August 1, 2012 (Wednesday)
在溫哥華之旅, 最後一晚. 執完行李, 便馬上, 係自己個電腦, 上航空公司網頁, 自己check in and 畫機位. 看清楚一切. 便安心入睡.
July 31,一朝早, 在溫哥華吃過早餐, 便馬上去機場,坐飛機回多倫多.
去到溫哥華機場, 我們如常, 自己去航空公司的自助機, Print boarding pass and luggage tag. 在外國, 一切上機的準備, 是很自助. 完全沒有人手指示. 咩都自己黎. 唔自立都唔得.
但就是什麼都自助, 自己理自己. 當我們見到自己剛print出來, 果張Boarding pass 到達多倫多時間, 是比原定時間遲了四小時. 即是我班機delay, 都全是自己發覺. 機場是沒有特別通知. 最後, 先知多倫多大風雨+頻密閃電. 影響飛機升降. 所以, 很多客機滯留了多倫多機場囉! 因而, 影響由溫哥華回多倫多的乘客.
當時, 我又沒有特別嬲和唔耐煩!! 天氣難預, 而且, 我預咗一整日時間, 由溫哥華飛回多倫多. 現在, 遲4 小時先到步. 都ok啦!! 自己寄完行李. 再同Brian 出去溫哥華玩多陣, 先返機場,上機.
↓在溫哥華機場, 航空公司的自助機. (自己Print boarding pass and luggage tag)
在溫哥華賺了四小時, 再同Brian's parents 出街, 食餐Lunch.
溫哥華機場附近, 就是香港移民聚居地, 食碗雲吞麵先上機. 食完仲去埋Brian 屋企再hea 多陣. 先再去機場.
↓去了機場附近食,港式粉麵. (一人一碗麵, Brian 食炸醬攪麵,我食雲吞麵)
↓再叫滑蛋蝦仁飯和麻婆豆腐飯, 大家share 食!
四小時之後, 去返溫哥華機場, 過埋海關, 入埋boarding gate. 如是者, 等下又一個鐘, 逐個鐘頭, 航空公司, 都說一個鐘頭delay. 其實, 我完全唔怕等, 有飛機走就得. 其他乘客又無嘈. 個個靜心等.
但與此同時, 上網見到多倫多, 好大雨, 天文台, 直情話係雷電暴風雨. 水都浸埋!!
後尾, 同我哋一齊等上機的Pilot and Cabin crews. 個個sign out. 個個走清光! 我開始心知不妙. 最後宣佈, 「由溫哥華乘塔去多倫多的航班---取消!! 所有寄倉行李, 在2號輸送帶取回. 」
當時, 只有一個阿姐派張紙比我哋. 紙上寫咗個聯絡web-site and 電話. 機票和其他住舍問題, 自己攪掂, 但這個web-site 是上不到, 而且, 個電話係長響, 沒有人聽.
↓在YVR (Vancouver Airport) 一直在等,等待上飛機回多倫多. 但一再delay and delay. 坐在Boarding gate 真係坐好耐. 和我同一遭遇的人, 好有耐性等.
我同Brian謂有去航空公司啲Customer Sevice desk 排隊, 睇下有無飛機能夠返多倫多. 一邊排隊,一邊上, 頭先阿姐, 比我啲個網頁,check 下.
最後, 個Customer service desk 嘅職員, 就叫我和Brian 坐夜深飛機,由溫哥華去---Victoria (維多利亞, 是溫哥華隔離岸的一個小島), 之後, 再由維多利亞, 轉飛機去Toronto(多倫多). 到達多倫多時間是第二日(Aug 1) 晨早7:00am.
咁我哋仲趕到Aug 1, 9:00am返回公司開工. 因此, 我哋接受依set 機票.
雖然, Brian 當時好驚,兼擔心, 轉多程飛機, 才返到多倫多. (而不是直航返回多倫多). 但黎到依一步, 點都相信航空公司吧!! 總之, 我依一刻嘅觀念係, "唔好諗, 只要信!!!"
↓在機場的Customer services deck攪另一班機, 返去多倫多. 但就無直航機. 要由溫哥華--->維多利亞島---->多倫多. (到達多倫多是Aug 1 的7:00am)
終於, 將自己行李, 放返正確地點. 再寄倉. 之後, 就是坐在機場等.....由溫哥華去維多利亞島客機.
