Vicky 在溫生活: May 2013

Shopping

May 26,2013 (Sunday)

我依個年齡, 對時裝已經無咁發狂. 我可以整整一年都唔買一次衫or 鞋. (去旅行時除外)

但原來一話去買, 個種發狂情度, 又會即時湧現.

在時裝店行了一個圈, 立到成隻手臂都係衫. 入去試身室, 試呀試. 試完即刻買. 行為相當迅速. 就已經一袋衫在手.

其實, 我隔離嗰個人, 好鼓勵,我去時裝店買衫,買鞋. 但我總是慳得就慳. 完全沒有一般女生, 定期置裝置鞋....這回事. 所以, 我隔離嗰個人, 見我肯買嘢. 他還比我更開心.

↓Shopping的收獲 ............在fitting room 試衫. Shopping 當日, 天氣又熱返, 有成32℃, 我依邊一熱, 就會即刻熱. 今次仲熱得黎好潮濕下. 買條夏天褲着下.

由於, 去了Shopping. 所以, 都無咩時間煮嘢食, 全個周末, 只是在屋企煮過一餐飯.

以前, 好恨出街食, 但而家, 喜歡入廚. 由其是在周末. 這周末沒有太多時間在家吃. 反而不自在. 因為我除了Shopping, 還去做兼職.

↓Lunch time, 再一次食近排至愛的McWrap. 個Wrap 好大個, 用黎做lunch, 有點full 添!! 但就好好味. 還有, 好愛麥當當的Blueberry Pomegranate Smoothie (藍莓石榴碎冰) 好好飲. 要大杯裝, 慢慢飲.

↓下午茶, 去食New York fries 薯條配Gravy, 和Strawberry shortcake 雪糕 (依個新出,雪糕裡面, 有蛋糕脆脆+一粒粒士多啤梨) 好美味.

↓晚餐, Brian 下廚, 整了雞潤雜菜炒飯. 還焗了雞件.

再一次燒烤

May 24,2013 (Friday)

上星期燒過一次嘢食. 所以, 成日心思思想再燒.

用燒烤爐, 燒嘢食, 啲嘢食就算咩調味料都唔落, 都自然好好味. 我覺得, 簡單係燒烤爐, 燒一條香腸, 都好味啲㗎. 哈哈~~

趁微涼天氣, 最想就係燒嘢食.

臨燒嘢食前,去一去超級市場行一個圈. 就即刻走去燒烤場(Club house). 燒呀燒.

其實, 太陽開始落山, 天氣就開始凍. 燒到尾升. 我凍到謄謄鎮. 多麼想啲食物快啲熟. 拎啲食物, 返屋企食.

唔怪之得, 燒烤場無人啦!! 凍得滯, 啲食物燒完一陣, 都即刻吹凍晒. 我燒完啲食物, 拎返屋企都要焗熱, 先再食. 但燒烤爐, 燒嗰陣味, 令到啲食物好香, 好好味.

↓放工之後, 去完超級市場買啲燒烤食物, 都差唔多太陽落山. 天氣由微涼, 開始轉到, 有啲凍......但仍然好有心去燒嘢食. 太鐘意燒嘢食啲味道. 而且, 我就黎去旅行, 去完旅行返黎, 可能多倫多, 已經超級炎熱, 唔知仲有無興致燒嘢食. 因此, 趁有興致, 就即刻去燒嘢食.

↓我哋都有行埋個燒烤爐, 燒嘢食

↓燒完啲嘢食, 就拎去屋企食,其實, 係屋企食仲好舒服. 慢慢食,無顧慮, 食幾耐都得. 有時, 係燒烤場食, 帶一大堆用具去燒烤場, 而且, 好多時都帶留一些用具, 來來去去坐電梯返屋企攞, 食完又要執一餐. 真係燒完嘢食, 拎返屋企食, 仲自在.......而難得星期五, 就會夜瞓啲, 時間好似多咗好多, 所以, 晚餐食完BBQ嘢食之後, 夜麻麻,又再肚餓, 走咗去麥當當, 買新產品食(McWrap), 個Wrap好大個, 大過杯大裝飲品. 雖然,份量大, 但味道仲好好食添. 宵夜好滿足!!

早餐良伴

May 22,2013 (Wednesday)

閒日, 時間當然無周末優閒.

但一起身, 就會食少少嘢. 做早餐.

