日式串燒


January 26, 2013 (Saturday)


三妹男朋友知道有間日式串燒連鎖店登陸咗多倫多.



所以, 就約我和Brian 一齊食!!



其實, 這間日式串燒店, 我係溫哥華幫襯過架!! 原來而家開到黎多倫多啦!!


這間日式串燒店, 係多倫多是新開業, 但就好多人捧場, 我們四個(我, Brian, 三妹和三妹男朋友). 都坐係門口等咗好耐, 先有位坐!!



這邊的正宗日本餐廳, 全店都是清一色日本人侍應和廚師, 說話很有日本口音!! 不過, 就是日本人經營, 就越是食得更放心!! 感覺啲食物特別有日式味道!! 真係好想好想, 加拿大越來越多日式野!! 哈



由於, 我和Brian 食過, 所以, 一打開menu 就知咩野係好食!! 一窩瘋, 就叫了很多款串燒. 之後, 又把串燒encore 再encore!!



而食日式串燒, 又點可以唔配啤酒呢!!所以, 我哋四個一邊飲, 一邊食, 令到個情緒更高脹!! 哈哈~~


↓串燒店名稱和環境



↓食串燒, 點少得啤酒, Cheer



↓一窩瘋叫嘅串燒 (牛,魚,豬,咩都有啲)


↓雞翼串燒 和 雞柳芝士串燒



↓日式燒餅, 鵪鶉蛋煙肉串燒 和 薯仔燒



↓日式烏冬 (好彈牙), 再黎鵪鶉蛋煙肉串(好野味), 日式燒墨魚



↓不段叫串燒, 真係encore完再enocre!! 當中有個話梅雞肉串, 好特別




↓食到幾多竹簽



↓最後, 仲食日式燒雞飯(Momo chicken rice), 還有Mochi 配雪糕做甜品



其實, 都好耐無見三妹和三妹男朋友啦!! 我今年, 先第一次見三妹!!!


三妹和三妹男朋友, 原來打算去歐遊, 咁岩我和Brian都係. 但三妹就早我一個月去. 但我和三妹, 最好笑係, 我和三妹都係秘密地進行歐遊嘅準備!! 到差唔多時候先會同屋企講!! (大家此終兩姐妹, 真係好了解屋企裡面啲人嘅行徑)

但我好開心, 三妹會去歐洲遊玩, 因為她以前, 一放假, 就會用晒所有假期返香港. 我知返香港係好開心, 但人應放眼世界, 有機會就唔好局限自己去同一地方!!


食完日本式串燒, 三妹上咗去我屋企坐下,Brian 竟煮雞翼招呼三妹. 真係岩岩食完. 上到我度,又再食過!!哈哈~~

----------------------------------------------------------------

到半深時份, 三妹返屋企,

我同Brian 就捱眼瞓睇埋澳網比賽. 


 

↓英國佬---梅里得亞軍. 我鐘意嘅Djokovic 贏咗!! 哈(For me, happy ending)

12 號...出下街


January 12, 2013(Friday)


難得天氣係零上, 又是周末. 當然要出下街. (其實7℃天氣, 我已經好開心!!)


而且, 仲係12號, 是我和Brian, 每個月的special day. 點都要出下街. 去下超級市場, 買下餸都好. 因為返咗多倫多之後, 真係依一個周末, 先感覺到自己精神返!!



我哋懶下懶下, 都攪到太陽就落山先出到街, 我幾開心, 可以着中褸, 襯對UGG. 哈哈~~  我哋去咗嘆藍莓smoothie 和食件餅,當慶祝12號


依家, Brian 好鐘意入廚房, 我都由得佢. 周末通常都會去超級市場入貨, 之後, 周末嘅午餐和晚餐. 都是坐在家吃.

有時, 仲覺得在家吃, 可以慳返好多時間. 可能, 出街, 一來一回, 時間已經無咗大半. 依家, 在家吃, 睇電視時間都多咗!! 啲時間"come"洗好多. 哈哈~~

↓早餐--牛油果, 意大利咸火腿麵包, 星期天早餐---流心蛋, 意大利咸火腿和希臘乳洛




↓晚餐--啤酒冬菰肉排煲, 左公雞和小棠菜



↓蔥爆雞丁, 番茄洋蔥雞肉煲



↓還有茄汁洋蔥辣椒煲. 仲有飯後甜品---芝士蛋糕


↓周末, 就嘆一嘆, 飲蘋果酒和咖啡



↓點少得零食, 去超級市場買餸, 順便買!!

 
 
 
 

返回多倫多


January 11,2013 (Friday)


由溫哥華坐飛機返多倫多!! 一出機場就見到好多雪!!



由機場坐的士返屋企, 條公路完全白檬檬, 好彩個的士阿哥, 都無淋亂渣, 但係依啲咁嘅天氣下, 坐車都唔敢瞓, 令願有多對眼一齊望.



一到多倫多間屋企, 雙腳一踏上,行人路上, 就即刻感應到----「地上飄」嘅生活啦!! (因為一落雪, 風又大, 天氣又凍, 地又滑, 真係好難腳踏實地, 去行路呢!!)




↓這個一月, 很多雪, 同埋好凍,好大風. 出街吹到頭髮亂晒, 而且零下負30℃, 都探過我呢!!



通常,去完旅行, 返回正常生活, 心情和精神都係比較難才適應到.



回到多倫多, 頭一個星期, 真分分鐘都想瞓, 好想休息!!



而且, 在溫哥華和Las Vegas 食大了個胃, 返到多倫多很想食, 但時時都攰, 就很懶煮, 所以, 頭一星期, 在多倫多的日子, 都是吃快餐. 因又快又飽肚!!


↓吃了炸雞和麥當當快餐



↓還出了街食完先屋企, 食野前經過條街, .....其實多倫多啲街道, 係聖誕時份, 都好美, 但天氣實在太凍, 有地下行人通道, 就一定選擇行--地下通道, 很少上地面. 之後, 去了食New York Fries!!



↓食完薯條, 仲食雪糕.............現在估不到麥當當,竟有朱古力棒購賣. 係買雪糕時見到


但Brian 就比我更快pick up到正常嘅生活, 他自己放工, 便去超級市場買餸, 煮埋飯.

啲餸菜味道, 還沒有退步呢!!!


↓腐乳菜膽雞煲, 麻婆豆腐



↓梅菜蒸豬肉, 蠟腸煎蛋飯



↓茄汁洋蔥雞, 左公雞




唔知回到多倫多, 啲天氣係咪太凍, 我打敗仗啦!!!  咳足成晚!(但好奇怪, 只有夜晚先咳) 攪到對耳仔都塞埋, 攪到我有幾日, 都感覺得世界好靜. 連Brian講野都好細聲!!

之後, 又唔知食咗咩, 有一晚同咗個廁所同睡咁濟!!!

可能顧住去廁所, 第二日連條頸都緊咗, move 唔到!!

今次, 去完一轉旅行, 返咗多倫多, 好似份外難返回正軌咁.


↓咳藥, 傷風藥, Muscle 藥和止肚疴藥. (好得人驚!!)