再講....香港之旅

November 18, 2008 (Tuesday)

   香港之旅講黎講去都好似未講完咁!! 但我襯自己時間就續啲續啲記抵, ..........雖然, 隔咗時間咁耐, 但仍然好記得, 係香港發生嘅一切!!

    每天係香港! 都會同Daddy 食早餐!! 估唔到香港, 係一朝早, 早餐選擇可以咁豐富!!連車仔麵都有得食!! 哈哈!!

↓車仔麵+ 奶茶做早餐, Yummy!! 食早餐時, 有個小插曲, 我daddy 架車傍邊突然間有盆"盆裁" 放係佢架車隔離, 作棄置,.......我daddy 竟然, 食食下早餐, 去搬棵盆裁走, 仲唔知daddy 走咗去邊, 好彩, 後尾daddy 都出現返!!! 嚇得我!!哈哈!!

--------------------------------------------------------------------------------------

     返得香港, 最想係見--朋友, 差唔多每一日都會同朋友聚!! 真係好開心!! 而自從我寫blog 之後, 識到更加多朋友!! 依日, 就約blog 友(炭炭媽)食lunch!! 我識炭炭媽時, 都係因為蛋糕!!! 早兩年, 我真係有鋪整餅癮!!! 見到炭炭媽啲蛋糕傑作, 好出色, 便開始留意!! 炭炭媽知我係加拿大居住, 仲主動同我講, 如果加拿大沒有我所需嘅整蛋糕材料....她可以幫我購買and 寄黎比我!! 聽到之後, 好感動!! 一個素未某面嘅人, 提點我做蛋糕意見我不特止!! 仲想幫我購買蛋糕材料!! 真係好有心! 

      而她特別有記醒, 我"係咁二", 講咗一次比她知,  我十一月有可能回港, 炭炭媽真係記得架!! 未到十一月已經留言比我, 話與我見面!! Luckily, 大家可以夾到時間, 出黎見面,食個lunch! 由於, 炭炭媽啲時間and 地點全就我依個唔識太多路嘅人!! 所以, 炭炭媽專登係辦公室坐車去地鐵站附近meet 我!!! 所以, 我哋好簡單, 為了慳時間, 買外賣走到公園啲露天地方食lunch!! 我哋仲係咁傾計添!! 真係好開心!!  最後, 炭炭媽還送上一袋見面禮給我......真係好客氣!

↓和blog 友(炭炭媽)買外賣, 攞出公園慢慢食, 當然, 同炭炭媽合照. 雖然, 叫"炭炭媽", 但她好細個架!! 她只不過係幾隻狗的媽媽!! 哈哈!!而家, 炭炭媽已經改咗名, 但我還是稱呼她"炭炭媽"

     以前, 有人同我講, "係網上識到朋友", 我初頭都有啲半信半疑架!! 係網上面, 點識到人呀?? 但當自己寫blog 之後, 真係知道網絡世界嘅奧妙!!

↓炭炭媽給我啲禮物!! 而依張相,我係炭炭媽度偷返黎架!因為她影相好有研究, 而且仲影得好好添!!!

----------------------------------------------------------------------------------------

    炭炭媽送上一大個香蕉蛋糕, 我一把咀,一個胃, 點能夠食得晒!!! 和炭炭媽再見之後, 我便上了婆婆家, 和婆婆, 舅父一齊分享香蕉蛋糕嘅味道, 個蛋糕真係好好味......一下子, 就已經食下大半個了!! 頓然覺得個香蕉蛋糕好細小, 有啲唔夠喉添!! 哈!!

↓和婆婆一起品嘗香蕉蛋糕!!! 嘆一嘆下午茶,哈哈!

----------------------------------------------------------------------------------------
    晚上, 原本約了幾位中學同學食晚飯, 但最後得一位中學同學得閒, 唔緊要喇!! 我明白!! 況且, 我同應約個中學同學係最多野講,哈哈! 而且, 應約個朋友(朋友E) 係09 年結婚喇!! 結咗婚, 有頭家之後, 就大把野要理!! 第時可能未必有太多時間同我癲架喇!! 哈哈!!

     和朋友E選擇去食鐵板燒, 香港啲鐵板燒都幾多唔同品種嘅食物選擇, 而且, 價錢都幾相宜添!! 味道唔洗講喇!!....係好好食!!

