Air

January 25, 2010  (Monday)
    我身邊果個, 成日都話: 「.....早幾年, 用咗mac book air 嘅價錢做咗xxx 野, 今年聖誕節我用咗兩部mac book air 嘅價錢買聖誕禮物送比人. 又用咗一部mac book air 嘅價錢黎買禮物比我. 原來,  自己可以擁有好多部mac book air架」 一部電腦, 真係可以比佢講幾年!! 真係由部機出, 講到而家!

    佢就係成日講, 好想擁有mac book air,....但我成日話, 屋企啲電腦部部都用得, 買多部唔知做咩!! 但每次去商場行街, 一經過Apple store, 佢點都要入去望兩眼先捨得走.

    但由今日起, 佢終於唔再成日提mac book air 點美妙, 因為, Mac book air 已經係佢面前, 他終於擁有Mac book air 了, 現在, 我身邊果個, 已經達成佢其中一個美夢喇!!

   新電腦有咩特別?? 咪係薄啲囉!! 薄過我本八婆雜誌, 但電腦其他function, 咪又係咁用!! 可能, 我同電腦嘅關係唔太密切, 只肯於寫blog, email, upload 相片, 最頂龍都係上網揾啲 information.....咪就係咁大把.    不過, 而家啲蘋果電腦已經比以前容易用咗好多喇. 以前啲Apple Macintosh PC, ibook G3 (Clamshell), G4 年代真係要好了解...先舞得掂部機架! 

   我身邊果個到而家仲好開心架!! 一到手就一尾對住部新腦, 都唔知有咩咁特別, 有咩咁吸引呢?? 玩咗好耐先捨得瞓.   估唔到蘋果產品真係咁有吸引力!

↓他的夢味以求嘅電腦----Mac book Air 0

↓趁佢玩部電腦, 我便入廚房整少少野食, 整咗好耐無整嘅杯裝蛋糕, 同埋碌咗啲雲吞做宵夜 0

屬於自己嘅周末

January 24, 2010 (Sunday)

      Weekend嘅真正享受......當然係留在自己家中"灘投",.......想食就食, 想瞓便瞓. 今年都係啱啱開始咗無耐, 都係過咗幾個weekend, 但好像每一個weekend 都唔屬於自己, 時常要東奔西跑, 感覺條路好長, 做一樣野, 好似用好耐時間才能完成.

     記得舊年, 一到weekend, 就諗住去邊度食飯, 雖然, 去黎去去, 都係個啲地方, 但都唔洗話做完啲咩先開飯.   但現在, 真係要攪掂好一大倫野, 先可以埋位食餐飯!! 食飯都好似要追住啲時間, 同時間比賽咁, .......個個都話加拿大生活好優閒, 我同Brian 真係感覺唔到, 日日都超充實.

    這個weekend, 雖然, 都要幫部電腦upgrade window 7, 但可算係依年裡面, 屬於自己嘅weekend 了. 起碼都可以留係自己屋企吖,哈哈!!

 ↓早排去了溫哥華, 當地雖然什麼類型嘅食物都有, 但未能賞試到bubble tea, 太耐無飲了, 所以, 返到黎多倫多, 又有個屬於自己嘅末, 一定要飲返杯bubble tea. 0

↓Upgrade 完電腦, 去某餐室食dinner. 雖然, 明明9pm 前入座, 但竟然唔可以order 7-9pm 嘅特價set. 明明個櫃面都比咗張7-9pm 晚餐餐牌比我睇. 但到order 時, 就話唔可以order7-9pm 嘅set, 因為過咗鐘喎!!但當時只是8:50pm, .......當時, 我立刻話個櫃面, 咁你做咩比張7-9pm 餐牌攪亂我?? 最後, order 咗其他食物去washroom, 順口問個酒吧哥哥幾點.....酒吧哥哥話未到9pm, 真比依間餐室激壞 ....原本黎依間餐室就係想enjoy 個特價set. 但櫃面話唔得就唔得, 都唔知自己做錯咩!! 算...我weekend就讓你....唔嘈,費事為個餐而破壞自己個weekend mood0

食開有條路

January 20, 2010 (Wednesday)

    無啦啦收到啲零食作禮物, 都估唔到過咗新年, 仲有禮物收, 而且, 味道又唔錯, ....不過, 食開零食就有條路, 一食開就好想食零食, 有時放工都叫Brian買啲零食(薯片)返屋企食. 有時, 真係食完晚餐無幾耐, 就已經食零食啦!!!  食到現在.....連巡blog 都會咬住啲野食.....真係食開就食.

