豉油皇炒麵做晚餐

May 1 (Thursday)

    時間真係快,咁快就五月一號!! 突然間, 記得有首歌,叫First of May 添!! 哈哈!! 我每年今日,都唔知點解會係自己個口啍

幾句First of May依首歌架! ....可能, 我剩係識得依首歌前面個幾句咋!! 哈哈!!

                        

       講返正題!! 今日 Lunch time就同好朋友傾電話

...傾得好開心, 講到唔識停 ....都估唔到世上有朋友會同我傾計傾到可以咁投契, 我朋友又肯係電話同我一齊顛, 哈哈!!! 同朋友講開先知, 香港係May 1 有公眾假期, 叫五一勞動假!! 香港又有假放喇, Very good!! 有時太耐唔係香港都唔知香港有咩假, 都係要朋友講先知!  如果人哋唔講, 我自己都唔知, 以為好普通一日!

                        

       到夜晚, 我就同Brian去咗chinese超級市場

, 因為襯天氣仲涼涼哋, 我想星期五打邊爐

,  但去到超市, 本來就係買打邊爐湯低, 點知, 一入超市, 我同Brian 就有小小失控,  Brian 行咗去熟食檔, 就買咗啲豉油皇炒麵,  豆腐花, 我又買lee 買"露"...又買咗幾袋野返屋企, 整到個雪櫃

都就爆棚喇, 哈哈!!


                          

       臨返屋企, 經開油站, 就餵TT 仔仔食野...因為聽日Brian 可能要同公司啲人飲野!! 費事星期五一放工就臨急臨忙去入油喇!! 咪入定先囉! 可能聽日又會起油價喇!! 而家啲錢真係唔見洗, 咩都加價!! 都唔知係咪真係要加!!


                          

   

      我諗, 聽日( May 2, friday)我都起碼要成夜晚九點幾鐘之後, 先同到Brian打到邊爐喇! 其實, 我完全唔介意男朋友出街同朋友or 同事飲野架!!  因為,每個都有自己私人時間嗎!  都要尊重大家先會生活得開心!! 不過, 我自己都覺Brian 係"就" 我啲啲!! 哈哈!! 我係霸道啲架喇!! 哈!

是日晚餐,有媽咪啲叉燒,  蠔油菜心+少少蜜豆, and 豉油皇炒麵(Brian 至愛), 我自己都炒過豉油皇炒麵架! 但都無街個啲炒得咁yummy!! 而且,我自己炒啲色水, 都唔夠出面靚架!! 唔知點解!!

飯後甜品, 有豆腐花, 係一pack 買架!! 內裡有薑汁on the side...薑汁豆腐花好yummy! 仲好滑唧唧! 我成日覺加拿大啲豆腐花or 荳製食品係滑好多架!! 唔知係咪依樹係用硬水呢?

     

看球賽

April 30(Wednesday)

     依排啲天氣真係怪, 上星期啲天氣有成二十幾度, 好似夏天咁

!! 但由April 27(星期日)到而家啲天氣就好涼

...得單位數字溫度!! 都唔知啲天氣想點!! 可能就係咁Brian 係April 28(星期一)都有啲唔舒服!! 要提早啲放工返屋企休息

!  好彩, 而家都已經好返喇!!  今日, 我哋仲係屋企一齊睇hockey

(曲棍球)球賽添!! 都幾激烈架! 有時我睇得好肉緊, 會嗌咗出黎架! 哈哈!!  我緊係想加拿大隊贏喇(打剩一隊)!!!  但啲美國隊好似又幾勁!! 但我相信都係美國隊會攞走個獎杯架喇!!

依幾晚就繼續追喇!! 哈哈!! 本來, 唔追開...但一追開,就忍唔住!! 哈哈!!

我依日竟然走咗去睇美國隊....其實,我內心係好支持加拿大隊架!

   看球賽,最好當然係配BBQ 食物喇!! 我同Brian 又bbq 喇!! 依家bbq 仲簡單...我燒條魚食, Brian 燒漢堡扒...再燒啲veggie...就開飯喇!! 但而家bbq 完就會飲下啲滋潤飲品, 咁感覺上好似無咁熱氣嗎!!

依個漢堡包係Brian 自己燒架!! 有埋bacon,芝士 and 漢堡扒...Brian 話好好食呀!! 哈哈!! 食完bbq 就飲杯庶汁...係媽咪比我架!! 真係鮮榨架!!因為我哋係鋪頭睇住人用機榨架!

我仲煲咗個蕃薯蓉湯...Brian 話ok!! 但我覺如果加啲cream 會好飲啲囉!!

back home

April 26 (Satuday)

     依日, Brian 得閒, 可以同我 and TT 仔仔一齊返媽咪屋企....講真, 我真係有啲好彩, 原來今日, ttc(多倫多公共交通) , 都擺工呀!! 無地鐵and 巴士供應!!  如果,我今日自己返媽咪屋企先, 我都唔知點返!!! 因為我平時係自己坐公共交通工具返媽咪屋企架! 無公共交通, 我點上去媽咪度呀!