最簡單就是搽塊麵包+一杯熱飲.

所以, 我好多時都會買不同醬料, 放係屋企, 來搽麵包食.

而我的早餐良伴----通常都係花生醬搽麵包. 哈~~

見近排超級市場, 出咗特別口味嘅花生醬, 當然買返屋企!!

↓就係依隻Cinnamon Ganola Raisin (提子肉桂麥片脆脆花生醬) & Banana Ganola Peanut. (乾香蕉麥片脆脆花生醬). 花生醬混合一些麥片, 提子, 香蕉材料. 搽係麵包上食, 食到好多層次. 令一塊麵包都無咁悶!!

↓還有, 我早餐的麵包, 好鐘意搽cream cheese 食!! 因為Cream cheese 好香!!! 而家新出朱古力cream cheese. 當然買一盒試..... 啲朱古力cream cheese--朱古力味好香儂. 搽係麵包上, 都好美味!! 真係多得而家啲生產商, 花生醬和cream cheese都好多花款. 朝早塊麵包, 都食得精彩啲.

------------------------------------------------------------------------------------------

而近排, 我和Brian 都很忙碌. 好攰呢.

沒有時間煮晚餐吃. 而且, Brian 放工又越來越夜. 所以, 晚餐都簡簡單單一餐便算數.

好彩, 我同Brian 係吃方面, 都好容易話圍, 求其食Frozen pizza or 一碗麵做晚餐, 都沒有所謂.

↓買咗超級市場啲Frozen Pizza, 之後自己返屋企焗Pizza+ sweet potato fries 還有西瓜, 作晚餐

↓有一日食pizza + hotdog, 另一日食湯麵.

Victoria's Day 長周末公眾假期

May 20,2013 (Monday)

仲記得, 以前係加拿大, 一到啲公眾假期. 真是全城市都休息!! 只是部分藥房有限營業. 其他商場和鋪頭, 都全面休息. 條街靜到,嚇親自己.

直至某一年, 零售業才打破依個慣例. (除了聖誕節 Dec 25, 仍是全城市休息!!)

所以, 而家放長周末公眾假期, 都放得比較自在. 放假就放假, 事前唔需要準備!! 放假時, 想要食咩, 就落街買!! 好方便

而且, 我總覺得, 一個城市, 放公眾假期時, 鋪頭仍然開門營業, 才比到安全嘅感覺我.

-------------------------------------------------

而這個長周末假期, 計計埋埋, 有三整日, 都是放假天. 理應出外走走, 但我和Brian 好像懶得郁。

這三天, 都大概10am 就醒,之後便落街買早餐. 其實, 買到返屋企都變咗食lunch. 之後, 食完都係坐係屋企, 但坐係屋企都好似好忙咁. 下晝仲見攰, 要瞓下較添!! 係差唔多要食dinner, 先去下超級市場. 買啲嘢黎煮. 就係咁

而三日公眾假期內, 所有商場開門營業, 我哋都係其中一日去商場行. 不過, 行街當日, 迫人迫得辛苦. 所以, 這個公眾假期, 大部分時間, 都是在家. 原本預算要做兼職,但後尾又唔洗做, 所以, 這個公眾假期, 算是全面休息的假期. (好懶惰的一個假期, 哈哈~~)

↓長周末嘅早餐 (全是一起身, 就落街買黎食!! ) 一日食咗沙律,水果和麵包做早餐, 另一日, 食熱狗, 包點和沙甸魚.

↓長周末, 其中一日嘅早餐, 食了煙三文魚做早餐!! 美味

↓長周末嘅晚餐. 全是Brian 弄的. 有日煮了, 雜菜咸牛肉炒飯和鮮魚塊豆豉汁蒸豆腐. 另一日,薑蔥雞和雞汁小棠菜.

↓還有其中一日,晚餐吃了三文魚塊豆豉汁蒸豆腐. 仲有Brian 整嘅蛋包飯!!

↓長周末, 有一日去了商場行街, 嗰日個商場超級多人, 行咗陣, 去了food court 食壽司, 好彩買得快, 多人到, 只係買剩數盒壽司. 轉個頭, 想買多盒, 咩都買清晒. 而長周末的某一天, 宵夜時份, 貪得意, 落街買宵夜食, 買咗芝士蛋糕+麥當當飲品和藍莓枇

******************************************************************

而這個長周末假期, 名為Victoria's Day, 在Victoria's day的重頭劇, 就是政府,會係空中放15 mins 煙花, 來慶祝Victoria's day.