  怪不得, 依排, 見到啲相熟嘅人, 都話我肥咗, 但話我肥之後, 接住第二句就會話我.....好睇咗好多!!!乜肥都會好睇架?? 照依個年代.....好似唔係咁講法喎!!!.........不過, 是但啦!! 我但求身體健康, 無病無痛, 唔洗煩到人, .......就happy 架喇!

↓公司新年禮物-----零食....仲有自家炒麵 (晚餐) 0

回家

January 16, 2010 (Saturday)

    太耐都無update 個blog 啦!!! 可能, 懶開有條路, 上星期返咗媽咪度, 啲野都仲未記低添!!

    今年, 第一次返去媽咪度, 都係離唔開都係食同飲茶架喇!! 順便, 左抹右抹下娘家囉!! 其實, 我以前係娘家住時, 我間房都唔會咁亂架!!  自我搬走咗, 我間房比啲妹接收咗, 就一法不可收拾. 真係要執下, 我先頂得順. 所以, 我現在唔太想返媽咪度, 因為, 成日都執下, 我先會安樂!    都唔知幾時返媽咪度, 我唔洗執野呢!!!

   好多時, 我同Brian返去媽咪度, 三妹男朋友都會過埋黎食飯, 順便一齊傾下計, 但咁啱我返去個星期, 三妹男朋友有啲事, 過唔到我媽咪度, 但宵夜時段, 三妹男朋友忙完, 就買咗 "滿記" 糖水過黎, 好有心!! 哈哈!!  話時話, 係多倫多咁耐, 都係第一次食滿記甜品.  雖然, 唔知係咪香港果間"滿記" , 但啲甜品又確實做得ok.......食得過!!

↓媽咪煮嘅餸菜 and 滿記甜品

New year eve

January 15th, 2010  (Friday)
   每個星期到咗依日實份外輕鬆....哈哈!!放咗工之後連忙約Brian , 去買外賣(麥當當)返屋企食.
   雖然, 明天要早起回娘家渡過周末, 但今年過咗咁耐, 我都係第一次回娘家, 所以, 都係時候返屋企見下媽咪了!!

---------------------------------------------------------------
December 31, 2009 (Thursday)

  去溫哥華除咗滑雪, 周圍去玩, 飲飲食食外, ......享受完聖誕餐, 當然, 參加埋除夕夜倒數喇!

  今年同Brian 家人去除夕倒數無往年咁驅緊, 因為, 今年去除夕party啲Auntie and Uncle, 什至他們啲仔女,  大多都見過面, 只增添咗小部分新面孔啲Auntie and Uncle, 都唔太多野需要適應.

   除夕夜, 當然食下野, 抽下獎, 跳下舞咁喇!! 都幾好玩架!! 講起, 抽獎.....我都唔知, 我當時係咪嗌自己個number 大聲得濟(不過, 當時都好多人嗌架!!) 個付責抽獎個chairman 都特登攞個抽獎箱係我面前邀請我抽啲number 出黎......但好可惜我都係抽唔到獎品, 反而, 坐我隔離個妹妹就有份禮物攞返屋企.   其實, party 啲禮物都係普通嘅禮物, 唔係咩大獎, 但有啲野攞返屋企, 實會增添更加多少少歡樂 and 回憶........

  時常覺除夕夜party啲時間都過得幾快, 傾下計, 玩無一陣就倒數了.......大家互相擁抱, 跳陣舞...就玩到尾升了!! 依啲歡樂氣氛, 又要等多年先感受到.

