出街...都是找食

September 30,2015 (Wednesday)


係而家, 如果有得比我揀,

一有時間, 我係想靜靜哋, 留係屋企休息.

因為, 我真係好想, 令自己靜下來.

可能, 平時嘅上班生活, 太衝忙了.

我還要衝足六日.  (所以, 我連blog, 都無寫, sorry)

但就係因為自己肯衝, 公司竟然推薦我----升職.

嘩, 好似好快喎!! 因我都未做夠兩年.

最後, 我無選擇升職,

雖然, 還原基本.

工作量....還多咗.

但我好像舒服啲, 原來人生, 到咗某一個階段, 係會退下火線.

---------------------------------------------------------------

而每星期, 我只剩下一天時間,  是我休息日.

其實, 都想留係屋企,

但點都是要找食,

都是要走出街.........

出街----找食. 都會盡可能揾啲自己未試過嘅地方食.

當然啦, 食啱自己口味嘅食店, 就會返叮, 再去食過. 哈哈~~



↓有一個休息天, 想食得健康啲, 就食過一間, 係downtown 成日排長籠嘅三文治店. 其實係pulled pork 三文治. 味道不錯. 但唔知點解開店初期, 會大排長籠, 唔通這間三文治店, 是從美國開過黎溫哥華, 過江龍嘅三文治店, 所以, 會引好多人去試??   而我食完咸, 就食甜, 食咗綠茶frozen yogurt 配mochi.
 


----------------------------------------------------------------


↓休息天, 也會快快脆脆, 走去食快餐.  個漢堡包餐送雪糕. 食到好滿足.
 


--------------------------------------------------------------------


↓有個星期嘅休息天, 好肚餓, 又強烈想食壽司, 所以, 走咗去任食餐店.
 


↓除咗啲壽司係任食,連韓燒都係任食, 日韓食物, 一次過比我食到, 好滿足.
 


--------------------------------------------------------------------


有一個休息天嘅星期, 去咗一間日本人經營嘅西餐廳, 食dinner. 頭盤意大利沙律及炸雞塊
 


還食咗咖哩漢堡飯 (幾好食), 日本整意粉, 都唔錯. 啲麵質好"煙銀"
 


唔知日本人係咪喜歡食漢堡扒, 啲漢堡扒都幾好食. 還食咗日式材料炒意粉
 


--------------------------------------------------------------------


有個休息日, 去咗食台式快餐, 個肉鬆三文治, 見網上評論, 有好多好評. 但我覺不過不失.
 


-----------------------------------------------------------------------



此終, 都係香港長大, 其中一個休息日, 點可以少咗茶餐.  去咗食波蘿油+餐飲
 


再黎碗粉麵.  肚皮即刻好滿足, 好脹大.  但好欣賞碗墨魚丸河, 真係有啲兒時食嘅味道
 


--------------------------------------------------------------------


仲有, 我近排迷上食Taco, 等Brian 放工啲空檔時間, 又走去食Taco, 有時Lunch time 放飯又走食. 









September 10,2015 (Thursday)


這一日, 心情緊張.

因為第一次, 同這位blog 友見面.

其實, 係blog 裡面, 大家都已經blog 黎blog 去一段日子

但聚埋一齊, 面對面傾談. 真是第一次.

而且, 最特別是, 這位blog 友, 從未係blog 裡面露過自己真面目.

所以, 我臨見面前, 仲問定這位blog 友, 大概會穿著什麼衫, 咁我可以容易啲認. 哈哈~~



↓終於見到, 這位blog友, 好開心.  她是由多倫多飛黎溫哥華和我見面, 仲要就我, 去到我公司附近同我見面. 我哋大家一齊品賞甜品午餐
 





同完這位blog 友見面,

大家, 真係有着講不盡嘅話題.  (比我預計嘅一摸一樣). 

可惜, 我時間唔多, 只是能夠同這位健談及樂觀嘅blog 友, 見得一個半小時.

希望有機會, 再可以傾耐一點. 傾個痛快.


↓Blog 友還送了hand cream 做見面禮. 太好啦! 這hand cream 我早排係心裡面都想買. 點知Blog 友就送咗比我. 莫非大家已經係blog 裡面, 認識了一段時間. 我唔出聲, 都知我諗咩. 哈~





















-------------------------------------------------------------------------------------


午餐, 同咗Blog 友------聚.

到晚餐時,

我又有聚餐食.

就是, Brian 幼時嘅鄰居.

剛好坐飛機, 路經溫哥華.

所以, 就馬上同鄰居,出外食飯. 聚一聚

聚, ----永遠是最開心.  永遠有講不盡嘅話題.