我係Roof Garden影咗啲煙花影片

Barbecue

May 17,2013 (Friday)

星期五, 當然要少少特別.

而且, 依個星期五之後. 就係長周末假期. (星期一是維多利亞公眾假期). 因此, 特別興奮.

雖然好興奮, 但個身好懶,唔想去得遠. 所以, 好簡單係超級市場買啲嘢!! 就去大廈個Club house 燒嘢食!!

依一次BBQ, 仲係今年第一次.

↓燒野食...........我哋燒咗雞腿和hotdog. 係燒烤爐, 燒出黎啲嘢食, 真係會特別香. 屋企廚房個爐, 係做唔到燒烤爐嘅效果.

↓其實, 而家都唔太夏天, 平時都係16-17℃. 入夜得單位數學字溫度. 仍是有啲涼. 但勝在天色好, 日日放睛. 我都着到對人字拖去club house!! 而Brian就負責燒嘢食

↓當日天色好好, 啲雲一層層, 好舒服. 仲見到飛機經過添.

果仁朱古力脆皮雪條

May 10,2013 (Friday)

等依間朱古力鋪, 係多倫多開業, 等咗好耐. 這間朱古力鋪, 係今個五月, 終於係我左梗開門啦!!

其實, 依間朱古力鋪, 係溫哥華開咗好耐,我每次飛過去都會嘆, 依間朱古力鋪, 所自製嘅「果仁朱古力脆皮雪條」. 因為真係好好食, 仲要條脆皮雪條, 係你面前整. 真係比一個價錢, 就有得睇, 有得食. 雙重娛樂㗎!!

因此, 星期五放工, 即刻約Brian 一齊去食.

↓好耐無食你啦!!「果仁朱古力脆皮雪條」真係好好味!!......而間朱古力鋪頭, 外貌係以紫色為主, 主打朱古力, 果仁朱古力, 白朱古力, 酒心古力....總之咩類型朱古力都有, 但我最鐘意食佢嘅「脆皮雪條」

↓脆皮雪條製作過程, ...首先, 將凍冰冰雪糕bar, 浸入熱朱古力醬嘅窩內, 由於一冷一熱的科學作用, 朱古力醬會包實支雪糕bar, 變成「脆皮雪條」,襯朱古力脆皮未結實時, 黏上花生碎, 即成為「果仁朱古力脆皮雪條」

朱古力鋪, 開得越近, 就越容易見到, 隔無幾日, 又經過開, 就忍唔住, 走咗入去買支「果仁朱古力脆皮雪條」.

就算嗰日, 落住雨, 對手要攞多把傘, 咁唔方便. 都照去朱古力鋪, 買支「果仁朱古力脆皮雪條」. 一邊行, 一邊食!! 我自己都服自己, 咁"鬧較" 都要食

↓間朱古力鋪門口, 有個朱古力噴泉, 好吸引!!! ...脆皮雪條, 除咗有普通朱古力脆皮雪條, 還有白朱古力脆皮雪條.

↓可以揀炒香果仁or 彩色朱古力碎, 黏係脆皮雪條上, 白箭咀指住, 係我支脆皮雪條棍...我又食「果仁朱古力脆皮雪條」,Yeah!!

↓食食下脆皮雪條, 竟然買到對人字拖, 今年夏天, 有多對方便鞋出街!!

無意中--賞櫻花

May 11,2013 (Saturday)

每個周末的其中一日, 都會去教堂.

這個周末, 揀星期六去教堂, 這天, 我只是無意中,由第二條路, 行去教堂, 經教堂後面的花園去教堂, 中途竟遇上櫻花樹. 而且, 棵樹, 仲開得好燦爛添!!! 真係估不到無意中, 就能賞到櫻花

真係開心, 可以遇上櫻花. 啲櫻花, 好靚呀!!

↓教堂後面, 有棵櫻花樹. (其實, 我依邊有一個公園(叫High Park), 種滿櫻花樹. 年年這個時候, 都會迫滿人. 賞花.但由於, 太多人, 所以, 我只去過一次,就沒有再去. 而家近近哋有棵櫻花樹, 又唔多人, 任我影下相, 已經好開心.)