↓除夕夜裝飾品, 同埋除夕夜嘅場地 0

  

↓啲天花板氣球....塔正12am 就會下降....氣氛好好架!! 而天花板啲激光會不段變色架!0

↓係場地影下張相先0

↓黎張合照......之後, 跳下舞0

倒數前切蛋糕........咁倒數之後, 就有蛋糕食, 同香檳酒飲...YEAH!! Happy 2010!0

-------------------------------------------------------------
January 1-3, 2010 (Friday, Saturday, Sunday)

    到達2010 年, 意味着我同Brian 個假期都開始到尾升........開始執行李了, 多數過完除夕啲時間, 都係我同Brian and Brian's parents  四個一齊過, 唔洗同依個Auntie食飯, 果個Uncle 食lunch .........講真, 可以舒服舒服服坐係Brian 屋企真係幾爽. 一來啲時間只係圍繞我哋四個, 容易話謂好多, 起碼可以瞓晏啲,  二來係Brian 屋企食, Uncle 實親手煮好野比我哋食, 仲開支收藏好耐嘅紅酒一齊品賞, 貪係屋企飲, 飲幾多都得嗎!!

   ↓依支就係Brian's daddy 收埋好耐嘅紅酒......十幾年架喇!! 真係要用decanter 比紅酒透一透氣0

↓由於支紅酒真係幾耐下, 要用另一個透氣器過濾, 先會飲到真正紅酒嘅味道......Brian's Daddy 煎啲扒, 有grill mark 架!! 0

↓仲有蝦pasta 添.......好好味架!0

   都話我哋四個人(Brian and 我, + Brian's parents)就容易控制啲時間, 我哋四個, 有一日, 仲去咗食火窩添, 打邊爐打幾耐都得,  啲火窩食物好新鮮呀!! 每次, 返溫哥華都要食一次先得!!!

↓新鮮魚切薄片打邊爐.....魚嘅頭尾仲比廚房炸黎食, 好正架!! 一味有兩食, 仲order 咗鮮蠔.......0

    有日, 我哋四個食完晏晝, Brian提議去坐溫哥華新建設嘅地鐵坐......雖然, Brian's daddy 一定唔會陪我哋玩坐地鐵, 但Brian's mommy 好支持坐地鐵. 所以, 我哋三個賴低Brian's daddy, 三個以興奮心情坐地鐵.  其實,最興奮果個唔係我同Brian, 反而, Brian's mommy 最為興奮, 真係好似小朋友第一次坐飛機嘅心情咁高興, ....都幾得意!! 連我都比Brian's mommy 影響, 都情緒高漲....而家, 諗起都好笑!!

   我哋仲透過地鐵, 去咗一個香港人開嘅商場, 依個商場好多日本野呀!!連日本連所食店, 日本連所什物鋪都係依個香港商場開, 其次係台灣連所店都在此 ......雖然我哋沒有特別目標買什麼, 但都買到野, 不過, 如果比多啲時間我, 可能買得仲多.....

   由於, 約咗Brian's daddy 某時段.....所以, 行了一陣便返Brian's 屋企喇!!雖然, 時間短短...但我哋三個好開心......三個有一個特別嘅坐地鐵經驗...哈哈!!
   
↓香港人開嘅商場嘅聖誕裝飾.....買咗啲日本and 台灣零食0

↓日本嘅Puff0

↓溫哥華地鐵好新......好先進, 仲好靜,添!!   新車真係唔同啲,好舒服, 真係多謝冬季奧運....先有地鐵興建0

↓Brian's mommy 坐地鐵, 笑到幾開心.......第二張相係地鐵路線0

  開心時間太快了..............執咗兩大兩細行李返多倫多.....每次, 返多倫多都好驚行李過重...好彩, 無事咋!!!

   今次, 去溫哥華....比舊年返耐咗......執行李時都有啲唔捨得.....因為, 有太多歡樂回憶了....但由於, 今年冬季奧運係溫哥華舉行, 所以, 到時我同Brian 會再返去, 感受奧運氣氛. 因此, 唔洗隔好耐, 又會飛返去Brian 屋企了!下個月中冬季奧運就開始喇......好快, 好快又去溫哥華了...yeah! 

↓加拿大航空嘅機身, 都畫上冬季奧運嘅運動項目........0