Snow


January 31,2012 (Tuesday)


都唔知落咗第幾場雪了.


但有時候, 我們不知痴咗邊條線.  間唔中, 我們也會為落雪而發顛, 好像新移民一樣, 見第一次落雪而興奮萬分.  哈哈~~


夜晚落大雪, 我們渣住相機, 着件厚縷, 衝了落街, 名義上買咖啡. 但事實係玩雪!! 哈哈~~


講真, 雪我真係唔太鐘意, 因雪會產生很多不便. 但有時, 心態要顛顛哋, 當雪係另一種玩意, 生活先會開心啲!!!  

↓落到通地都係雪!!!


↓一落雪, 條街就無咩車+人



↓因我大廈周圍地底有發熱線, 所以, 落雪時, 係見唔到雪, 要行出啲先踏到雪!!!


↓落大雪, 走出街買咖啡, 但玩雪就玩咗一倫!! 哈哈~~



---------------------------------------------------------------------------

凍咗一陣, 返屋企就馬上煮咖哩煲食, 啲咖哩係用日本咖哩磚整, 超容易烹調, 已經好好食. 買了許多係屋企看門口. 溫哥華咖哩磚便宜過多倫多好多. 每次跟Brian回溫哥華(Brian返鄉下), 一定大量入貨.

 
 
↓日式咖哩雞煲 + 黃芽白薯仔糕一品煲 (將阿娘比我啲薯仔糕切片煎香, 之後, 再連同上湯+黃芽白同煮, 亂咁配塔, 原來好好味, 因薯仔糕勁多冬孤和蝦米, 令到啖湯, 更加甜)



近來, 吃完晚飯, 夜啲啲就想食野!! 明知宵夜習慣係唔多啱. 但都忍不住, 照食!!!

屋企太多方便食物, 真係至命傷, .......叮叮飯, 叮6分鐘就食得, 而湯丸.....陸一陣有食得. 我連薑茶湯丸啲薑茶, 都唔洗切薑, 因為朋友送了韓國製的即沖薑茶粉給我. 還有紅棗碎係薑茶粉內. 感覺仲補過自己齋用薑煲薑茶.

全餐宵夜, 幾分鐘就有得食.  

↓超級市場買的叮叮飯 和 薑茶紅棗湯丸

清淡

January 30,2012 (Tuesday)


經農曆新年, 一倫煎糕+ 香脆食品, 我隔離果個頂不住.  唇內生了一粒很大很大的「飛滋」.


我連忙煲菊花茶, 晚餐轉為清啖啲, 主要都係食粥.


其實, 我很喜歡清淡食物, 感覺食了, 個胃很舒服. 但對Brian 來說, 食得更清淡, 好像一件苦差.  時常都給一個苦臉樣, 給我看!!


但承應, 食得清啲, 夜晚好自然肚餓, 所以, 夜晚都要食一餐宵夜先, 夠喉!!


↓皮蛋生菜肉碎粥  和 玉米肉碎粥


↓宵夜, 都係農曆新年期間, 宵夜大多都係新年糕點, 但就唔會煎得太膿 (年糕 和 家鄉薯仔卷)


↓有時宵夜會落樓下買杯野飲. 現在,咖啡店啲飲品越出越大杯, 都係差幾毫子價錢!! 擺明鬥爛市

週末--食,灘,睇電視


January 28,2012 (Saturday)


星期六食過早餐之後, 又要返兼職, 但返一晝就攪掂. 超級有效率.


之後,就直接返屋企, 全個人灘係梳化度, 上下網+聽電視. 下午茶, 就叮咗碗粉食. 而家啲叮叮湯粉, 味道都唔差.


↓麥當當早餐...............下午茶微波爐湯粉



灘咗半日, 終於「的」起心機, 換衫出街, 買黎緊一星期所需嘅日用品+食糧. 見出開街就順道行埋商場, 但時時都係, 行行下商場就會走去買野食. 食完雪糕, 再食薯條.  成日都覺自己spend 最多係「食」依方面添!


↓意大利gelato and New york fries  (依餐都唔知點稱呼, 係晚餐前食嘅野)



↓係商場food court 無無聊聊, 影下相, 我無化妝, 所以, 只肯影則面...哈哈

↓商場food court




晚餐又唔係好洗煮, 係雪櫃攞返兩個煲去爐頭返熱, 再食「發財好事」 + 飲湯又一餐.

