March 26, 2010 (Friday)
見到個topic啲數字, 唔好以為我講身材 or 講歲數呀!!! 我只係講電視咋!! 係未有心理準備下, 就有部新電視. Yeah!
星期五, 好突然, 係放工時份,接到Brian電話, 他話現在便去買新電視. 但由於部電視體積, 又唔想等送貨. 所以, 已經約咗三妹男朋友, 一起去買電視.(因為三妹男朋友有一架大車能容立部新電視).
就係咁!! 放咗工, 無幾耐就有部新電視係屋企出現. 雖然, 部新電視決定買得好突然, 但我好鐘意,睇 or 聽電視, 我一返到屋企就會開電視, 直到瞓先會熄。而且, 依部電視型號, 我不流我都好鐘意架!! 所以, 當部電視係我眼前出現, 我係好開心架!!
電視對我黎講, 都係幾重型投資, 無咩必要, 我係唔會買部新架!! 就係因為三妹男朋友囉.... ................三妹男朋友同Brian興趣有點相似, 很喜歡研究電子用品. 而每次三妹男朋友黎我同Brian屋企hea, 都會同Brian研究某啲電子產品, 包括電視機, 所以, Brian應承三妹男朋友, 當他置業時, 就會送我哋屋企部37吋電視比三妹男朋友作入伙禮物, 最緊要係三妹男朋友唔好嫌氣, 我同Brian用過就得. (都唔知Brian係咪想換新電視嘅籍口) 而前幾個星期, 三妹男朋友已經攞咗新屋鑰匙, 榮升業主. 雖然, 仲有啲濕聲攪, 先會正式入伙居住. 但已經成為業主了.
就因為三妹男朋友就入伙, Brian都開始着緊揾部新電視比自己, 以便將屋企個部37吋 送比三妹男朋友嗎!! 咁岩係星期五, Brian見有部心頭好電視, 在合心水價格內, 便馬上購買. 咁現在, 三妹男朋友份入伙禮物有着落, Brian又有部新電視. 一舉兩得啦!!
現在, 換咗部大啲啲電視, 在看電視人物時,有啲唔慣, 好像感覺電視機啲人物好大件. 個人頭好大呀!! 唔好以為我住係加拿大, 居住空間會好寬躺, 我同Brian現時居住大廈單位, 無house 嘅面積咁大, 因此, 現在謂有將部新電視盡量掂牆放. 咁坐在梳化上睇電視會舒服啲!! 其實, 今次換部新電視, 理應換個新電視架. 但諗諗下, 未來兩,三年之後, 我同Brian都可能要搬. 而家, 都係唔好大攪啲傢具啦!! 用到就用啦!
↓新舊電視. 用袋包住個部係新電視0
↓第一幅相係舊電視, 另外一幅相係新電視 (新個部電視機有玻璃圍住電視邊,我最鐘意依點 哈哈, 我唔識研究電視架, 高唔高清, 點清晰, 我唔太識分, 外型比較特別就會喜歡 )0
↓電視好難係相機, 影到係咩size....我張開手, 黎量度囉!!0
----------------------------------------------------
搬搬抬抬電視一論, 當然, 好想食返啲重量級嘅食物啦!! Brian and 三妹男朋友, 完成咗電視易交型式之後. 我們四丁人 (我, Brian, 三妹, and 三妹男朋友) 便去食漢堡包晚餐.
依間漢堡包店, 我較早前已經食過, 因為間漢堡店係我屋企附近之嗎!! 開無幾耐已經走去試食. 味道唔錯, 啲包肉汁好juicy 架!!! 但近排, 依間漢堡包店, 上咗報紙and 雜誌呀!! 攪到出咗名!! 去食漢堡包都要等好耐才有位......
其實, 我唔食牛肉架!! 食漢堡包, 我選擇了食羊肉漢堡包. 今次, 我仲選擇要goat cheese 羊肉包, 嘩!! 我覺個包好美味呀!! 哈哈~~ 飯後 , 三妹and 三妹男朋友上咗黎我個樹hea 下囉!! 飲下咖啡, 傾下計, 睇下電影(72 家房客), 又顛到4am.
↓漢堡包餐廳嘅格局0
↓蔬菜盤, 同頭盤(好大,好脆嘅洋蔥圈, yam 薯條)0
↓kobe beef 神戶牛肉漢堡包, 內裡有煎蛋0
↓羊肉漢堡包(附有goat cheese 嘅羊肉漢堡包)0
