November 27,2011 (Sunday)
在星期天, 好例牌會好遲先起身!!
但我隔離果個, 就好早就起床. 講真, 都唔係話好早, 10am 啦!! 他一起身便上網. 就在此時, 比他見到上網訂購外賣「有$10 off 的優惠」.
所以, 我一早起身便食了泰式食物做brunch!!
夜晚, 就叫了Pizza 和我至愛的壽司. 全日在家, 等外賣, 原來幾爽.
不過, 都係今日有$10 off 優惠先會咁癲. 平時, 我邊捨得吖!! 如果, 用正價咁樣叫外賣法, 我令願出去餐廳食, 起碼可以欣賞餐廳環境嗎!! 但冬天黎講, 街外凍冰冰, 坐在暖淋淋屋企, 就食到街外野, 係幾舒服嘅!!!
↓在星期天, 我一朝起身, 僧大眼, 就見到依袋外賣.
↓午餐----泰式食做brunch. 有泰式炒粉+咖哩雞配白飯. 原來蝦片攪咖哩飯, 幾好食
↓晚餐, Brian 叫了一個pizza. 
November 26,2011 (Saturday)
一朝早, 選擇坐地鐵返兼職, 攪啲濕星野!! ......雖然, 渣車方便啲. 但好怕塞車, 我隔離果個, 一塞車就會好抆. 而且, 加拿大道路實在太長, 都係坐公共交通工具,便算!! 起碼, 坐車中途都可以合下眼瞓. 渣車點可以咁呀! 不過,唔好講少, 現在連周末一早, 坐地鐵都超多人!!
初頭, 諗住濕星野!! 好快攪掂,但唔覺唔覺, 都成2pm 先攪好!!! 之後, 即刻走去食個台式lunch!!! 因我好掛住杯蜂蜜綠茶呀...............
還掂出開街, 就行埋啲Brian至喜愛的電器鋪+行埋Mall, 順道望下有咩聖誕禮物適合送比人. 最後, 都好好收獲, 都解決了幾份聖誕禮物. (Yeah, 可以煩少樣野!!)
由朝用腳行到晚, 仲要在商場人群內左迫右迫, 返到屋企, 超級攰! 好簡單煮個即食麵, 之後, 就已經唔想再 郁
好慶幸自己,曾在香港生活!! 因為現在, 我依邊唔知咩事, 越來越多人, 坐車壓到像罐頭魚咁. 好擠迫!! 在街上途人身軀擦來擦去. 街道上啲車多到不得了. 過馬路都要行快啲先得. 依啲節拍, 我自自然然便融入了. 都無話唔慣. 反而, 越來越喜歡依啲節拍!! 唔通我係香港大, 對依啲節拍, 完全無complain, 完全適應晒!!
↓在商場對出, 過條馬路咋!! 多人到吖!....... 原來在周末, 商場外圍有旋轉木馬, 但只提供給小朋友乘坐...
November 25,2011 (Friday)
知道星期六都要返兼職. 攪埋啲濕星野啦!! 星期五放工之後, 都不太想出外食飯了. 想留在家. 多點休息. 說到休息, 不代表, 走上床睡. 留在家, 大部分時間不是看電視. 便是上上網. 但在家的日子, 個心總是舒服和放鬆.
今日, 超大頭蝦, 明明早早在家, 諗來諗去都好像差點東西未做!! 原來, 我忘記了煲湯!!! 湯料早早準備好. 只欠放在煲裡, 這一個程序.
到Brian放工, 返到家, 說了一句: 「今日唔係有湯飲咩?」 我才醒覺.
不過, 證明了Brian也愛上飲湯, 平時, 飲湯是我作最大響應的一個. 現在, 他也會主動問我, 有無湯飲! 有湯飲的一天, 他吃頓飯時, 也會很雀躍. 哈哈~~~
今躺煲了「椰子雞湯」. 但只煲了兩個幾小時, 我知煲耐啲會好飲啲, 但都夜了!! 要開飯!!........所以, 做什麼事都一樣!! 要比多點耐性和心機. 先會好!!!
↓椰子雞湯 (放埋豬骨,紅棗 & 蜜棗) 煲湯飲了兩餐,第二日, 啲湯出味好多. yummy! 
November 24,2011 (Thursday)
認識了一位blog 友, 她對「花」有點興趣. 我也應承這位blog 友, 定時影我家大堂的花藝, 給她看看.
