Vicky 在溫生活: July 2010

i Phone 4

July 30, 2010 (Friday)
    今日係一星期裡面最期待嘅星期五外, 今日仲係蘋果第四代手提電話發行嘅大日子!!

    唔洗講, 每年依個時候, 依個日子, 我隔離果個就會碰住依款電話返屋企!!

    不過, 今年早在8am ......部電話已經係張食飯臺度!! 早到嚇親我!! 哈哈~~可以一邊食住早餐玩新電話(玩具)!!哈哈~

↓iPhone 4, 一出就出兩部.

娘家

July 25,2010 (Sunday)
好例牌, 我係周末便返回娘家, Brian也會跟隨......每次我返娘家, 都會有一堆信件需要翻譯, 今次也不例外, 不過, Brian也有幫手!! 感覺舒服得多.

現在娘家啲成員特別多, 我哋五姐妹以及我們的另一半, .....可想言之, 有幾多人!! 我阿娘都開始費事煮, 一大伙人便出外進食......

不過,真是好怕好怕, 加拿大的交通, 跟本不能方便抵達目的地. 而且, 食完飯, 啲妹下下都有自己嘅娛樂節目. 所以, 一家人食飯, 起碼渣成4-5架車出街.

每次回娘家, 都從父母口中得知, 其他細妹嘅"不是".....我真的不懂點回應我父母. 為何我父母有這樣多不滿!! 不過, 我父母思想確實太傳統, 時常都不願放手.....說實話, 我也感到回娘家好不自在.

↓食晚餐啲相片, 只影兩幅, 因為人太多...費事啦!

     還有....我很討厭比父母感覺, 我現時所擁有的種種東西, 都是他們帶我黎加拿大....我才擁有!!

     包括, 我學業, 我嘅工作, 我嘅男朋友,...通通是他們比我先至擁有!

     學業.....如果, 我不上進, 不努力, 也無法完成大學畢業!! (唔關離唔離加拿大事)

     工作.....如果, 我不熱心, 無責任, 也無法擁有現時職業!! (是自己經營的成果)

     男朋友.....連男朋友都被父母例入, 因為他們帶我黎加拿大, 我才有機會識到現時男朋友. 我是自己認識男朋友, 父母沒有介紹. 咁都要拎功?

依排食咩.....

July 21,2010 (Wednesday)

哈哈!! 好耐無寫blog..........

依排, 都無咩點特別去超市買儲糧係屋企煮, 好多時, 放咗工, 都直接歸家, 到夜晚, 感覺肚餓先落街買晚餐. 好懶!!

↓為貪快, and 滿足Brian想食薯條嘅渴望, 就買咗麥當當. 但原來現時麥當當做晚餐都唔平..... 0

↓我就順道買杯古古力雪糕新地0

----------------------------------------------------------------

July 22,2010 (Thursday)

依個夏天特別muggy, 咁嘅天氣就係想食啲涼涼哋嘅野, 所以, 好求其整咗沙律碎蛋+ 番茄+麵包當晚餐.

↓以前唔喜歡食生番茄,但大大下就接受咗!! 0

---------------------------------------------------------------

July 23,2010 (Friday)

   星期五唔想周處去, 但又想食得特別啲,.........最後, Brian 就去了高檔超市行個圈. 買晚餐回家食.

   唔知係咪上次Brian生日, 去過高檔超市買過晚餐. 之後, 就念念不忘. 到現在, 開口埋口都話想去高檔超市.

   今日, Brian自己一個去咗高檔超市買晚餐, 我某程度好怕Brian自己一個去超市. 因為Brian次次去超市買野, 都不自覺買到好貴!! 好彩, 今日依餐都ok....唔太貴. 但Brian唔鐘意買蔬菜架!! 所以, 今餐無veggie........飯後, 食個水果補數.

↓Rice croquette (encore 嘅, 因為上次食過, 覺好味!), 仲有羊肉香腸, 味道好正. 還有豬肝醬 (pate de foie)用黎渣麵包一流. 仲有啤酒..但唔記得影.0

花生醬

July 20, 2010 (Tuesday)

    我一向都喜歡係麵包上查花生醬黎食!! 係超市見到啲特別品牌嘅花生醬面世, 都會買返屋企黎試下!!

