裝備

November 1, 2010 (Monday)

   查實我好少去旅行.  試過本passport 用都未用過, 就要換本新.   係依幾年才機會提及 "旅行" 這兩個字.

   講到去旅行, 由於我家實在太多人, 父母去旅行都需要挑選誰乖巧才有機會去. 而在讀大學時, 其實有資格和同窗咩背囊周處走, 但當時,自己太為本書啦! 所以,沒有去到......... 諗住工作之後, 自己有點經濟能力, 可以去多點旅行. 看看世界. 點知又沒有太多假期. 所以, 去旅行對我黎講, 好奢侈架!!

   以前細個有機會去旅行, 好開心架!! 但就無話有啲咩準備, 最多買支太陽油, 就執幾件衫褲, 就走人.   現在, 唔知係咪人大咗呢, 話去旅行, 都好開心, 但下下都需要周詳準備, 每次去旅行前, 也需要購買一堆新物品才起程得安心. 由其事, 黎緊聖誕節會去熱帶地方旅行, 好像更多物品需要準備.......依家只係買咗兩樣物品, 查實還有很多物品要購買......

    不過, 每次去完旅行, 都有點得着. 就係::::::我衣櫃多了點特別嘅裝備 . 好似而家有人約我去滑雪, 我可以即時,係衣櫃攞滑雪衫走人. 如公司突然有宴會, 可以係衣櫃攞件晚禮服, 唔洗出街買, 返一返屋企便即時攪掂.

     現在, 添了海灘拖, 太陽眼鏡, .....................夏天去玩下水, 又可以再用了!

↓太陽眼鏡, and 沙灘拖. 0




    有時, 唔知自己係咪係購買依方面比較慢熱, 定係他比較心急, 以上兩樣物品都是Brian踢一踢我才買下來. 不過, 多謝Brian對我嘅奉獻. 哈哈~~~

星期日煮飯

October 31,2010 (Sunday)

    今年萬勝節,係星期日, 都無咩點特別心情出街同人癲啦!! 留在家中.

    平時, 星期日留在家中,我大多都唔會煮飯, 懶得就懶, 行落街買下野食. 就算架啦!  點知, 我突然有鋪煮飯癮. 走落樓下超市買零食, 順道買啲餸. 就係咁, 煮咗三個餸出黎.........食一個好滿足嘅一餐. 當慶祝萬勝節啦! 哈哈~~

↓我家樓下的萬勝節裝飾品0






↓一朝起身嘅景色......影完之後, 落咗陣飄雪0





↓早餐(麥皮,香腸,麵包)..........................晚餐(蕃茄炒肉絲,蒸水蛋,蒜容西蘭花)0





星期五,六

October 30,2010 (Saturday)

  依個weekend, 唔需要做額外工作,啲時間完完全全屬於我哋.  雖然比平時多咗時間, 但我哋又無特別plan 去邊度喎! 隨心...想點就點啦! 其實,又可能我哋懶啦! 諗都費事諗, 哈哈~~

   星期五一放工.....掛住上網睇電視, (係囉!!依排我隔離果個好鐘意睇電視) 晚餐我懶到飯都唔煮, 落樓下買subway sandwiches 食. 我一下過食咗個foot long, 個胃好滿足. 夜晚, 就盅咗落樓下飲Apple Cider,食件蛋糕........
    係星期五嘅happy 日, 去飲下野, 都算有啲節目吖!!哈哈~~

↓Apple Cider and 香蕉walnut muffin0




    星期六我哋仲癲, 我哋兩個鬥快早起身上網睇電視.....哈哈!! 睇到成2pm,  人都攰攰哋先捨得換衫行落街食lunch........

    Saturday lunch, 都係貪方便, 行咗去屋企附近飲茶, 但每次去依間酒樓啲待應哥哥都會同下Brian傾下計, 咁傾傾下就會好自然會額外order 其他野食.   Brian食個晏,竟然叫咗兩隻有殼帶子黎食. 真係好豐富嘅一餐晏. 

