行路周末

April 30, 2011 (Satuday) 13℃ sunny
   一朝早, Brian 去了銀行....我還大較瞓中. 他回來時, 竟沒有購買早餐.  只是係咁拍我起身. 因為他話出面好好陽光. 不如, 出街嘆早餐. 之後, 順便 "行路" 去商場行街. 享受下陽光.
  
  他好少何, 肯行路. 我聽見「行路」都唔知幾興奮. 即時彈起身.  因為某程度, 我感覺渣車好煩, 揾車位泊外, 下下都睇住個時間行街, 以免比太多停車場費. 所以, 渣車行街, 係完全行得唔自在. 有得揀, 天氣環境又許可, 我很喜歡「行路」架!!

   但奈可, Brian很喜歡渣車, 用腳行到去嘅商場, 都係要渣架車去. 但現在, 他選擇行路, 我就最為歡喜啦!! 真係係商場行幾耐都得呀!!!
  
    今日行程........首先, 趕啱時間, 去麥當當食早餐, 我還專登選擇窗口位坐....比太陽晒呀晒!! 哈哈!! 之後, 便行路去商場. 唔覺唔覺....又買咗一大袋野返屋企. 不過, 行得好開心. 唔洗趕住行.

    行到4點幾. 啲天氣仲幾好....好好陽光....晒住行反屋企. 都好happy

    最多得今天, 天氣好, 雖有點涼, 但陽光充足, 令我享受「行路」的樂趣.

↓麥當當早餐 + 行商場的戰利品0




   可能, 真係行得太多. 返咗屋企之後, 唔想再出街了!! 好求其行去後面街間超級市場買現成食物(燒雞+沙律) 當晚餐.

    夜晚, 同Brian 修剪頭髮. 男士啲頭髮, 真是特別快長. 差不多一個月便要剪一剪. 但每次, 我幫Brian剪完頭髮, Brian 都會去咖啡店,買熱飲 and 甜點 (今次食bagel)給我. 好像唔該我幫他修剪頭髮咁. 哈哈~~

    剪髮完, 還可以看了一場加時又加時嘅hockey球賽. 玩埋電腦.....成4am 先瞓.

↓燒雞 + 沙律0




-----------------------------------------------------------------------------
May 1, 2011 (Sunday) 7℃ rainy
   沒有什麼節目, 一起身, 已是中午時份了, 而且, 肚還很肚餓, 便快快趣在廚房弄點食物吃. 

   之後,便上下網, 清潔下家居, 睇下電視, 口痕便吃點零食, 攰了便午睡. 我也不知從何開始, 我在週末會培養出午睡起來

   我以前,是一個很反對午睡的人, 感覺午睡好浪費時間, 令願攰少少都做晒佢, 玩晒佢. 晚上, 早一點時間瞓仲好啦!!
  
   但試過午睡之後, 我感覺午睡一陣,真的可以recharge 自己啲精神. 睡完精神好啲, 做什麼, 玩什麼, 聆聽方面, 都可以專注和耐性一點. 

    當然, 不能日日午睡......邊有咁多機會吖!! 但如果時間和環境都許可. 午睡其實很舒服. 哈哈~~

↓星期日早餐---沙律, 藍莓yogurt, and toast   (Brian個份 toast w/ham, 我就toast w/egg)0



漢堡包+紅酒

April 29, 2011 (Friday)
    每每星期五, 都不想煮飯.

    每每星期五, 唔煮飯, 都唔知食咩好.

    每每放工, 都聞到香噴噴的漢堡包味道. (因我家樓下開了一間特色漢堡包店)

     所以, 便決定食漢堡包作我們星期五的晚餐. 但由於星期五, 就想特別少少. 所以, 就買埋支紅酒飲送burger.

     但沒有特別觀察樓下的漢堡包店. 原來, 星期五係好多人, 應比平時多人. 差點兒排到出街.  排住隊, 個肚又打鼓. 但聞住漢堡包香味. 某程度, 真係幾難頂.  哈哈~

     肚餓, 等待漢堡包, (因新鮮煎) 感覺時間, 好像特別長. 漢堡包到手....便馬上衝返屋企. 開紅酒送漢堡包...yummy!!

     仲睇多次Royal wedding 重播片段, 一邊食. 一邊飲.


↓紅酒with 漢堡包.....................0




↓我食turkey burger ...............還有Poutine    0




↓Brian食poster 果個包 (但牛肉就加大安士)......個包似唔似poster 個包??0







Royal Wedding

April 29, 2011 (Friday)
   事前很多人問我, 「會唔會晨早起身觀賞Royal Wedding??」

   說實話, 我唔會刻意爬起身觀賞, 但我每星期, 總有幾天是晨咁早就彈起身 (鬧鐘未響已經起床, 再不能入睡). 可能, 話唔埋, 有機會在電視上觀賞到婚禮直播.