↓同Brian 兒時鄰居, 食了中餐. 薑蔥炒龍蝦, 炸子雞
 


↓蒸魚, 餐廳還送了南瓜西米露.
 



----------------------------------------------------------------------

這一天, 真是"聚" 了一整天.

但還有一個好重要嘅節目.

這就是,

我和Brian 黎咗溫哥華定居, 兩周年嘅日子

咁重要嘅日子.

當然, 要同Brian 兩個人坐埋一齊.

細談下這兩年, 我嘅事.

非常感謝.

Brian 和我, 在每一天行嘅路



飲了非常重份量嘅芒果肉雪泡 及杏仁朱古力冰, 黎恭喜我和Brian, 在溫哥華定居兩週年紀念

Whistler

September 6,2015 (Sunday)


我都覺自己寫blog嘅速率,越來越緩慢, 

有啲離晒軌道. 

現在秋天, 但仲講緊夏天嘅事. 

但無辦法, 近排工作, 真係好忙碌. 

然而, 需要擔起工作嘅責任, 也多了.

所以, 一放咗工, 食完飯, 沖咗涼......就走了睡.

之後, 又第二日了. 一日又一日.

時間過得真快.

-------------------------------------------------

講返, 九月初,

難得有個長周末假期.

便走上山, 行一躺吧!! 

去鬆一鬆.

這個山, 名為Whistler.  曾是冬季奧運場地.

我以前, 只是冬天才上, 此山.

當時, 上Whistler 山, 主要去滑雪. 因為Brian 喜歡滑雪嗎!

而這一次, 在夏天時份上Whistler 山. 都是頭一次.

原來, 夏天嘅Whistler 山. 都有另一種美.



↓Whistler 山, 是一個渡假勝地, 冬天時, 大多人上此山滑雪, 夏天時, 很多人上山, 騎馬, 踏單車, 打Golf. 其實, 叫得渡假勝地, 設施都比較好, 所以, 商業味都比較濃. 因為依度都有好多商鋪行. 有得shop. 我自然開心.
 




 天氣好, 周圍啲人都好優閒, 依個山,令到我感覺, 好舒服, 好舒服. 
 


↓Whistler 山嘅渡假村. 好熱鬧. 揀黎依個地方行一行. 人都鬆咗. 
 


↓Whistler 山, 坐咗係露天茶座, 食咗一個lunch, 飲咗支Whistler 山出產嘅啤酒. 頭盤食咗羊肉骨&薯條
 


↓午餐仲食咗意粉, Pizza. 
 


↓仲食咗漢堡包, 仲同Brian 影咗張合照.
 


↓Whistler 山, 仲有一間雪糕店, 很有名, 所以, 便來試試. 雪糕都幾滑. 
 


↓還有, 係Whistler 山, 行咗啲商鋪, 我試咗滑雪頭盔,因為現在政府規定, 需要帶滑雪頭盔才能滑雪
 



------------------------------------------------------------------


其實, 黎Whistler 山,

仲有一個目的.

就是黎Brian 屋企人嘅渡假屋.

Brian 好鐘意依間屋㗎 . 因為他細細個, 一放冬假就會上依間渡假屋, 之後, 就即刻衝去滑雪, 所以, 依間屋令他留下, 許多童年時嘅歡樂回憶.




依間, 就係Brian 屋企嘅渡假屋.
 


依間渡假屋, 外觀都好美.
 



內裡都好舒服.  有幾間房, 有飯廳
 


其中一間房, 還有火爐客廳.
 



渡假屋, 仲有游泳池, 但這間渡假屋, 最有賣點, 就係一開門口, 著住滑雪裝備, 沿住這條路滑, 就去到雪山滑雪. 中途唔洗坐車,or "咩"住雪具去到雪山邊先穿著滑雪裝備. 總之, 就係一開門就可以滑雪啦!! 所以, Brian 超愛這間渡假屋.
 


由渡假屋行幾步路, 就到雪山邊, 想當年某幾個冬天, 我都係度滑過雪. 
 


頭頂嘅覽車, 係比Brian 啲滑雪高手, 再上高啲地方, 滑雪. 而我滑雪都啲BB班階段. 我唔敢上太高, 滑落黎. 
 


其實, 山頂一年季都有雪. 但真係上到, 好高好高先見到雪!
 


去完Whistler 山之後, 出返城市, 食日式意粉. 做晚餐. 這個長周末假, Spend 咗一日, 遊山及飲食. 對我黎講, 好relax啦!! 
 



依這餐日本人嘅意粉, 又幾好食. 不過, 最好彩, 我遊山時, 天氣好好, 真係玩樂都舒暢啲.