    我哋真係一邊食,一邊傾計, 我連鐵板燒啲燒物情況, 我都無咩留意, 我哋就不段傾, 食完飯, 朋友E 還帶我係餐店附近周處行!! 講真丫!! 我哋食完dinner 啲時間已經好夜了!! 第二日, 朋友E還需要好早起身返工, 但她都帶我周圍行, 因為, 她想帶識我啲商店位置, 到我自己得閒, 我自己可以行, 自己可以購物!! 就係她教我啲商鋪位置, 我自己空閒時, 真係買到好多有需要嘅貨品比自己or 我啲屋企人!!

↓同朋友E 一齊去嘆鐵板燒, .........朋友E, 還爭住請我吃飯!真真客氣!!!

    真係識於微時啲朋友, 最能夠保持長久友誼!! 大家, 雖然, 係一個好有壓力嘅讀書環境認識, 但完全沒有比讀書壓力而咗住我哋, 讀書時大家一齊lunch, 一齊玩,到而家大個咗, 大家生活環境都有所不同!! 但仍然互相伕持, 有所體諒!! 真係識於微時啲朋友先有依個厚代!!

有新發現

March 28, 2009 (Saturday)

   其實,我去邊度都好!! 我每一日都會帶住部電腦周處走架! 包刮weekend出街行都會帶住架!! 所以,電腦越輕巧, 就越適合我!

   每星期放weekend係我一星期最期待嘅日子! 雖然, weekend 多數都要買下餸, 但Brian都會去coffee shop 飲下野, relax下!!

   平時係自己屋企係無可能靜靜哋嘆到coffee 架!! 因坐襯係屋企, 太多引誘, 又有電視, 又有雪櫃喇......又見到吸塵機 or 攞住毛巾周處抹, 總之, 我坐係屋企我實周身郁 , 一杯咖啡都嘆唔到架!!!  點都要出街飲coffee.....坐係咖啡室, 就即時有零零靜靜嘅感覺!   連坐係咖啡室玩電腦都專注啲!  

   所以, weekend 一抽到時間就會去咖啡室坐下! 順便比Brian 休息下!! (因我係咖啡室, 一定唔會周處騰),哈哈!

↓在coffee shop 的安靜時間.....還會好專心玩電腦!

  就係咖啡店,靜靜哋,比我上網見到有間食店係食雲吞麵!! 就飲完咖啡,同Brian去雲吞麵店出發!!

  依間雲吞麵店啲雲吞就一般喇!! 但啲麵就淥得好爽, 好似香港雲吞店啲麵質!! 而Brian話除咗麵好食, 啲牛肉整得唔錯!! 食完渣車返屋企途中, Brian話有時間會再依間雲吞麵店再食過喎!!

↓就係專心玩電腦, 比我係網上有新發現, 發現到, 平時擦覺唔到嘅雲吞麵店!!! 依間雲吞麵店好特別, 每張臺都有個出水位, 自己想飲水就按水機製!! 啲雲吞麵好爽嘅, 諗住遲啲再食過!! 哈!

20倍 points

March 28, 2009 (Saturday)

  在今個星期, sdm (類似香港萬寧and 屈臣氏) 買野, 有20 倍積分獎賞!! 滿75,000 分又等如有$150 貨品獎賞!! 

   我首先,  就入sdm買咗部wii 遊戲機!!  計埋我以前儲開果啲分!! 我即時有79,000幾分!! 其實, 我儲到75,000以上啲分, 我都唔知幾開心呀!! 我都係舊年先開始"的"起心肝...儲積分!! 都係一下子, 就有75,000分!! 見到自己儲到79000積分, 真係好開心架!! 我辛辛苦苦儲啲分, 終於, 有啲成積.....我真係好興奮架!!!.....我要好好keep住張單!!望下自己啲成積!!哈哈!!

   我知儲積分依啲野!! 係商業銷售嘅宣傳, 但我就好似對儲積分好着迷!! 平時,我有理無理,都要去sdm 買野架!! 為就為儲積分, 真係連買一盒雞蛋, 都專登兜路走去sdm 買架!  哈哈!

   我啲積分.....終於, 有用武之地了!!  咁我儲夠75,000 分(即係$150獎賞) 我就即刻再入sdm, 去攞$150 護膚品 and 化妝品! 其實, $150 獎賞都幾多!! 我平時邊會用$150 去買護膚品吖, 但用積分換貨品, 我就用得好開心!! 買(攞)咗一支好特別包裝嘅唇膏, 兩大盒護膚品 and 一啲屋企日常用品!!

  雖然,唔係入名店買到一袋二袋, 但憑我儲分, 換到一袋二袋獎賞貨品!! 我仲更加值得開心喇!! Brian話我好容易就開心!! 係架!! 我應架!! 哈哈!!