    可能是上天安排掛, 我真的是鬧鐘未響便不能再入睡. 見時間剛剛好, 扭開電視觀賞威廉王子和凱特婚禮.

    凱特笑容很甜, 婚紗也很漂亮. 而且, 在全世界眼光觀看下, 我感覺她很淡定和很自然. 沒有一點做作.

     當威廉王子看見凱特的一刻. 我感覺威廉王子眼神很真誠. 而且, 他們兩, 很互動. 當凱特眼神望向威廉王子時, 威廉王子也同時望向凱特. 而且, 他們在教堂上, 馬車上, 露台上, 他們兩, 都有交流. 比我感覺, 他們好像互相提點大家. 很體諒,關心大家.

     慶幸, 能看到他們婚禮, 他們的喜悅. 我相信感染了很多人.   0





   


連錫都有眼神交流00







↓放工時, 經開郵局, 買下皇室紀念郵票. 0




↓這張海報, 是我家大廈的通告, 我家會所內的電影院......也現場播放Royal Wedding. (其實,我加拿大很多食店, 也特別提早開門, 很多加拿大人, 一邊享受英式早餐, 一邊看大電視, 祝賀皇室婚禮)0




Salad

April 28, 2011 (Thursday) 9℃ rainy
   我發覺, 好多人, 由其是男士都唔太鐘意食蔬菜. 但我幾鐘意食蔬菜架!!

   細個時, 出街食中菜, 實有啲三絲炒肉. 我一定夾埋啲三絲架!! 唔會齋夾肉. 而係娘家食飯時, 每次食唔晒啲菜, 都係我包低. 但我又唔可以完全無肉類食. 點都要有啲肉 and 菜配埋一齊, 我先覺得似樣

    但我隔離果個唔太鐘意食菜. 有時,我無時間買餸, 他代勞, 但他一定唔會買菜的. 他唔買菜嘅原因係----"唔識買"  ....哈哈~~   所以, 無菜個餐, 就是我隔離果個買餸的日子.

    今日,唔知發生咩事, 我隔離果個話「想食沙律」, 他講完, 我還以為自己聽錯. 他主動話要食菜呀!! 唔理咩原因,.....他講得出, 我當然快快手去廚房整啦!!

     我仲整到蝶沙律懶靚, 吸引我隔離果個食多啲添!! 

↓晚餐----chicken strips 沙律 + ham & swiss cheese 三文治 + 橙.  0



    夜晚食完飯, 睇睇下hockey 球賽時(大概10pm),  唔知係咪食菜唔夠飽, 我隔離果個話肚餓, 落咗樓下麥當當買宵夜食. 他話買,...我當然又會食...哈哈~

    宵夜有---凍咖啡 and peach pie. 但杯咖啡真係好大杯, 我飲完之後, 就去瞓. 但瞓瞓下中途起了好多次身, 去廁所(小解). 哈哈~~

↓買了凍咖啡 & peach pie.  (現在麥當當啲凍咖啡$1 cad 一大杯, 好抵飲)0



April 26,2011 (Tuesday) 9℃ rainy
    原本, 去超級市場是購買雞蛋, 但看見復活節物品大減價. 便行去看看. 看見, 一盒復活節朱古力蛋, 都只係2-3 個大洋. 便嗱嗱臨將盒朱古力蛋,  放入自己個購物籃.

    最後, 買埋雞蛋....自己捧住好多隻蛋回家. 哈哈~~

↓朱古力復活蛋    0






中獎杯結果

April 25, 2011 (Monday)
   咖啡店的卷起杯邊嘅中獎活動, 我諗已經接近尾升啦!! 我去有啲咖啡店, 已經用返正常咖啡杯了.

   今年, 經我係唔係都飲, 個結果都算唔錯, 我贏咗3杯咖啡, 4個冬甩. 雖然, 唔係贏咗啲咩野大獎品. 但比我贏到幾餐晏仔. 已經好開心啦!!     

   早兩日, 我已經去咖啡店換咗啲免費咖啡.....飲完, 又"中"多杯咖啡....雙重開心!!

↓中獎杯.....捲起杯邊......就知有咩驚喜. 今年大獎係"四門房車". 我中到優異獎(Donut)已經好happy啦 0





↓今年嘅戰積...哈哈~~0