但個「發財好事」煲, 我有額外加啲菜 , 豬肉 and 髮菜入去. 但我太貪心, 就係額外放多咗料. 最後, 依煲「發財好事」又食唔晒. 

Brian's mom 今年郵寄好多海味過黎, 我用咗一半都無. 已經煮咗一大煲, 仲餐餐都食剩. 我諗其餘啲海味, 都係放喺冰格.  因為都唔知幾時先再食. 冰格keep 食物, 點都keep耐啲嘅!! 




↓晚餐「發財好事」煲+ 蜜棗青紅蘿蔔排骨湯  (煲湯越煲越深色, 額外加水, 都好夠味)



之後, 我就顛啦!! 我為咗睇澳洲網球公開賽, 男子final. 我由晚餐之後, 就坐梳化等到半夜3am開賽, keep住睇到零晨6am都未打完. 中途澳洲仲落咗場雨, 要休息15 mins. 我再睇到7:30am仲係 一人贏一局.   我都頂唔順, 趴咗係梳化瞓.


啲運動員真係夠體力, keep 住係咁打tennis 咁多個鐘, 一啲倦意都無.  勁呀!! 我起身時聽新聞. 話場澳洲網球打到9:30am. 打咗6個幾鐘. 先分到勝負.


所以, 我係星期日超級遲先起身, 一起身即刻煎糕食, 因為雪櫃都幾多賀年糕點. 係時候要食減啲


↓星期日第一餐係下午茶時間, 有蘿蔔糕+年糕 and 「發財好事」. 我家啲年糕清得好快, 我鐘意煙煙銀銀感覺. 宵夜都會食年糕

發財好事

January 27, 2012 (Friday)


我從未炮製過, 髮菜 + 蠔豉


早排, Brian's mom 郵寄了髮菜, 蠔豉 and 冬菇給我. 叫我農曆新年期間, 整黎食下, 應一應節.  食下個意頭.


由於, 我第一次整, 又唔想浪費Brian's mom 的海味+心意. 所以, 整「發財好事 」依蝶餸時, 請教了Brian係溫哥華的maid. 她send 咗email + 食譜比我. 我就step by step 跟住整.  事先一晚浸定冬菇. 放工時浸蠔豉. 逐樣逐樣黎. 咁就完成  「發財好事 」依蝶餸. .........Yeah!! 味道還唔錯架!!


而且, 還比我預期中快手完成, 我見有時間, 仲煲埋湯 + 焗咗蝶雞翼添!!


兩個人食飯, 兩個餸 + 一個湯+ 飯. 咩都夠啦!!



↓髮菜 + 蠔豉 = 「發財好事 」其實, 還有其他材料 ....冬菇, 黃芽白, 豬腩肉 and 南乳.


↓煲了蜜棗青紅蘿蔔排骨湯


祝大家係龍年, 都「發財好事 」...恭喜恭喜.

Chinese new year


January 26, 2012 (Wednesday)


在加拿大農曆新年, 全人類都是工作天. 我覺農曆新年,都好似無咩人知添!!  但自己都會擺個全盒出廳, 裝飾下. 製造啲氣氛出黎. 比自己開心下.


我旁邊果個Brian, 會盡力擴展新年氣氛, 所有傳統, 盡可能咩都跟足. 年廿九要做咩, 年初一會點,點,點. 家中盡可能擺放大吉作裝飾!  感覺很農曆新年.


雖然, Brian's parents 郵寄了很多賀年食品+賀年糖果給我們, 我連糖果都不用買, 就已經可以填滿個新年全盒了.  但Brian私底下, 也會再額外買多一點賀年糕點. 應下節.  有時, 我感覺Brian思想真的很中式.


幼時, 我沒有「壓歲錢」(pillow 利事) 的習俗. 可能我鄉下唔興掛!! 但自識了Brian之後, Brian's mom 都會寄pillow 利事給我. 每年農曆新年前, 我瞓開嘅pillow都會放「壓歲錢」. 反而, 認識了Brian, 農曆新年多了一樣習俗做添. 哈~


↓廳中的農曆新年擺切...............開年飯, 我們叫了外賣, 官寶雞丁 and 橙鴨



↓Brian 買了很多賀年糕點. 還要買禮盒裝, 感覺氣氛都會好啲............


