剩餘物資

March 21, 2010 (Sunday)    
  一連兩天都走咗出街食飯, 仲要每次出去食, 都唔覺意叫咗好多野食!!

  食唔晒, 我通常都會盡量打包返屋企, 留待第二日再食!!某程度, 我都覺自己幾慳家架!! 哈哈 (自己讚自己)

   星期日一瞓醒, 打開個雪櫃, 見越來越多啲打包盒, 都係時候清一清. 擺得耐咗都唔要得啦!! 快快脆要清咗佢

   通常, 啲打包食物, 都係食剩一啲啲, 所以, 我將幾餐打包食物, 黎一個match and mix.....就變咗一餐好特別嘅sunday brunch ....哈!!而夜晚個餐, 就清埋雪櫃啲雲吞, 同埋我早排煮咗食唔晒嘅毛豆, 一齊煮, 再加麵, 又一餐.  幾方便呀! 又慳水慳力. 慳返啲力黎熨下衫, 熨下西褲都好呀!! 哈~~   


↓將幾盒打包嘅食物, 擺好啲, 再加杯果汁就變咗好特別嘅Sunday Brunch 啦!  而另外張相, 係晚餐, 用雪櫃剩餘物資整架, 再係旁邊加杯檸茶, 變咗好特別嘅中餐0







Posted by at

11 comments:

  1. 東主有喜24 March 2010 at 21:26

    清個雪櫃 有時先係最難諗既一件事......
    [版主回覆03/27/2010 11:51:00]東主有喜:   係呀!! 但就係因為有時為清雪櫃, 又會無意中諗到啲新菜式....哈哈!~~

    ReplyDelete
  2. Queenie25 March 2010 at 02:00

    好耐冇留言喇......
    你話係剩餘物資, 但一D都睇唔出呀, 點解食剩都仲有咁多架?????
    你地咁細食嘅? 隻KITTY碗其實好細隻咋喎, 夠食架喇?
     
    [版主回覆03/27/2010 11:51:00]爆炸魔女:   ~都唔知點解, 可以食剩咁多!! 可能早排去開啲食店食飯, 啲食物都比較大蝶頭. 食唔落, 就打包, 打打下, 成個雪櫃都係打包盒囉!   ~係呀!! 隻Kitty 碗唔夠大架!! 食完要再去個煲度"不" . 不過, 我成個煲放咗係食飯臺, 就唔洗食完, 要行去廚房"不" 咁麻煩.   ~真係好想揾兩個一set 相同嘅大湯碗, 但係要Hello Kitty喎!! 所以, 勁難揾. 自己慢慢 "不" 就算喇!! 哈哈~~

    ReplyDelete
  3. Mrs Beauty25 March 2010 at 03:58

    ~咁先係現代嘅精明女性！唔好浪費嘛！
    [版主回覆03/27/2010 11:51:00]靚太:   ~哈哈!! 係架!! 我認自己係好精明嘅現代女性架!! 哈哈!!   ~咁食得就唔好晒嗎!! 又可以慳返一餐, 唔洗係廚房煮, 叮一叮又食得!!好方便.

    ReplyDelete
  4. Mui25 March 2010 at 08:26

    我都會架，食唔晒既會打包拎番屋企，唔好舐野呀!不過而家天氣開始暖，要帶埋個cooler出街裝先得。
    [版主回覆03/27/2010 11:51:00]Mui:   ~係囉!! 食得唔好晒嗎!!!   ~我係夏天食完野, 如果有打包食物, 會盡量返屋企先, 放低包食物先走, 因為我無cooler, 費事為打包買多樣野(Cooler)係屋企啦。

    ReplyDelete
  5. 表叔公25 March 2010 at 08:50

    好嘢 ......
    [版主回覆03/27/2010 11:51:00]表叔公:   依啲就係精明本色...哈哈!!!

    ReplyDelete
  6. 怡威25 March 2010 at 18:03

    打包好呀~!... 可以環保
    [版主回覆03/27/2010 11:51:00]小威威:   我都唔算環保喇!! 有啲人, 帶個膠盒出街, 將啲打包食物放係膠盒度, 唔用白寶膠盒, 咁樣仲環保喇!

    ReplyDelete
  7. Emily25 March 2010 at 23:42

    我都好少會出街食飯...怕肥
    [版主回覆03/27/2010 11:52:00]心樂:   你真係好主重自己外形渦!! 有時,出街食飯都幾有氣氛架!! 但當然唔係日日食街外野喇!!

    ReplyDelete
  8. Col26 March 2010 at 07:16

    幾慳家
    btw, Mar 22 is Monday, not Sunday!
    [版主回覆03/27/2010 11:52:00]小col:   ~哈哈!! 食得唔好晒嗎!!   ~係喎!! 我已經改咗個日子!!唔該晒.

    ReplyDelete
  9. *開心幸福PooH*26 March 2010 at 09:29

    我都好鍾意將d食唔晒打包返嚟既嘢炒埋1堆就當1餐咁架.....不過冇你整得咁靚靚....哈哈!!!!我好求其咁放上碟咁食....kakakakak
    [版主回覆03/27/2010 11:52:00]開心幸福pooh   ~咁食得唔好晒嗎!!   ~我都係貪得意擺好啲食物. 食起上黎, 係視覺上都享受埋嗎!! 哈哈!

    ReplyDelete
  10. Connie26 March 2010 at 21:59

    真係取得過做老婆呀。。。感知慳識＂ｘ＂　（唔記得點寫果個字tim.....please help!!!) 
    [版主回覆03/31/2010 07:51:00]小水怪:  ~ 哈哈!! 講到我好似搶手貨咁架!! 哈哈! 食得就唔好晒嗎! 而且, 早排去食啲野, 比較大蝶頭. 所以, 食唔晒咪打包囉!!   ~x=儉   ~我啲中文都係有限公司, 我十三歲已經黎咗依樹架啦!! 哈哈!!

    ReplyDelete
  11. 細細粒28 March 2010 at 21:29

    嘩, 真係唔知你會打包添.....平時我唔會架, 因為盡可能都唔會叫咁多, 一人一份就夠, 咁食剩都唔會打包架啦~~
    咁都好好喎~~轉變一下就變咗唔同菜式, 無咁悶嘛~
    [版主回覆03/31/2010 07:51:00]細細粒:   ~乜我個樣好似好大晒咩?? 我食唔晒係會打包!!哈哈~~   ~依排去開啲食店, 啲野食都比較大蝶頭, 食唔晒咪帶走囉!而且,好多時, 我同Brian兩丁友出去食野, 但又咩都想食, 叫叫埋埋叫多咗! 咪打包, 第二日再食囉!   ~我都係將啲食剩啲食物放好啲,貪得意, 放埋啲果汁做餐飲, 咁食起上黎, 係視覺上都享受埋嗎!!

    ReplyDelete

Subscribe to: Post Comments (Atom)