又買酒喇!! 唔知點解我同Brian 經開酒房都好想入去行個圈!! 哈哈!! 雖然, 屋企仲有紅酒, 但我哋今晚想飲甜酒
....所以, 就去買匈牙利甜酒, 因為匈牙利出口嘅甜酒, 都幾好架!! 記住Late harvest 甜酒,會比較好架!!

依支就係匈牙利甜酒喇!! 我哋去買酒時, 啲買酒嘅店員...好似好憤怒, 咩都話唔幫人, 咩都話唔知放係邊,.. 都唔知係想趕人走, 定想唔想做生意....後尾,我同Brian﹐同啲買酒顧客一齊傾下計...就揾到依支酒喇!!0

          

      行完街返屋企休息陣又出街, 因為Brian 約咗人賣手提電話
....所以, 就順便出埋街食dinner....Brian 好仲意食港式茶餐廳架!! 成日都話要食港式焗飯, 我自己整啲焗飯比佢食過, 他又話唔似!! 所以, 就出街食喇!! 因為出街食港式茶餐廳, 有埋奶茶....Brian 話有風味好多喎!!     之後, 返屋企就嘆甜酒...切埋啲芝士and 攞咪啲提子

出黎, 我一邊飲酒一邊睇電視 and 雜誌, Brian 就望住個電腦囉! 依日星期六過得好寫意!

我個快餐係豬扒,雞翼 and 茄汁意粉, 配一杯好立克 (啲侍應叫好立克做"可歷"架! 我唔知點解會咁叫), 而Brian 就order咗茄汁焗豬扒飯囉, 配一杯凍奶茶(Brian 至愛)!!..... After dinner, 返到屋企就開甜酒飲...食下芝士囉!!0