↓買咗部wii.....換到護膚品, and 好精美嘅唇膏....仲有啲家庭日用品(但無影啲家庭用品)

↓依張單我一定keep......因為有我儲分嘅歷史行跡!!哈哈

Friday食越南晚餐

March 27, 2009(Friday)
  
   到咗喇! 終於到friday night 喇!!! 可以放weekend!! 但就成10pm 先出街食越南dinner!!其實,可以早一點食!! 但Brian 要剪頭髮.......可能, 依排我化了一點妝, 望落去個樣精神咗!! 因而, 影得Brian 個樣攰了一點!! 唔知係咪依啲理由....Brian好似早了一點去剪頭髮,平時一個月剪一次, 而家3星期剪一次.....哈哈!! 不過, 無論男or 女, 剪下頭髮真係會醒神啲!!哈哈!!

  近排,天氣乍暖還寒.....日光時,有太陽都幾溫暖, 但一入夜就涼, 所以,我選擇食越南菜做dinner, 因為我好喜歡越南啲湯粉, 食完成身暖晒! 而且,又清清哋......夜啲食都唔會太滯...  

↓Brian食咗燒雞春卷檬, and 一杯越南滴滴滴咖啡, 我就食美施粉 (海鮮配 "透明粉")

↓喜歡依間食店裝飾, 感覺好舒服!!

↓食完飯,經開麥當當, 食咗杯雪糕新地做甜品,yeah!! 估唔到夜麻麻啲麥當當仲咁多人!! 食一杯雪糕.....都等好耐先食到!! 哈哈! 但好彩, 霸到靚位坐...可以對住火爐食雪糕!!

 

Shop for Day-Cream!!

March 22, 2009 (Sunday)

     由於, Daddy 飛咗返香港, 所以, 媽咪同埋啲細妹個個都有節目!!! 我返媽咪屋企都無用! 因為無人會係屋企....哈哈!!! 所以, March 21-22 依個weekend, 我同Brian 可以留係自己屋企!! 瞓到幾點都得, 哈哈!!

     我哋真係懶到三點鐘先出街食lunch......係商場食完lunch, 就行商場, 但都唔行得耐, 因為商場六點鐘"山"門!! 真係行無幾間店鋪就要走人!!    今次, 行商場, 最主要都係想買啲day cream 渣下!! 因為落完妝, 塊面感覺好dry......但市面上, 實在太多護膚品, 真係花多眼亂!! Brian 好似對我買唔買到day cream 仲着緊過我!! 叫我主動去問啲化妝姐姐意見!! 點知問問下, 啲賣化妝品姐姐, 送咗啲sample 比我試, 仲比埋卡片我, 寫低晒啲cream 嘅名稱比我參考!! 好nice!! 最後, 無買cream, 買咗落妝tissues!! 

     行完商場,好趕好趕走去飲咖啡, 再之後, 好趕好趕走咗去買餸, 因為驚啲超市又"山"門.....weekend 一遲啲起身, 就好似做咩都好趕.........   

↓Saturday lunch 係商場food court 食咗一個chicken wrap配Greek 沙律, 之後, 去starbucks 飲下野!! 係商場買咗落妝tissues and 啲化妝姐姐比咗啲sample我試! (現在已經試用緊). 而Brian 比較信啲有牌子嘅護膚品!!但我覺有牌子啲護膚品都幾貴!! 所以, 我沒有即時買下!! 試到好先買! 

    趕到夜晚dinner time, 就走咗出街食, .....Brian 近排話想食泰國野, 就去間新開嘅泰國餐廳食!! 間鋪新到, 我唔知叫咩名...哈哈!! 但啲食物幾正宗, 遍辣, 岩我哋口味...哈哈!! .......最特別係, 成間店鋪啲侍應, 自己私低下講野係用泰文交談架!!....唔知有無講我哋壞話...哈哈!!

↓我哋飲咗冬陰公湯,(好足料), 食咗個咖哩羊配飯 and 泰式雞汁配飯....我好喜歡依間食店嘅裝飾....啲燈光好特別, 感覺好舒服!

---------------------------------------------------------------------------

    到Sunday(March 22), 係屋企食完個早餐, 我本來唔願出街....但Brian 話想同我去看化妝品....就近近哋去咗屋企附近個商場行!!  我都唔知點解他對化妝品 and 護膚品, 仲着緊過我!! 有時, 佢係啲報紙 or 雜誌見到某某百貨商店減價, 都會話我知, 問我有無需要新眼影, 唇膏之類......但我依家都係啱啱先買咗一set 化妝品, 自己都未掂熟自己啲化妝品, 又要我接觸第二啲, 我一下子點接收到咁多化妝知識呢?? 真係有需要, 先出去買都未遲喇!!