↓年初一, 晚餐打邊爐配梅酒




↓年初一, 宵夜還滾甜湯丸+ 煎年糕當甜品. 新年就放肆下!! 哈哈~



↓年初二晚餐, 煎年糕, 煎蘿蔔糕, 煎薯仔卷 (我阿娘家鄉食品), 煎三文魚, 炒雞丁, 鴨肉 和什菜煲. 新年就食多啲....哈~



祝大家新年快樂, 萬事如意, 身體健康. 恭喜恭喜

娘家農曆新年


January 22, 2012 (Sunday)


其實, 我成長中, 我娘家都好注重農曆新年, 係離到加拿大, 過農曆年, 就一切從簡. 食下飯, 擺個全盒出廳. 就係咁囉!!!


我時常感覺, 我父母對加拿大所有事都無精打采.  其實, 所謂氣氛, 都可以自己製造. 但我父母就是沒有這個心. 我回家是盡量放鬆心情, 還盡可能製造一點歡樂氣氛. 但每每都聽着父母的負能量說話. 有時, 自己明明沒有犯錯, 也因為父母所說的負能量說話. 令我牽連在一起. 回娘家都要扮阿Q精神才行. 


早排, 父母回港五個月, 中途去其他國家旅行遊玩, 問問他們旅遊趣事或者當地風情有何特別. 但我父母總說團友的事. 完全跟旅遊無關.


吃過飯後, 想和父親大人玩玩啤牌(他其中的興趣), 諗住大家嘻哈下. 他又說, 很想追看香港電視節目. 父母就是對香港眉飛色舞. 


我說出工作的好表演, 父母沒有什麼興奮表情, 他們只說:「可能你在香港發展會更加好」

是不是我年少時, 就被他們送了去加拿大生活, 還寄住在學校, 畢業後又是自住. 因此, 我好像和父母脫了節.  
 
臨近農曆新年的周末, 回了娘家, 又是光顧慣常酒家吃飯, (其實, 次次回娘家例必光顧這所酒家, 父母不肯轉其他食店, 只肯去同一間). 很想帶父母去別處更好,更舒服的地方吃飯, 他們當然不想.  好啦!! 你們喜歡甚樣就甚樣, 只要是他們覺舒服便可.  

可能父母以前為工作, 為生活, 時常頻撲, 現在退休. 不想再周處走. 有一間合他們心水的酒樓, 就在酒樓食吧!!


↓父母親最喜歡在這所飯店, 吃飯. 每年團年飯, 每次飲茶, 各類飯局慶祝, 也是這一所飯店進行. 這所食物價錢不是特別便宜. 我也不知為何, 父母親只喜歡吃這所飯店. 我試過好幾次, 一天兩餐, 在同飯店吃.

每年農曆新年,Brian也會請我娘家各人飲茶. 由於, Brian做東, 所以, Brian 選擇飲茶場地.  終於, 可以食啲特別啲嘅點心啦!!


↓依間酒樓很有新年氣氛,啲點心都特別啲.



不過, 今次回家, 見到啲妹, 好開心,但有個妹去了旅行.  但同其他妹, 大家都可以傾咗好多野. 

今次, 仲同四妹男朋友玩新款啤牌遊戲. 輸咗便飲酒. 大家玩到慶高彩烈. 我哋後尾, 還迫滴酒都無飲嘅五妹和我去麥當當買宵夜食. 其實, 我唔係為咗食, 係為享受夜麻麻出街嘅過程. 哈哈~~~


↓我, Brian and 四妹男朋友, 玩啤牌層層疊, 好刺激





----------------------------------------------------------------------------------

飲完茶之後, 我見到屋企門口條driveway , 仲有好多雪堆積, 就攞雪剷, 剷走啲雪,咁娘家條Driveway 望落去都闊落啲. 而且, 剷走啲雪, 人或車行過都無咁滑. 出出入入方便啲.

我都好耐無剷雪啦!! 自從, 自己搬咗出去住, 都係住大廈型式嘅地方, 大廈管理剷埋雪. 所以, 我真係返娘家, 而且落雪先有機會剷雪. 

而娘家都有請剷雪公司, 剷雪的. 但有時啲雪話落就落, 唔順眼時, 都要自己動手剷


↓我在剷雪