與鐵人生活

January 12,2014 (Sunday)

一星期, 返足七日工, 真係同鐵人一樣!!

Brian 在這星期就變了鐵人, 真係一猛大眼, 就準備返工.  周末兩天, 也要上班. 講真, 真係好攰呢!!  (其實, Brian係連續返工13日, 之後, 先放一天---星期日. 好恐佈呀!!)

而我在Brian 星期六, 日.  還要返工時, 便走去咖啡店, 溫下書. 大家齊齊努力啦!!

雖然係星期六,日. 不能放慢腳步休息.  但星期六, 日的晚上, Brian放咗工, 都照樣同我出街!! 有時, 我都想他休息多啲. 但他係周末放咗工, 更加期待出下街!!

咁又係, 短暫行下街, 食下嘢, 其實, 都幾relax下嘅!  



↓Jan 11,星期六放咗工, 同Brian行商場, 一月就見到農曆新年裝飾物. 仲周圍都有桃花裝飾!! 而我手上渣住個白膠袋, 係脆皮燒肉黎!! 溫哥華啲燒蠟---好好味!! 但唔記得影相!!

↓Jan 11, 星期六放工, 晚餐去food court食. Brian比我影響, 喜歡食車仔麵和格仔餅!! 而我就食蒙古烤肉餐. (有辣羊肉, 燒餅,餃子和湯)

↓Jan12,星期日放工之後, 去了食台灣菜, 因為這天, 係我同Brian 一齊14年半嘅日子. 我哋好like 食台灣菜, 台灣菜啲味好岩我哋, 所以, 食台灣菜慶祝!! 而我覺依邊好多台灣移民, 啲台灣菜好正宗.  食咗皮蛋肉鬆凍豆腐, 台灣肉腸, 肉燥飯

↓還食了好香口的鹽酥雞和好肥美的鹵水豬大腸.(而家, 寫blog 時, 見到依兩樣, 好想食多次!!)

-------------------------------------------------

Brian這個鐵人, 除了返工和出街食飯。

回到家, Brian還同他Daddy研究, 新蒸爐, 還要搬搬枱枱, 蒸爐的適合位置!!

他真係日日做多多,都好似仲有能量!! 唔洗差電咁! 比着我, 周末只係溫習, 都攰啦! 但他工作, 出街, 還搬搬枱枱及研究. 但他的還柏力依然!!

原來, 我而家同緊一個鐵人生活!!

↓聖誕時買給Brian's daddy嘅聖誕禮物!! 到而家先用. 這份禮物係一部擁有Oven+Steamer (焗爐+蒸爐)功能嘅廚房用(玩)具.

↓揾好地方放置部steamer, 就即刻試用部steamer, 第一激, 整冰糖燉蛋, Yeah!! 第一次就順利....啲燉蛋滑嘟嘟!!

早餐

January 24,2014 (Friday)

在Brian家住, 最精彩就係朝早嗰餐---早餐.

我知「早餐 」係每日最重要的一餐. 

但Brian家的早餐格局, 好似tvb 套 《名媛望族》咁.

他家的早餐, 是一餐好豐富的西式早餐. 餐具很齊全和整齊, 驟眼望去張breakfast table......感覺好宏偉呀!!



↓這就是Brian家的早餐

一般Brian家的早餐. 有粟米片, 麵包,果汁, 牛奶和 水果(通常係藍梅, 但我鐘意木瓜, so 有時會有木瓜食).

雖然, Brian家的早餐, 唔難食. 但日日都係依啲早餐, 真係會有點厭. 

有時, 我和Brian會用點籍口, 越獄.......出街食早餐. 先返工. 哈哈~~



↓試過去加拿大快餐店A&W 食早餐, 試過係超級市場買個波蘿包+ 支飲品--當早餐

其實, 外國啲早餐, 食黎食去都係嗰啲. 但由於, 我同Brian係偷雞出街食早餐, 行徑有點神神秘秘. 令到一個好簡單嘅街外早餐, 變得好刺激. 

以前, 都無諗過morning 時份, 同Brian會咁好玩. 哈哈~~ 


↓有時,又會食下麥當當早餐. (豬柳蛋漢堡+熱辣辣薯餅--好Perfect!)

由於, 我和Brian嘅工作地方嘅中間點, 係麥當當餐廳. 有時, 趕唔切出去食早餐. 就會lunch time 約大家去食返餐!!

講真, 有時真係做到頭都大, 出街食返餐. 個腦袋, 都舒服啲.


↓朝早趕返工, 食唔切早餐, 會約Brian 食麥當當午餐.

偷雞出街食早餐, 係好好玩. 但有時啲早餐, 例如: 麥當當, 係比較漏. 唔健康. 

所以, 會轉戰去咖啡店. 

