May 11,2014 (Saturday)
我都唔知自己係咪一個好識準備嘅人.
其實, 我一早已經諗咗幾份母親節禮物, 諗住無依樣, 可以買另一樣.
但去到商場,我諗個幾樣禮物, 都話無晒貨.
平時, 好哋哋都見到, 係到我要買嘅時候, 就無.
係都要我, 用盡啲腦汁. 去諗母親節禮物.
終於, 係母親節之前一日, 先買到母親節禮物比Brian 媽.
↓買咗化妝品比Brian 媽. 還有一張卡, 作母親節禮物
↓買完禮物, 即刻去買嘢食, 補補腦, 真係諗咗好耐, 逛咗好耐街, 先買到份合適嘅母親節禮物. 啲pizza, 好薄身, 好美味, 一人吃了三塊.
↓還吃了甜品, 栗子蛋糕+皮蛋酥.
還打電話返娘家, 講母親節快樂.
我現在好少提娘家, 但每個星期, 都會打下電話返去. 其實, 我父母都會自動波打電話比我. 不過, 現在, 他們已經好啲, 打電話前會whats app 我, 問我講電話方便嗎!! 唔會失驚無神, 連時差都唔計, 就打電話黎.
但每次和父母傾電話, 他們只喜歡問我, 幾時結婚, 幾時生B, 因為邊個親戚個女, 已經榮升媽媽級. 我屋企, 就是喜歡跟風, 人哋親戚做啲咩,就要跟. 有時, 我很懷疑, 我哋移咗民黎加拿大, 都係因為當年跟風申請.
我父母無點問我, 這兒生活如何, 工作如何, 但喜歡問我和Brian有無加人工. 哈. 我父母,喜歡在電話筒, 只說說他們自己近況. 我每次, 在電話筒聽多過講.
但我父母仍然頭腦清晰, 說話還理直氣狀, 總之, 他們身體健康就可以了
--------------------------------------------------------------------
May 11, 2014 (Sunday)
母親節正日.
真是一起身就開始食.
下晝同Brian 一家和一位Auntie 去飲茶. 慶祝母親節.
這個Auntie 啲仔女, 居住唔同國家. 真係每年坐飛機, 探她自己的仔女, 都坐咗好多次飛機. 哈哈~
↓母親節, 度度都人多, 啲點心黎得緩慢. 不過, 下晝黎講, 我哋五個人飲茶, 都食咗好多嘢. 食咗蠔豉肉碎包, 頭抽spot prawn
↓食咗上湯牛肉, 之後, 失控地叫點心, 最後, 食唔晒, 打包咗三大盒
-----------------------------------------------------------------------
到母親節晚餐.
Brian 一家人, 連同另一家人. 一共七人. 一齊去食西餐慶祝母親節.
說實話, 我好像第一年食西餐, 慶祝母親節. 哈哈~~
而且, 還要去法國餐廳食. 整本menu, 法文多過英文. 哈哈~~
不過, 這間法國餐廳, 我一食便愛上. 係愛上這餐廳嘅食物味道. 好啱我.
↓Brian 媽的契女, 即Brian 的契妹, 在母親節當天, 送出嘅花. 這名契妹, 由細看她大, 現在已經升高中. 現在這位妹妹, 已經唔玩玩具, 她現在喜歡, 一邊打短訊一邊路出少女的微笑. 哈哈!!
↓在法國餐廳, 飲下酒先, 飲咗香檳酒和紅酒
↓頭盤食咗法國運黎嘅白露筍(依間味道不錯, 但好似法國當地嗰啲鮮啲).頭盤還吃了蟹餅
↓頭盤: Quiche (法式鴨肉蛋餅, 我很喜歡呀!!), 還有洋蔥湯
↓主菜, 帶子鹽火腿risotto, 還有牛扒
↓主菜, 還有stable fish . 甜品, 有檸檬批配雪芭
↓creme brulee 和朱古力夾心雪糕(做得好好)
