十五年 (有感而發)

April 17 (Thursday)
       不經不覺, 係今日,我移民咗加拿大成十五年喇!! 自己移民個日都無諗到, 自己會係外國生活咗咁長時間!! 我相信, 連我父母都無咁諗到, 我會留係加拿大如此耐!!

        仲記得, 我係香港移民黎加拿大個日, 我臨離開我香港間屋企, 電視機仲播緊黎瑞恩個首 “一人有一個夢想”.   果陣時, 我都好想移民係發夢, 唔係真!!

        而我第一次黎加拿大, 就係移民個日, 一落機出機場已經係夜晚, 感覺加拿大原來都幾凍, 四月仲好似冬天咁, 我到咗加拿大第二日仲有微微嘅飄雪添!! 真係比我恨到, 第二日就有雪睇喇!! 其實, 我除咗恨睇雪, 就無野恨!! 我初頭黎加拿大, 仲以為自己係度讀書, 讀飽書就走人架喇!! 但竟然留到而家!! 講真, 我到而家都唔係好慣依度啲人嘅生活架!! 個環境,氣候, 什至依度啲人嘅態度! 我都未接受到!  唔通我真係咁慢熱??  如果, 當初, 移民時, 自己有得話事權, 真係唔會移民!! 去加拿大旅行就算!!  

        其實, 我比較幸運, 我一移民就係多倫多, 因為比較多香港人移民, 連啲商場, 超市, 食市,都係香港人開!!  有時, 我真係好討厭黎到加拿大都追求依啲野, 如果, 真係移民外國, 就唔好再追求太多香港野!! 不如, 返香港住仲好喇!   我曾經係有幾年加拿大生活,好西化, 連chinese 超市都唔去, chinese 電視都唔申請!! 其實, 我可以好加拿大人!!   不過, 自小生活,和而家生活真係唔同, 會好自然作出比較, 況且, 去外國生活不是我自願, 所以,我才會如此對外國生活的不滿! 但係, 我係加拿大便學識咗忍耐, 獨立,同大膽咗!! 都可算是有得着!

       不過, 我都係外國15 年喇, 可能地球的另一邊---香港已經變咗質, 唔同晒以前, 唔係心目中所想!! 但自己內心仲好挽強, 唔去過香港生活 or 行過, 好像有啲心心不息!! 但而家要我突然間放棄加拿大所有野, 執包服離開, 我真係無咁瀟晒喇!!  可能, 早幾年就會, 而家,..... 此於, Brian 都喜歡加拿大!! 我都無法止!! 因為有Brian, 我才會甘願留下加拿大!! 繼續和他一起開心!!...真心話: 如果沒有Brian 係我身邊出現, 我已經離開了加拿大, 可能唔會寫blog, 識唔到blog 友!! 好多野真係有得也有失!! 視乎, 自己點諗!!! 有時, 我會諗 Brian 同我開心就得!! ...........我發完"勞穌".


☆☆可能, 有啲blog 友會覺得我寫依返文章, 感覺我非常不成熟!! 但就比我係度講下喇!! 我講咗心情會舒服啲!!  如果想留言, 話下我, 就用private 留意喇!
Posted by at

7 comments:

  1. Michael18 April 2008 at 17:52

    在我認識移民了外國多年的朋友 (其實包括我自己) , 都對外國的生活不太喜歡, 但離開了香港十年八年, 返回去生活又好似有好太的不同. 有啲兩頭唔到岸咁, 都不知應該在那裡, 過怎樣的生活才是適合的.
    [版主回覆04/22/2008 22:55:00]異鄉,異客:   ~ 你講得好岩, 我都移民咗外國有一段時間喇!!回到香港可能都會有不習慣的感覺, 況且,香港都有變, 但係自己又未能夠融入到外國生活, 好像一個邊緣人, 唔知自己去邊度好!!   ~ 有時真係唔想諗依個問題, 真係諗到人都顛, 接受現實!