由其是, 周末上班前, 都會獎勵下個心靈. 飲杯特式香濃咖啡. 

↓星期六上班的咖啡--Mocha and Caramel Flan latte

↓有時, 見到星星咖啡店內, 有好多人都會買杯星星咖啡, 但食其他星星咖啡店, 以外嘅食物, so我咪學下人, 係超級市場買個包, 再買杯星星咖啡飲, 當早餐.   (豬肉鬆包 and 椰絲波蘿包)

↓我試過, 買盒granola bar +咖啡, 做一個好飽肚和很醒神嘅早餐, 去得咖啡店, 所以, 買張debit card, 咁買咖啡方便啲. 原來星星咖啡店, 有馬年生肖debit card

其實, 我以前係香港住, 通常會食粥, 做早餐.

但有一放假, 由其是暑假, 我Daddy 就會係返工前帶我去食港式早餐. 食完之後, 我就返啲暑假興趣班.  

港式早餐, A餐, B餐, 永遠是最經典. 但黎咗加拿大之後, 反而無咗港式早餐, 依件事.

但早倫, 聖誕節期間, 無意中經過工作附近嘅商場, 比我發現到商場裡面, 有間港式餐廳. 而且, 間港式餐廳有早餐供應.  而且, 餐廳還用A 餐, B餐, 作早餐代號. 好親切呀!!

而Brian 食咗這間港式餐廳的早餐之後, 便一食就愛上.

係呀!! Brian雖然係香港出世和係香港長大過, 但他係香港時, 無接觸過港式早餐㗎!!   他連咖哩魚蛋, 格仔餅, 魚蓉燒賣, 車仔麵. 都係我帶他食, 他才識食!!

自Brian 試過, 港式早餐嘅A, B餐. 他間唔中, 都會提議去食港式早餐.  哈哈~~

但港式餐廳離公司遠啲啲, 真係要預早plan 定, 先食到!!



↓港式早餐, 炸菜肉絲公仔麵, 煎雙蛋, 波蘿包配熱飲, 好perfect

↓港式早餐, 又快, 又熱辣辣, 又飽肚. 不過, 都唔太健康, 都唔可以日日食.

--------------------------------------------------

講完早餐, 講其他時間飲飲食食嘅嘢先.....

有時放工, 放得遲. 都會安慰下個心靈, Brian 會買台式珍珠奶茶外賣. 一邊翻熱啲dinner meal, 一邊飲Bubble tea. 

我覺加拿大依邊, 啲珍珠奶茶好飲啲, 正宗啲!! 可能依邊都多台灣移民!!

↓原來溫哥華啲珍珠奶茶(行街), 係咁樣包裝. 我飲芋頭奶茶, Brian飲荔枝綠茶 

而零食, 係平時必食, 因為太口痕啦!! 

好彩, 溫哥華依邊, 港式零食比較多選擇!! 而且價格都幾相宜. 每個周末都會買啲食下!!

↓零食 

↓而有一日買零食見到kit kat 有馬年朱古力, 買黎應下節都好!

出街食

January 7,2014 (Tuesday)

剛過去十二月和一月頭, 好精彩. 差唔多, 日日都出街食飯咁濟.

以前, 一到聖誕節, 就請大假. 放假啲時間free啲. 都唔覺自己應咗咁多約

不過, 應約咗一次, 第二年就會連續!! 而且好難得會連續. 所以, 啲慶祝聖誕節嘅飯. 多多都去!!

但今年十二月, 剛在新position無耐. 邊請到假.  工作+ 應約. 日日都一齊進行. 原來都好攰!!

不過, 十二月係開心月. 點趕, 都會去食!

↓十二月和一月都係聖誕+新年, 所以, 每次出去食飯, 都會帶埋聖誕禮物送比人. 黑色箭咀指住個堆紙袋, 就係送給人嘅禮物!! 送禮物, 送到一月頭! 哈哈~~

↓今年唔知點解, 聖誕及新年時, 個個食飯, 都話要食中菜.  不過,溫哥華啲中菜和環境都很不錯. 我好鐘意. 圖中個蝶「甘蔗雞」---好特別. 還有飲酒.

↓有日去咗食茶餐.  乾炒牛河, 台式飲品和焗白汁意粉

↓依日, 係weekend, 出街食足全日. 下晝食粥和炒麵(啲穫氣好好).  而晚餐, 同Brian的長長輩食飯. 其實, 我覺Brian很怕見長輩. 因為Brian的長輩, 都是書香世家, 有點嚴肅. 有點規則. 但我接觸過之後,我又覺ok嘅!! 但傾談要講英文!! 畫中係火焰支竹羊腩煲 (但影唔切啲火焰)

↓Jan 1, 每年都會去同一個地方食午餐. 食咗fish & chip, all day breakfast and 奄例wrap 配牛油果醬

其實, 仲有好多好多餐, 但無一一影相!!