    幾年前, 係屋企附近間高檔超市見到相中罐花生醬賣,便買返屋企, 點知試咗就即刻鐘意咗依隻花生醬. 但依款花生醬價錢有點貴, 我唔係時時捨得買黎食架!!

    上星期, 食緊早餐時, 我隨口講, 話「想食返相中嘅花生醬」.........點知, 就好似TVB 電視節目嘅橋段咁, 我今日一放工就見到相中罐花生醬係廚房度. 哈哈~~

↓就係依罐好好味花生醬啦! 其實, 依個品牌嘅花生醬, 係其他超市都開始有購啦! 唔洗下下去高檔超市買. 依隻花生醬,......有黑朱古力味, 辣椒味, 但當然有原味啦! 相中個罐就係白朱古力花生醬!

hot pot + 早餐食材當晚餐

July 16, 2010 (Friday)

屋企個雪櫃真係有好多打邊爐食材, 每日打開雪櫃都覺啲打邊爐食材阻住晒雪櫃啲空間. 已經每日係咁逐少逐少煮啲打邊爐食材當餸黎食, 但仍食唔晒!!

還掂雪櫃仲係咁多打邊爐食材, 咁係星期五, 就同Brian留在家中開大冷氣再打邊爐吧! 咁星期五, 心情比較優閒, 可以坐係飯臺幾耐都得. 哈~

↓打邊爐啦!!......Brian有買酒黎送打邊爐架!! 但原來我無影到啲酒添!! 0

↓飯後有西瓜, 依家啲西瓜當造, 好甜好多汁. 0

-------------------------------------------------------------
July 18, 2010 (Sunday)

   依個weekend有幸再留在自己家, 真係好開心!! 而家, 啲weekend都喜歡留自己家中, 盡量唔會周處去. 就算落街都係落一陣, 唔洗半頭鐘就會歸家.

   落街---多數都係買早餐,買日用品, 有時口痕落樓下買杯凍飲咁囉. 諗諗下, 我現時自己嘅居所, 原來仲方便過香港間屋!! 哈哈~

   我今日落街, 仲特別買多個早餐份量. 到夜晚, 加少少配料, 就當晚餐食...方便簡單....慳慳埋埋啲時間. 黎玩下電腦, 望下電視都好呀!!

↓周末...我就係咁坐係梳化玩電腦..........晚餐, 簡單方便, 早餐食材當晚餐....哈~0

市中心Beach

July 15, 2010 (Thursday)

嘩!! 真係無諗過, 係商業大廈林立嘅市中心內, 會有一個優靜沙灘..........(講真, 依家市中心有空地, 都會比地產財團霸咗黎起樓啦!!哈哈~~) ........所以, 有個沙灘, 我真係好驚喜!

最開心依個市中心沙灘仲好近我居所. 渣7,8 mins車就到. 真係好近呀!! 哈哈~~

其實, 依個市中心沙灘.....係就係有沙玩, 係就係有好多沙灘傘, 仲有好多沙灘凳坐添!! 但依個沙灘係無水游架!! 沙灘建係湖濱傍, 但湖濱傍有條長圍欄圍住架!! 因此, 依個沙灘只係比人有個沙灘嘅感覺黎欣賞多倫多嘅湖濱.

因為市政府想美化多倫多湖濱, 還掂起個公園比人嘻戲, 比人欣賞湖濱.....咁就不如起一個人造海灘出黎, 比遊客享受海灘之餘, 還可以欣賞湖濱咁囉!! 也想值着依個人造沙灘製做一個城市綠洲出黎喎!! 多一個旅遊及優閒地方!!

遲啲依個人造沙灘隔離會有座building, 依座Building 將會係娛樂中心黎架!!...有得行街, 食下野....... Yeah!

↓係大廈林立中有個沙灘.....有好多粉紅色沙灘傘...I like it...哈哈~~ 0