說實話, 我只懂用傻瓜機, 而且, 不大懂得掌握影相角度. 只是很簡單"cap"一張相. 便算!! 哈哈~~
我沒有什麼賞花和插花經驗, 但每天經大堂時, 看到花. 都會微笑一下. 也感覺啲花插得好有心機. 靚~
↓賞花時間----這盤是在Halloween 時拍下
November 22,2011 (Tuesday)
勁開心, 依排我住所附近, 終於唔洗再有修路工程. 工程做足3年. 終於完工. (希望係真正"完工") 現在, 條街正常返. 而且成條街擺滿聖誕燈. 靚!!
講返正題, 依排, 除咗無了修路工程, 還越來越多超級市場開鑼. 近來, 仲間間都鬥平. 每間超級市場每日總有一樣貨品係有特惠價. 逢星期二超級市場, 就有壽司減價. 嘩!! 開正我個範啦! 我當然去幫襯.
但啲Sushi 真係好一般!! 只是解到我啲啲「壽司相思症」. 好多野,真係一分錢, 一分貨.
↓街道上的燈飾和廚窗.
November 20,2011 (Sunday)
看完Christmas Parade, 聖誕情緒高漲, 平時, 星期天唔願出街的Brian 都提議去行Mall. 我當然, Go Go Go.
我們去完Christmas Parade, 即刻坐地鐵, 去Yorkdale Mall. 行,行,行.
現在, 唔洗講, 每個商場都人頭湧湧, 而且, 近幾年各大商場都捨得花錢作裝修. 外內觀都新穎了. 更吸引顧客行多咗!!
原本,依日行Mall, 主要目的, 是購買聖誕禮物給人. 因往年收唔少, 所以,要禮尚往來. 點知,行行下, 買埋比自己. 但算數啦!! 買得開心!!!哈哈~~
不過, 唔知係咪臨近聖誕, 商場啲售貨員真的是很有野心, 見人入店鋪即時捉住, 可能想賺多點佣金吧!! 我見到有啲店員為了爭客,出了口. 令到啲顧客唔好意思!!!!
雖然, 啲售貨員好熱情, 但無損我行Mall 心情, 我哋行完Yorkdale Mall 再行埋Eaton Centre........真係行到啲Mall "山" 門先返屋企. 不過, 好彩依日坐地鐵, 如果渣車, 又要揾車位 and pay 停車費, 仲要塞車. 邊去到咁多噠地方行吖!! 真係黎到外國, 先珍惜「交通工具」, 渣車其實真係好傷神架! 不過, 無辦法, 外國地勢太大了. 公共交通, 不能遍及各地. 所以, 我們點都要一架車徬身.
↓Chirstmas Parade 完結之後, 即時沖去坐地鐵, 坐地鐵時, 都有很多人帶聖誕帽
↓Yorkdale Mall的聖誕裝飾. 
↓之後, 去Eaton Centre 再行和聖誕鹿腳影相......今天,買了poster 上的藍色皮褸
↓還買了一個,我覺超靚的電話套. 一個電話套, 包裝得幾靚
November 20,2011 (Sunday)
又一年, 每年十一月第三個星期日, 便是 「聖誕花車巡遊」的日子. 每年都期待這天會落雪. 因為聖誕節的感覺是落雪吧!! 而且, 壓軸花車是Santa Claus 坐鹿車出場. 依啲情節, 落點雪, 更有氣氛. 今年, 雪就無落啦!! 係一味凍.
我年年都去睇 「聖誕花車巡遊」, 雖然, 那些聖誕花車係同往年一樣. 我看了十幾年, 啲聖誕花車仍然係咁上下. 無咩驚喜. 所以, 去依個活動, 都係至在感受下聖誕氣氛. 順道去望下啲細路, 期待聖誕老人的樣. 因依邊啲細佬好有童真, 大部分都相信有聖誕老人架!!!!
不過, 我越來越遲去依一個 「聖誕花車巡遊」活動, 因我係睡房個窗都望到啲聖誕花車架! 我等到差唔多壓軸時間,先由居所行去睇. 但點都會去睇 「聖誕花車巡遊」現場. 去到同人一齊唉, 一齊叫Merry Christmas. 咩聖誕感覺都返到黎!
↓在Christmas parade 現場影張相. ...........現在科技真先進, 聖誕老人也有GPS路線圖
