May 1 (Thursday)
時間真係快,咁快就五月一號!! 突然間, 記得有首歌,叫First of May 添!! 哈哈!! 我每年今日,都唔知點解會係自己個口啍
幾句First of May依首歌架! ....可能, 我剩係識得依首歌前面個幾句咋!! 哈哈!!
講返正題!! 今日 Lunch time就同好朋友傾電話
...傾得好開心, 講到唔識停 ....都估唔到世上有朋友會同我傾計傾到可以咁投契, 我朋友又肯係電話同我一齊顛, 哈哈!!! 同朋友講開先知, 香港係May 1 有公眾假期, 叫五一勞動假!! 香港又有假放喇, Very good!! 有時太耐唔係香港都唔知香港有咩假, 都係要朋友講先知! 如果人哋唔講, 我自己都唔知, 以為好普通一日!
到夜晚, 我就同Brian去咗chinese超級市場
, 因為襯天氣仲涼涼哋, 我想星期五打邊爐
, 但去到超市, 本來就係買打邊爐湯低, 點知, 一入超市, 我同Brian 就有小小失控, Brian 行咗去熟食檔, 就買咗啲豉油皇炒麵, 豆腐花, 我又買lee 買"露"...又買咗幾袋野返屋企, 整到個雪櫃
都就爆棚喇, 哈哈!!
臨返屋企, 經開油站, 就餵TT 仔仔食野...因為聽日Brian 可能要同公司啲人飲野!! 費事星期五一放工就臨急臨忙去入油喇!! 咪入定先囉! 可能聽日又會起油價喇!! 而家啲錢真係唔見洗, 咩都加價!! 都唔知係咪真係要加!!
我諗, 聽日( May 2, friday)我都起碼要成夜晚九點幾鐘之後, 先同到Brian打到邊爐喇! 其實, 我完全唔介意男朋友出街同朋友or 同事飲野架!! 因為,每個都有自己私人時間嗎! 都要尊重大家先會生活得開心!! 不過, 我自己都覺Brian 係"就" 我啲啲!! 哈哈!! 我係霸道啲架喇!! 哈!
是日晚餐,有媽咪啲叉燒, 蠔油菜心+少少蜜豆, and 豉油皇炒麵(Brian 至愛), 我自己都炒過豉油皇炒麵架! 但都無街個啲炒得咁yummy!! 而且,我自己炒啲色水, 都唔夠出面靚架!! 唔知點解!!
飯後甜品, 有豆腐花, 係一pack 買架!! 內裡有薑汁on the side...薑汁豆腐花好yummy! 仲好滑唧唧! 我成日覺加拿大啲豆腐花or 荳製食品係滑好多架!! 唔知係咪依樹係用硬水呢?
係呀, 5.1係勞動節, 大陸仲有4日假添吖....比香港好d咁.........
ReplyDelete點解加拿大會滑d?香港唔係好味d咩? 香港嗰d都好滑呀~~嘻嘻
[版主回覆05/07/2008 23:03:00]細細粒: ~ 其實, 我都覺香港好多假放架喇!有時簡唔中都聽到你哋話放假, 聽到都好開心!! 哈哈!! ~ 我都唔知點解加拿大啲豆製品係滑啲!! 但真係架!!!啲豆製品真係滑唧唧架!! 有啲Blog 友話我知...因為加拿大啲黃豆靚啲,所以, 做出黎係特別滑架!!
我好少同朋友傾電話架~ (由讀書到而家都係呢~)
ReplyDelete最多都係吹幾句 但.. 出到嚟見面啲好多野講架啦~~ 嘻
豉油皇炒麵想要佢既色水 我諗應該係落老抽多與少既關係呢!!!
[版主回覆05/08/2008 15:55:00]畫: ~ 我間唔中,由其假期都會同啲朋友傾下計, 但依排就多咗時間, 傾多咗, 哈哈!! ~ 我都發覺依家啲人唔係咁仲意講野喇!! 好多時就咁send message 係手電就算喇!! 我相信現代都市人忙咗好多喇!! 有時我覺, 如果係真正朋友, 就算唔係成日見, 但如果見到大家就會自自然然有話題, 自自然然會好放你啲事係心架!! 見你話, 約啲朋友出去, 都好多野講,....即係你都有真心朋友喇!! ~ 落多啲老抽啲麵就會變深色啲, 但落太多會唔會太鹽??
因呢邊D 黃豆靚D 麻!
ReplyDelete我試過買豆漿自己整豆腐花,都好易,你可以試吓!
[版主回覆05/07/2008 23:08:00]高貓貓: 原來係咁, 依邊啲黃豆好啲...唔怪之得啲荳製食品咁滑喇!! 我自己都試過自己整豆漿, 真係好容易整, 但一定要落冰糖先好飲 !
