Day 7 @Vancouver ---night market (夜市)

July 27,2012 (Friday)


  終於, 返回溫哥華. 

  由內陸渣車回到溫哥華, 已經是黃昏.

  聽電台廣播話: 溫哥華的Richmond, 舉行了一個Night Market. 有亞洲街頭美食, 手工藝和精品灘檔.  感覺很吸引. 我, Brian and Brian's parents, 四個人, 便馬上去趁熱鬧.

  溫哥華Richmond 算是很多香港移民聚居的地方. 這個Night Market 也是大部分亞洲商會共同舉辦的夏日節目. 我初頭還以為, 這個夜市, 會是撞口撞面, 都是亞洲人. 一定會交通混亂, 車位不足. 場地細細. 會好迫.

  但原來, 出奇地, 入場的人, 大多是士生土長的加拿大白人. 他們選購食物檔時, 還很醒目! 知道邊間出名, 邊間馬馬!哈哈~~  而且, Night Market 個場範圍很寬闊, 也有灘檔分類. 例如: 有食檔區, 精品檔區...... 車位又充足, 也有很多交通職員, 維持治安和指揮交通.  我覺得這個Night Market 搞得好有規律. 好安全.


↓Night Market (夜市), 場地, 範圍很大, 所以, 行得好鬆動.

 

 去到Night Market, 當然是為了食啦!! 場內, 啲街頭小食, 好多元化, 台式,港式, 韓式,日式, 什麼都有. 真係可以邊行邊食, 都唔知幾好玩.  當天, 真是有點癲, 我真係見咩就食咩!! 見到啲精品得意, 又買又掂, 好開心.

  Brian‘s mom 都唔知同我and Brian 食得幾開心, 某程度, 我覺得Brian's mom 仲瘋癲過啲後生.  食到唔捨得走. 見到啲廉價精品, 又開心到不得了. 未走, 已經話要再黎多一次.  成個細路咁. 真係好好笑.  哈哈~~


↓夜市小食灘檔.....魚蓉燒賣和咖哩魚蛋

↓台式Bubble tea and 混醬腸粉, and 燒魷魚

↓蒙古串燒 and 日式章魚丸

↓炭燒龍蝦 and 臭豆腐

 其實,Brian 跟得我依個 "市井人" 多, 對街頭小食, 周街食野嘅文化, 已經變成一種習慣.   但Brian's daddy就..........一啲都唔習慣. 食野無檯, 無凳. 又要邊行邊食. 已經聲都唔多出.   雖然, 我哋買嘅食物, Brian's daddy都有食. 但就食得好唔自然.  好彩, 我預先帶定乾,濕紙巾比Brian's daddy. 令到Brian's daddy 在街邊食野時, 會安心啲.

 當Brian, Brian's mom and 我, 在夜市, 買臭豆腐時, Brian's daddy 真是即時彈開咗. 遠離我們. 用紙巾蓋鼻, 企在某一角落等待我們.  其實, 加拿大啲臭豆腐, 已經無咁臭啦!! 但Brian's daddy 都是忍不住. 哈哈~ 

 某程度, 帶Brian's daddy 黎夜市逛. 對Brian's daddy 是一種虐待. 哈哈


↓Brian and Brian's daddy....Brian's daddy知我哋, 買臭豆腐就企埋一邊, 用紙巾蓋埋個鼻

↓我完全唔驚臭豆腐, 仲企係臭豆腐檔隔離, 一邊飲bubble tea一邊等!! 哈哈~

但我哋明知Brian's daddy會唔like 夜市. 我哋去夜市之前, 都專登話要去麵店, 食碗雲吞麵. 等Brian's daddy 個胃有野落肚.  去到夜市食唔慣, 點都有碗麵打底.

之不過, 就令我和Brian and Brian's mom的胃少咗好多位, 係夜市瘋狂....哈哈~~



↓時光倒流, 係夜市前, 去了麵店, 因為我and Brian 知道, 夜市係唔岩Brian's daddy 的. 所以, 陪Brian's daddy一齊去食碗麵, 幫Brian's daddy個胃打定底.