     食完野就攞車, 去行文具鋪, 因為Brian用個啲筆用晒墨啦!! 要買過新筆芯黎更換. 就係咁, 出開街就周圍行下啦!! 行到天黑先返屋企.

    其實,行到天黑都唔係好耐, 因為而家好凍啦!! 我要帶頸巾先出到街, 依樹嘅冬天日光時間短, 話都無咁易就天黑啦!! 哈哈~~ 所以, 遲少少食晏, 行無陣街, 天都就黑齊啦!

↓茶樓點心,..........個甜品(芒果布甸)因為係魚型..so叫黎食下0





↓用刀叉食嘅有殼帶子................肉絲脆麵0





茶餐廳周末

October 24, 2010 (Sunday)

    依個weekend 都是圍繞食, 行商場.好寫意呀呵, 哈哈~~~

    我係某程度都幾鐘意去下街行下. 所以, 我好願意落街買早餐. 而且, 我可以係好短時間內梳洗完, 所以, 通常我係周末一起到身,我便會行咗落買早餐.

    買早餐時,仲撞到中午時段個看更添!! 我諗他嘆完早餐都都開工啦!!

↓禮拜六的早餐, Mixed berries 麥皮, 煙肉+蛋bagel and 咖啡一杯0




     星期六其實係要做兼職架!! 但做咗一陣就可以收工啦!! 好開心, 連連忙忙同Brian 去食茶餐廳下午茶. (3pm 先食晏)

    其實, 唔知自己係求其, 定係唔識享受生活嘅人. 我個人係求其食件三文治都ok. 最緊要方便.   但Brian就好chinese 胃, 他很喜歡食chinese style 嘅野, 但食野嘅地方要有舒適環境泊車, 餐廳裝修要舒服, 當然食物啱口味. 符合以上條件,他就會百去不厭. 所以, 遠少少都去食.

    有時, 我係度諗, 可能我父母返了香港, 我們兩個好像多了二人世界時間. 周末去嘅地方又唔需要局限住, 所以, 父母回港之後, 我and Brian真係去了許多平時甚少去嘅地方食野or 行街.  (多了食茶餐廳囉!)

↓茶餐廳餐飲(奶茶 and 熱檸蜜), 食物---魚湯墨魚丸米線(我) and 咖哩牛肉飯(Brian)0






↓行街, 是消磨時間, 但就唔覺意見到得意野, 就買野.....見到KitKat 朱古力有特別版, 個杯又得意, 所以買咗返屋企. 而去得茶餐廳個區, 當然買杯bubble tea 回家....不過Brian買野仲多, 哈哈~~0





------------------------------------------------------------------------------------

    諗住星期六去完茶餐廳, 又行咗成日街. 係星期日會係屋企休息啦!! 點知, 昨天Brian買嘅野, 有一樣係屋企有, 重覆咗. 所以, 星期日走去refund 囉!

     還掂出開街, 又順道再去茶餐廳 and 行街, 做返啲同星期六.....一樣嘅野. 哈哈~依個周末, 真係行足兩日街. 滿足我行下街嘅欲望.  唔洗借啲意話落樓下買野食, 哈哈~~

↓午餐---餐飲凍檸茶(我), 凍奶茶(Brian至愛), 食物Brian就食海南雞飯, 我食茄汁炸雞扒煎蛋飯 0








↓下午茶....去食日本人開嘅Puff...........綠茶Puff and 雲呢哪Puff 0










炒餸

October 21,2010 (Thursday)

    自己生日過後, 好像每日都有點野要做, 令到自己夜晚個餐飯食得好求其.

    今日,終有點時間入廚房炒個餸了! 感覺好滿足, 立即同蝶餸影相留念先...哈哈~

    食完飯無耐, 我都會好口痕, 很喜歡入廚房摷下啲口淋濕食. 今次摷到盒starbucks 即溶咖啡. 馬上沖咗杯黎飲. 一邊飲一邊睇報紙....嘆返下. 哈哈~~~

↓雪櫃有咩炒咩,...火雞肉+洋蔥+青蔥炒埋一蝶.  飯後, 即溶咖啡一杯.0