Vicky 在溫生活: November 2010

November 21, 2010 (Sunday)

    睇完聖誕節巡遊之後, 就去咗shopping, 不過, 唔係我shopping 喎!! 係Brian 呀!!

    佢一有新產品都會知, 直情件產品未發行, 就已經係我面前係咁提, 係咁講. 我唔理啦!! 你出啦!! 唔好再問我啦!!

     今次, Brian個target 就係Samsung Galxy Tab. 但原來依部機, 係加拿大啱啱出, 十分渴市. 但又唔知點解, Brian 一入去啲電話鋪, 啲人好似知道Brian一定會買, 點都撲到一部比Brian.

     我覺依部Samsung Galxy Tab 有點似縮細版嘅 ipad, 但Samsung Galxy Tab 仲可以講電話添!! 都好pretty useful 嘅電子產品嘅!

     依個星期, 由星期五已經開始花費, 係咁買 "哩" 買 "嚕". 這個weekend, 買了電子遊戲機 (Xbox Kinect), 棉被, 兩張梳化仔 and 一部Samsung Galxy Tab. 就咁.....就無咗成千個大洋.  而家, 連送比人嘅聖誕禮物都未買過. 自己已經花費好多. .......

遲啲仲有排買(買野比人). 年尾真係洗費多. ........但好衰架!! 好多產品都係侷係年尾出. 就係咁就上當了.

↓Brian 新玩意 Samsung Galxy Tab0

↓Brian 的三樣小玩意. i phone 4, Samsung Galaxy Tab and i pad 3G0

↓大(ipad), 中(Samsung Galaxy Tab), 細(iphone 4)大合照

November 21, 2010 (Sunday)

   一年一度聖誕花車巡遊又黎啦!! 講真, 我差唔多年年都睇架!! 雖然,啲花車咁多年都係咁上下. 可以講話, 啲花車大部分都同往年一樣. 但都會照睇, 但未必睇完程. 哈哈~~~我至想感受下個聖誕氣氛. 同埋見下聖誕老人. (聖誕老人花車, 係花車遊行嘅"戲肉"黎架, 啲細路見到聖誕老人會大叫架! 而且,仲目光期待, 依邊啲細路真係童真啲.)
   其實, 聖誕花車巡遊係我家附近, 我係睡房個窗都望到, 但當然唔係睇得好清楚啦! 但就可以係暖笠笠嘅屋企偷雞望下. 講真吖!! 現時, 天氣咁凍, 咁啱朝早又落過雪, 成個聖誕節花車巡遊, 時間又幾長!! 我都係等到聖誕花車巡遊, 差唔多到行咗一半, 先由自己屋企行去現場趁熱鬧. 起碼, 唔會凍太耐嗎, 哈哈~~~

   原本, 三妹及她男朋友都會去聖誕花車巡遊, 仲話想約我飲埋茶, 一齊去添!! 但三妹及她男朋友突然有啲野做, 趕唔切落黎我度. 所以, 今年我同Brian 兩個自己睇. 但都無所謂啦!! 我哋兩個睇仲有彈性. 哈哈~~~

   當最後, 一架聖誕花車, (聖誕老人花車), 全場人都起控, 好開心架!! 年年去聖誕花車巡遊都係為咗依種熱鬧氣氛.

↓聖誕花車巡幾多人, 我同Brian都係人群中影相. (一人一張)0