其實, 由溫哥華去維多利亞島, 只是25 mins 飛行時間. 說實話, 我都未坐過咁短飛行時間嘅飛機. 而且,隻飛機係小型客機. 機身還有一對大扇翼. 上到cabin真係一眼望晒. 連cabin crew 都好似得兩個.
算啦!! 今次當有個經驗坐小型飛機. 真係無幾何, 可以坐到依啲小型飛機.
↓我就是坐這一隻,有一對扇翼的小型飛機, 由溫哥華飛去維多利亞(離島)機場, 啲行李還要自己用人手搬動的.......到達維多利亞機場, 再等待另一架客機去多倫多
終於, 由Victoria (維多利亞)的機場等到飛機, 飛往多倫多. 可以返多倫多啦!! ~~finally!!! 就係依個時候, 個心才安樂啲!!
上到飛機, 我真係攰到瞓, 由朝到晚都係機場等. 唔眼瞓就奇啦.
但由於飛機上派餐時, 實有點聲,我便醒了一醒. 就係依個時候, 有個flight attendant. 無啦啦行到我個位, 問我係咪叫:Vicky. 嚇到我吖! 仲比我好多食物嘅選擇. 但我同Flight attendant 講,我無買到你貴公司嘅飛機餐喎!!
但Flight attendant 姐姐double check都話我機票單上, 是有買飛機餐的票!! 我相信是, 我在溫哥華機場, 攪另一班航班回多倫多時, 溫哥華嘅customer service desk 啲職員, 明白我突然flight cancel的遭遇. 所以,靜靜地幫我 upgrade了有飛機餐的機票比我
由於, 半夜食得唔多, 但我都order了,一碗什果麥皮+ 生果果仁和薯片吃. 其實,我貪依啲食物可以帶得走. 食唔晒都可以pack 返工做lunch!哈哈
↓第一次, 由維多利亞(離島)坐飛機返回多倫多, 終於,等到飛機回多倫多.....(航班上, 航空公司贈送的食物)
嘩!! 終於返到多倫多啦!! 原來我未試過咁早機,由其他地方返回多倫多.
原來由一朝早,由高空望落去多倫多. 是咁清楚和咁繁華架!! 還在高空看到多倫多地標CN Tower 添!! 感覺好特別
↓終於到達多倫多上空. 見到多倫多地標 CN Tower (原來晨早, 坐機回多倫多, 可以在高空望到多倫多的繁華一面!)
Finally~~~, 終於都到達多倫多啦!! 比自己原定時間, 遲了半日先返回多倫多. 落到機的時間, 是零晨7am. 便馬上坐45mins車返屋企, 放行李. 換件衫, 涼都無時間眾, 準時9am返工.
都未試過, 可以返工前, 是剛剛落飛機的.
↓原本係July 31 的8pm 返回多倫多. 但最後, 要在Aug 1 的零晨7am 先返到多倫多
不過,我想講, 外國的人, 遇上有航班cancel 和delay or 諸如此類的上不到飛機和行李問題,甚至滯留時的住舍的問題. 全都是自己找方法攪掂. 而且, 沒有其他航空職員指道下!! 仍很安靜, 自己去解決自己問題.
而今次其他和我同遭遇啲人, 也沒有大吵大鬧. 個個靜心排隊, 試下customer service desk 幫不幫到手. 甚至上網自己book 第二班機的機票. 就好像這一次, 由於天氣問題, cancel 航班. 我完全看不到一個人鬧航空公司的職員. 來發洩不憤. 我覺外國人, 真是自立好多!! 說實話, 「嘈 」係無用. 自己爭氣,自己解決, 才是最好幫到自己的方法!
↓由於, 多倫多這場雷電大風雨. 令到我原本回多倫多的flight cancel. 之後, 我要兜一個大圈, 轉機再轉機. 才返回多倫多. 不過, 我好彩, 我一到達多倫多,便即刻在行李輸送帶見到自己件行李. 但我知有人,滯留在溫哥華兩整天, 行李不知所蹤. 我是一個幸運者啦!