勞動節來源是1886年5月1日，美國芝加哥舉行了約35萬人參加的大規模罷工和示威遊行，示威者要求改善勞動條件，政府出動警察進行鎮壓，開槍打死兩人，事態擴大!~ 為紀念這次事件成立了「國際勞動節」
ReplyDelete[版主回覆05/08/2008 16:00:00]小威威: 你解釋得好詳盡喎!! 唔該你呀!!
呢d都好過bbq~~但其實煮野食真係開心~只要享受個過程~整出黎一定好味~俾d信心自己~@@"~妳煮既野都應該唔差架~但如果配合埋靚既碗碗碟碟就好啦~因為如果有賣相~真係會食得好味d架~
ReplyDelete[版主回覆05/08/2008 16:07:00]迷迷(micmic): ~ 有時食bbq 都至在轉下啲口味咋!! 而且, 煮唔同食物, 都會享受到唔同嘅過程, 好開心架!! 講真, 我煮飯都係學習當中, 好多時都要問下人點煮先好味!! ~ 我自依幾年先開始入多咗廚房, 都會留意多咗啲廚具, 有時啲野食配襯啲好啲嘅碗蝶, 或者擺放得好睇啲, 有啲層次感, 食野都開心啲架!! 平凡嘅野食都會變得不平凡架喇!!
哈咯，VICKY！！妈妈煮的永远都是最好味的！！
ReplyDelete[版主回覆05/08/2008 16:08:00]歐冰冰@比樂太太: 係架!!
嘩......個炒麵好正呀~~~唔知以為喺街買返嚟架~~~
ReplyDelete[版主回覆05/08/2008 16:10:00]檬檬: 其實,蝶麵唔係我自己炒架!! 真係喺超市買返黎架!! 我自己炒, 就一定無咁靚喇!
我都好耐無試過講一個長過 20 分鐘既電話喇 !!
ReplyDelete應該話宜家講電話既次數真係好少好少, 尤其 send sms 唔使錢, 有時一句起兩句上既說話, 都寧願 send sms 唔打電話 !!
突然都好懷念可以傾電話傾到三更半夜既日子 !!
[版主回覆05/08/2008 16:16:00]new beauty sandy: 我都發覺而家啲人, 真係少咗講電話...好似電話有刺咁, 我以前係中學時, 真係當電話係寶架!! 哈哈!! 到而家,都係keep 住幾個講電話朋友, ...可能, 我地域問題喇!! 有時同朋友聯繫,都係電話方便啲,哈哈!! 女仔嗎...特別多野講架!! 哈哈!
豉油皇炒麵D色水唔夠係咪因為你冇落老抽呀?
ReplyDelete[版主回覆05/08/2008 16:19:00]睛天娃娃: 有時我落好多老抽, 但都上唔係好到色水,....落太多老抽, 我又怕炒到蝶麵水汪汪...總之,自己炒啲麵唔似街,...差好遠, 我要慢慢再學習!! 哈哈!! 但都多謝你提議!!唔該晒!!
Vicky: ~香港5月有兩日公眾假期,有五一勞動節同埋12號既佛誕呢~不過,我過到黎呢邊都係睇番d日歷先記得架咋! ~d炒麵唔夠色可能係你落唔夠老抽呢,老抽係用黎做色架嘛!你下次可以試下落多d囉!應該會同出面一樣既! ~我都好鍾意食豆腐花架,滑滑咁,好鬼正!可惜我依家尿酸偏高,唔可以食豆腐既野,其實,我好鍾意食豆腐架,真係唔知要戒口戒到幾時,先可以咩都食得啦!
ReplyDelete[版主回覆05/08/2008 16:29:00]陶陶夫人: ~ 你仲記得啲啲香港假期呀?! 我真係唔記得太多!! 而且, 我係香港時都未有依啲假期, 就算有人係以前同我講過有勞動節, 由於自己未放過, 就好唔上心囉! 哈哈! 不過,黎到外國, 都係記得外國啲假期多, ....可以放假,聽到都開心喇!! 哈哈! ~ 啲炒麵要落多啲顏色? 係要落多啲老抽,...我都試過喇!! 落到啲麵水汪汪添!!! 原來豉油皇炒麵都幾多技巧先炒到!!哈哈!! ~ 你一定要戒一 戒豆製食品喇!! 有時忍一忍, 真係會令身體健康啲, 而且, 食多碗豆腐花又唔會發達!! (我成日都咁同自己講!!)你咁樣安慰自己就唔會覺得無得食一樣野而傷心架喇! 但我都希望你早啲好返!! 健健康康!
豉油皇炒麵D色水唔夠, 可能你落唔夠老抽ar~
ReplyDelete[版主回覆05/08/2008 16:31:00]天使BB: 好多blog 友都叫我加多啲老抽架!!我會慢慢學習架喇! 唔該你呀!