     同Brain 返到媽咪屋企, 緊係出街同daddy, 媽咪and 細妹去飲茶喇!! 啲妹個個都放緊summer holiday, 考完試, 都唔知幾開心!! 五妹, 就最得閒, 唔係  "漏"打機, 就"漏" 打麻雀!!哈哈!!

去飲茶,食點心0

     但我同媽咪食完lunch之後, 媽咪and daddy 去買餸,  我就同Brian 出咗去行咗陣街,...因為廚房用具special....就走去睇下, 最後, Brian 買咗把粉紅色廚房剪刀

比我, 舊個把剪刀已經 "頓" 晒, 可以功成身退喇!!   買到把粉紅色剪刀比媽咪話咗兩句, 因為, 我媽咪仲笑我細路, 買廚房用具, 好似買玩具咁, 話我晒Brian 啲錢買啲古靈精怪野!!! 哈哈!!  其實,我媽咪唔係好like 我整蛋糕甜品架!! 媽咪話無益!!  所以, 我好少返媽咪屋企整蛋糕

架! 而且又唔想同媽咪霸住個爐頭整野!! 哈哈!!......因此, 我係等放長假好似聖誕節, 先同啲妹一齊整下啲甜品仔食! 好彩, Brian 肯比個廚房我亂舞!! 哈哈!

我把粉紅色廚房剪刀呀!! 仲有行街時買嘅珍珠奶茶0

      到夜晚, 係媽咪屋企食飯

, 今餐好豐富....好多餸, 蝶蝶餸都好好味, 仲有湯, 媽咪煮飯永遠都好味!!! 但今餐dinner有啲特別, 因為,今餐dinner 係食糙米什殼飯!! 我初頭未食都有啲驚架!!! 怕難食, 都要迫自己食晒! 但試咗啲糙米後, 又覺得幾好食,幾煙"銀" ...好好咬!! 都無咁驚!!  其實, 我媽咪都驚我哋接受唔到啲糙米飯, 所以, 媽咪自己另外煮咗啲白飯

, 做後備!! 媽咪真係諗得周到!!

我第一次食糙米什穀飯, and 媽咪煮嘅dinner...飯後仲有西瓜0

    食完飯, 除咗同daddy and 媽咪傾計, 緊係最好娛樂就係打麻雀....講真,我真係唔係好識打牌

架! 我連塔牌都慢過人, 好似切積木咁!哈哈!! 而且, 我差唔多鋪鋪牌都要開櫃筒比錢人架!!! 好水皮!! 但唔知點解daddy and 媽咪一打牌就相當精神!! 打到成1am 先玩完, 個賽果緊係我輸得最多喇!! 仲比五妹笑添!! ...不過, 唔緊要都係至在玩下咋!!

同屋企人打台灣牌0

April 27 (Sunday)
     到星期日, 都係同媽咪飲下茶,食下野

! 飲茶時仲撞到中學同學, 仲傾咗兩句....仲攞埋聯絡方法添!!! 其實,我初時唔認得架!! 因為我無帶隱型眼鏡!! 而且, 依個中學同學流咗長頭髮!! 所以, 我唔知係咪我心目中諗果個!! 哈哈!

     而我次次由媽咪屋企要返自己屋企, 媽咪都為我準備好多野食比我帶返自己屋企, 媽咪啲餸大部分都係肉類

....我係出面住咗十年喇!! 攞媽咪煮啲野食都成十年喇!! 我有時都叫, 媽咪唔洗比太多野我!!! 但媽咪成日都覺我出去住一定無啖好食, 所以, 返去媽咪度, 我好似又食又拎

咁!! 媽咪對我真係好好....所以,次次都會拎晒媽咪比我啲野, 仲一定會食晒添!! 我每次返到自己屋企執媽咪比我啲野食落雪櫃, 我都會好感動架!!

   臨返自己屋企, 我仲同daddy and 媽咪 and Brian 去超市,買啲蔬菜, 魚, 飲品,係超市... 見到超市有部新扭蛋機, 係扭hello kitty架!! 我就即刻扭咗隻囉!! 我覺幾cute呀!! 而家咪掛係雪櫃度囉!! 哈哈!! 返到自己屋企, 見有啲肚餓, 又同Brian 玩bbq 喇!! 哈哈! 都係燒少少食咋!  費事,食到肚漲漲瞓唔到! 哈哈!

媽咪為我煮嘅食物!! and 依隻係我扭蛋機扭嘅kitty !! 都幾cute!0

星期日晚就係屋企bbq...由於唔係太肚餓,所以, 都係燒少少野食咋!0