某些外國人or 長輩, 真係會覺食飯時, 同食物影相,係一件很奇怪嘅事, 甚至係一件無禮貌嘅事!

雖然聖誕及新年, 出街食咗好多餐, 但食咗啲咩, 就無用相機一一記錄! 自己記得就算!!

而由十二月到而家, 都好似食過幾餐住家飯咋.  反而, 住家飯係自己人. 點影都得. 哈哈~~





↓住家飯: 雞腿薯仔西蘭花意粉, 還有日, 食咗海鮮意大利飯+西蘭花

↓住家飯: 豉汁蝦+梅子排骨, ......另一日食雞翼, 白菜, 蒸三文魚和湯

↓依兩餐, 係趕唔切返去食住家飯. 工人留餸, 自己翻熱食

New Year Eve

December 31,2013 (Tuesday)

Dec 31晚---除夕倒數ball.

每一年都同Brian屋企人一齊去!! 大家一齊去咗依個ball, 六年啦!!

以前, 居住係多倫多, 都會特登去完依個除夕倒數ball先飛返多倫多!!

今年, 就唔洗啦!! 做了溫哥華人, 理完工務上嘅事, 就直接去個Ball.

個Ball完咗之後, 又唔洗執行李. 趕住飛返多倫多啦!! 感覺好爽.


---------------------------------------------------

而每一年, 去除夕Ball 前, Brian's daddy例必摷個平時無咩點用嘅相機出黎, 要我& Brian 係大廳影啲相先出門口!!
   

↓要去Ball, 就妝扮下,查咗好多嘢上面....哈哈~~ 好啦!! 每年化完妝,指定動作, 就係去大廳等Brian's daddy, 他要幫我and Brian影啲相.  唔知點解,但每年都要咁. 等嘅途中, 玩下先!!

↓每年都係喺大廳影下相, 同Brian一人一張!!

↓每年都坐係同一張梳化影!! 座姿動作也一樣

↓今年有整聖誕樹, 就有啲新意, 同聖誕樹影埋相. 再同大廳張檯, 又影下. 影到差唔多!! 就出發去除夕倒數Ball.

其實, 每年去依個Ball, 都係食下嘢, 跳下舞, 睇下music band表演,  抽下獎, 到最尾就倒數!!  年年個流程都係一模一樣!  .......(不過, 我今年就抽到個headphone!! Join 咗六年, 先第一次抽到獎品. Yeah!!)

但每年, 係依個ball裡面, 見到同一班Aunites and Uncles, 見到他們健健康康, 談笑風騷. 我覺得好開心!! 唔知係咪人大咗? 覺得健健康康, 才是最好!!


↓到咗除夕倒數ball現場. 話咁快由2013年去2014年啦! Happy new year

↓除夕Ball, 離不開跳下舞

↓除夕ball當日嘅食物, .....而我今次係除夕Ball抽到份禮物, 去咗個Ball 六年, 今次第一次抽到我手中個number. 有個新headphone 用

↓進入倒數啦!! 帶定酒店準備嘅新年飾品倒數......2014年啦!!

------------------------------------------------------

過去的2013年, 經過許多突發性嘅事!! 以往不會寫回顧. 但2013年對我黎講, 是特別的一年.

由2013年頭, 大風雪暴, 不能上飛機, 在機場大小櫃面撲機位, 差啲係機場瞓.

2013 六月, 去了法國. 目的是旅遊, 但換來每一日, 都好像同賊佬博鬥.

2013七月, 決定離開多倫多. 申請離職.

2013八月, pack 箱, 解除多倫多的大小事項(包括租約, 保險....), 還有, 四妹結婚.

2013九月,手背受傷,留下疤痕. 完全離職. 定居溫哥華. 做溫哥華人, Brian上新工.

2013十月, 我有新position. 每天早起出門.
.
.
.
還有, 很多很多新事項, 都是2013年突發性發生. 真是每天都面對新挑戰.  但很感恩, 每件事, 好像有解決方法係前面等緊我. 也很有幸, 我的另一半, 一直和我一起抱住信念, 一步一步輕鬆的走下去!!

原來, 有很多事情,原本以為自己不可能做到. 但事情一發生, 環境迫住做!! 原來自己是能夠做得到.

還有, 這年的經歷,令我更珍惜Brian的愛護.

也感恩主, 2013年, 所帶給我的平安, 順利和健康.

2014年甚至係2015年, 這兩年, 我應會有更多變化的年份. 這些變化, 我知會是面向更好. 只要慢慢行, 我知我和Brian會做得到!!

祝福大家2014年, 每天能輕鬆, 順利和健康.