    ReplyDelete
  2. Mui18 April 2008 at 19:23

    好明白你既感受，我黎加拿大個時真係以為黎讀書，諗都無諗到屋企會搞移民，一黎就好多年啦。就算我係鄉下住左咁耐，可以話係完全既加拿大人生活，但話晒自己係香港大，點都唔可以適應晒，加上老公係香蕉，基本上除左黑頭髮外，同西人無咩分別。
    [版主回覆04/22/2008 23:10:00]Mui:   有時覺得係依邊做野嘅節奏真係有啲慢!! 比我心急嘅性格真係忍唔到!! 唔知係咪一出生就係香港, 感覺香港生活好似好多野都適合自己口味, 但我黎咗依邊都有一段時間喇!! 真係想返去,都唔知適唔適合到自己! 此終,香港都已經變咗!! 未必係我心目中所想! 但依邊又好似融入唔到!真係難搞!!  我係依度都係發下"勞蘇", 我講咗出黎, 好似舒服啲!! 唔該你呀!  

    ReplyDelete
  3. 陶陶18 April 2008 at 21:42

    Vicky: ~睇完你呢篇,我都好感觸,我住過英國,又住過美國,但真係香港係最好,我都會好似你咁,成日同香港比較,成日嫌呢度唔好,o個樣唔好!但路係要我咁行,我就去試一試,真係好唔鍾意既話,先再返去囉,無話無轉機既! 其實加國已經好過NY,NY只係一個外表先進內裡落後既國家,而且食物選擇少,chinese野就梗加唔好提啦,出去食又貴又難食仲要俾重tips,我都好難接受呢一切一切! ~我以前好西化,好崇洋,成日都好想去外國生活,所以識好多男友都係外國既!好啦,終於俾我恨到啦,咁又點?就算住外國都真係唔想住大城市,乜都貴,講真,呢度既樓我真係唔知幾時先買得到!我家陣又要搵長工,個米國經濟又差,政府又無錢又成日打仗......所以.....我真係真係好懷念無打仗無恐佈attack有好多美食同有個溫暖既家既香港!
    [版主回覆04/22/2008 23:53:00]陶陶夫人:   ~ 嘩!! 你講啲野好似我心中想講嘅野!! 多謝你同我share 咁多內心世界!   ~ 我未到外國時,都以為外國會咩都好, 咩都先進啲!! 可能抱住太大expectation 黎外國, 後尾黎到外國感覺完全唔係心目中所想!! 真係好失望架!   ~ 講真, 我已經盡量唔同香港比較外國生活有咩唔同架喇!! 真係人比人都比死人喇!! 但我性格太心急喇! 見到外國節奏比較慢, 有時真係好"憫" 架! 好彩依家係city 住, 生活節奏快返啲啲, 同交通方便啲之外, 如果唔係我忍無可忍外國生活架喇!! 其實, 我都試過唔係市中心住, 住啲遠離市中心啲地方! 但遠離市中心, 交通就好唔方便架喇! 下下都要用車, 先可以到達心目中嘅目的地! 養車, 油費,咪又係返度! 而且浪費好多時間係不必要嘅車程上, 照你個性格, 住係city 適合好多!   ~ 你講到轉機,好似好簡單咁, 有時同我都同自己講, 唔岩咪走囉!! 自己就得, 其他身邊啲人點呀!! 有得佢自己係度呀?? 況且, 去到香港, 係咪真係咁如而得水呢?? 自己衰唔緊要, 但會唔會拖累自己身邊嘅人呢? 我真係唔知,....但感覺自己好像邊緣人, 外國又融入唔到!! 香港又太多轉變, 都唔知係邊度生活好!!但內心,...好像唔想自己咁嘅年齡過著太簡單,太悠閒嘅生活! 欠缺passion!   ~ 可能, 我哋大家都係喺香港長大..太多野已經好自然習慣咗! 所以, 去到外國就有比較...! 有時自己都唔諗太多,因為諗得多真係會好辛苦架!! 你都唔好諗太多喇!

    ReplyDelete
  4. 細細粒19 April 2008 at 07:36

    原來你咁多移外國blog友架喎........
    我都好恨去外國生活架, 不過聽完你咁講, 我諗始終都係香港好....嘻嘻~~~樣樣嘢都好, 只係空氣差, 天氣唔好....太逼又太多內地人嚟, 佢哋又無公德, 又多賊仔咁囉....
    你遲d都返嚟啦, 既然你留喺加國, 咁返嚟玩吓就算啦~~
    [版主回覆04/23/2008 00:52:00]細細粒:   ~ 我從來都無話恨唔恨去外國生活...我個人比較心急, 咩都要快, 但外國太悠閒喇!! 而且係好多香港人心目中, 係外國無壓力好似好寫意...(但我係心目中未必係)! 但如果日日生活都太簡單,太平淡, 都係好悶!!  係加拿大我至怕冬天...因為可以凍到唔想出街, 係夏天分分鐘都會好熱, 都有試過34-35 度!! 天氣都非常極端. 我只感覺自己好像缺少咗一點拍力!!   ~ 你講得岩, 而家香港已經有好多內地人...有啲無咩禮貌!! 香港都好像轉變緊...但我自己又好像未融入到外國社會...似一個邊緣人多啲!! 我都唔諗得太多...諗得多人都顛! 多謝你聽我發"勞蘇"!!