↓朝早食咗個豐富breakfast, 有午餐肉,蛋, cereal ,麵包 and 橙汁!

↓去咗百貨公司化妝品部行咗陣...哈哈!! 出奇地, 無咩人!!

↓去行商場實會洗到錢, 會忍唔到買野 and  食野! 首先, 見到一set 冬季奧運杯墊做緊特價便買下來!! 因為, 我用杯墊做mouse pad....哈哈!! 之後,行行下又買咗杯脆皮軟雪糕食!!

Happy birthday to you (Queenie).....

March 25, 2009 (Wednesday)
  
Queenie:
    Happy birthday 生日快樂!! 每年你的生日, 也會做一個蛋糕...同你長途祝賀!! 哈哈!! 祝你越來越開心...總之, 就心想事成喇!! 

    今年,我相信你份生日禮物

會遲少少先到, .....皆因, 我遲咗去買禮物....又遲了少少去郵局.....加加埋埋....好多原因...所以, 你只可以收到我遲來的生日禮物, 但希望你唔介意and 希望你會喜歡我送給你的小小心意!! (希望郵差快手腳啲喇, 哈哈!)

    我好耐無做過蛋糕了!! 唔講唔知, 09 年第一個蛋糕, 就係做依個蛋糕......我特意整朱古力, 最穩陣嗎!! 我做完蛋糕, 自己剩機可以食下嗎!! 哈哈!! 雖然, 做蛋糕過程比較趕, 但一邊整,都係好開心架....

    真係好難得識到你!! 大家識了你兩年了! 由blog, 書信, skype, msn, 到大家見面, 每個時刻都係好開心, 有時, 你唔覺意比了許多advise 我...令我心裡面啲野, 好似有個鎖落開咗...., Thanks..因此, 我每年也會親手為你做一個蛋糕...雖然, 你唔食得, 但都可以望下!! 哈哈!!

    最後, 講多次.....祝你 生日快樂, 身體健康 and our friendship forever!

Vicky

↓你今年的生日禮物 and 生日蛋糕 (生日禮物相信你遲啲會收到,....但個蛋糕, 我影完相, 已經好唔客氣....切咗黎食喇!! 哈哈!)

麵豉湯,打邊爐

March 20, 2009 (Friday)

       近來, Brian 同三妹個男朋友好friend, 成日都有密計傾. 他們突然間, 都會攪啲節目一齊聚下!!! 今次, 就係玩打邊爐!

        早排, 我試過同Brian 用麵豉湯底打邊爐, 感覺好好味!!! 所以, Brian 就叫三妹 and 三妹男朋友星期五放工黎Brian 度打邊爐囉!! 啲邊爐材料係Brian 買嘅!! 我就做洗下啲菜and 排好啲食物囉!!

       但突然間, 有人到訪, 我緊係同間屋大清洗喇!! 雖然, 自己人到訪, 但都唔想失禮囉!! 所以, 我依排一有時間就起勢抹屋, 地又係咁吸!! 成個清潔女工咁!! 哈哈!! Brian 成日都話「岩乾淨, 唔洗抹喇! 坐係梳化睇電視喇!」可能, Brian 乾淨個定意唔同我喇!! 我此終都覺, 見到有塵就唔得囉!    所以, Brian 成日都話我勤力過啲菲庸囉!! 真可惡!!! 

       近排啲天氣暖一日, 凍幾日, 咁岩打邊爐果日又凍返, 天氣凍, 打邊爐就最正, 我哋四個人, 一邊食, 一邊傾計, 仲一邊睇電視, 不知不覺就食咗好幾個鐘, 而且, 仲放咗好多野落肚! ! 個肚食到脹book book 喇!! 哈哈!! 食得好開心!

↓今次, 打邊爐, Brian 買咗啲特別食材黎打邊爐!! 例如, 買咗粉果, 韭菜果黎打邊爐....咁樣食點心又幾得意!! 仲有泰國河粉and 我用酒醃咗啲雞翼,...啲雞翼咁食法又幾野味!!

↓開始喇, 開始打邊爐喇!!.....三妹男朋友仲買咗日本彈牙烏冬黎打邊爐, yummy!!

↓飯後我哋四個玩鋤大啲.....Brian 係床下底摷咗個洗牌機出黎洗牌添...哈哈!! (個洗牌機, 真係X年前買落, 記得Brian 買洗牌機時, 我好似仲未畢業!!哈哈!)玩啤牌都玩咗好耐,  我哋玩到攰攰哋仲落樓下, 行去咖啡店飲野, 玩到成3am ....哈哈!!