    ReplyDelete
  5. melmel19 April 2008 at 19:04

    我都好同意其他blog 友慨睇法,H.K 已經唔同晒(15年前仲係英國殖民地),不過工作背景/前景一定好過呢度,我諗你一定有好多中/大學朋友就算本身個base 係Canada , 但都會襯後生返H.K 博一博,你就會明我講セ!
    當然如果唔係追求名利,只想追求一D簡單生活,結婚,生仔咁,永遠都係呢邊好!
    可能我係H.K工作咗1x年,覺得好多野都好煩,D人又好討厭!工作壓力又大,要不停去旅行為自己減壓(我都覺得有D病態,但壓力大到眞係好想出去走吓)!先覺得呢邊簡單就是美啦!
    咁有冇諗過請幾個月假,試吓番H.K做parttime 吖!
    [版主回覆04/23/2008 01:22:00]高貓貓:   ~ 有時真係要睇下係加拿大揾到咩工作, 加拿大有啲工作有可能earn 得比香港更加多!! 好多白人係加拿大都earn 到!!  我有啲係加拿大土生土長嘅朋友, 都未去過香港, 但一畢業就已經返香港工作, 也一樣可以適應到香港!! 我有啲朋友,係香港移民係加拿大讀書名例前矛, 但返咗香港八年都未能揾到合適工作, 我覺得工作係講際遇架! 我相信係世界邊一個世界做野,都會有壓力, 都會有好多人際關係去面對!!!  但無好否應...香港工作嘅柏力, 都係比較好!!      ~ 我自己性格真係好心急, 我會好快完成自己啲野, 但身邊嘅人同我配合唔到我, 我真係好激氣架! 同埋外國啲人生活太過悠閒, 我覺自己咁嘅年齡,真係唔想擁有太簡單嘅生活...發覺自己好慢!! 無晒活力咁!!! 依幾年住係city, 已經話好啲, 以前住係遠離city 嘅地方, 我真係頂唔通架! 太悠閒,我唔得架!   ~ 我屋企都唔知幾想我返揾工, 返香港工作....但我唔可以一下止自己走咗去, 咁我身邊果個人點算呀?? 賴抵佢係加拿大呀?? 我做唔出喎!! 有時自己返香港,自己衰咗無所謂, 但唔想連累到身邊果個呀!!   ~ 所以,學你講, 間唔中都要去下旅行...係加拿大別的地方充一充電, 攞返自己啲活力返黎!!  

    ReplyDelete
  6. ღ V M ღ20 April 2008 at 18:34

    15年咁耐喇~~~香港變左好多架喇~~~同brian一齊生活得開心咪得囉,唔會計較喺邊度生活既~~~
    [版主回覆04/23/2008 01:23:00]檬檬:   你講得好好, 就係一句"唔好計較".....我聽到都已經好舒服, 多謝晒你!

    ReplyDelete
  7. Beauty Sandy29 April 2008 at 22:47

    好耐無嚟喇 !!  因為近排比較忙, 無時間巡 BLOG !!
    我諗當年決定移民, 係因為怕大陸既政治, 其實相信個個都好想過番香港人既生活, 加上又的確好多香港人移民去加拿大, 所以咪有好多香港野圍住你 !!
    不過 15年應該咩都習慣, 有無諗過回流返香港, 不過... 可能到時你又會好唔習慣 LU !!
    [版主回覆05/06/2008 14:09:00]new beauty sandy:   ~ 唔緊要!! 你得閒先黎坐下喇!!   ~ 都住咗成15 年加拿大, 香港 and 自己同時都轉變咗! 如果我而家返去都唔知自己會唔會習慣....我都唔好計較太多!! 我依篇文章都係有感而發! 多謝你啲suggestion...!

    ReplyDelete

Subscribe to: Post Comments (Atom)