我發覺, 好多人, 由其是男士都唔太鐘意食蔬菜. 但我幾鐘意食蔬菜架!!
細個時, 出街食中菜, 實有啲三絲炒肉. 我一定夾埋啲三絲架!! 唔會齋夾肉. 而係娘家食飯時, 每次食唔晒啲菜, 都係我包低. 但我又唔可以完全無肉類食. 點都要有啲肉 and 菜配埋一齊, 我先覺得似樣
但我隔離果個唔太鐘意食菜. 有時,我無時間買餸, 他代勞, 但他一定唔會買菜的. 他唔買菜嘅原因係----"唔識買" ....哈哈~~ 所以, 無菜個餐, 就是我隔離果個買餸的日子.
今日,唔知發生咩事, 我隔離果個話「想食沙律」, 他講完, 我還以為自己聽錯. 他主動話要食菜呀!! 唔理咩原因,.....他講得出, 我當然快快手去廚房整啦!!
我仲整到蝶沙律懶靚, 吸引我隔離果個食多啲添!!
↓晚餐----chicken strips 沙律 + ham & swiss cheese 三文治 + 橙. 0
夜晚食完飯, 睇睇下hockey 球賽時(大概10pm), 唔知係咪食菜唔夠飽, 我隔離果個話肚餓, 落咗樓下麥當當買宵夜食. 他話買,...我當然又會食...哈哈~
宵夜有---凍咖啡 and peach pie. 但杯咖啡真係好大杯, 我飲完之後, 就去瞓. 但瞓瞓下中途起了好多次身, 去廁所(小解). 哈哈~~
↓買了凍咖啡 & peach pie. (現在麥當當啲凍咖啡$1 cad 一大杯, 好抵飲)0
好多男人不愛吃菜...但我就由細到大都愛吃蔬菜類的...!!
ReplyDelete早餐, 我有時會食洋蔥炒蛋或蕃茄炒蛋麵. (不要午餐肉,火腿之類的肉) !
[版主回覆05/04/2011 07:04:00]冬日: ~我兩樣都食, 唔會話邊樣食得多啲. ~你好健康, 早餐都是菜類為主.
~孫生都是不喜歡食蔬菜，成日要氹先食少少，激死我
ReplyDelete[版主回覆05/04/2011 07:04:00]靚太Mrs. Beauty: ~我隔離果個都係, 唔太喜歡食蔬菜, 叫他食菜, 好似令他好痛苦咁. 哈~ ~講真, 時時啖啖肉, 個胃都未必舒服.. 而且, 好齋食肉似好"掛"咁. 都係有啲菜傍住下, 好似食得舒服啲. 所以, 我兩樣都會食下
菜有益，一定要吃多些！你整的沙律好豐富！
ReplyDelete[版主回覆05/04/2011 07:04:00]Happy Girl: ~其實, 我覺食菜, 都唔難食架! 唔明點解有咁多人咁鐘意食. ~我隔離果個難得話食沙律, 當然整得豐富一點啦!!
其實我唔太鍾意食菜...不過為了健康，每餐都迫自己食
ReplyDelete[版主回覆05/04/2011 07:04:00]Oli: ~哈哈, 迫自己食.....我覺食菜, 唔難食架!! 我以前細個見到雪櫃食剩啲菜, 我都會攞黎食架!!哈哈~~ ~肉又食啲, 菜又食啲, 我覺咁樣好舒服架!!
I like salad from time to time....But the meat has to follow....
ReplyDelete[版主回覆05/04/2011 07:04:00]Big Daddy: 我唔可以全餐都係菜. 點都要有肉. 兩樣食啲先舒服.
我都好鍾意食沙律，尤其是而家天氣開始熱，食沙律都唔錯呀！今日我地都有三十度
ReplyDelete咁大杯凍咖啡好抵飲呀！我都想食peach pie 我地呢邊麥當當冇呢款呀！
[版主回覆05/04/2011 07:05:00]ccKitty08: ~係夏天我都鐘意食沙律. 食完都感覺份外舒服. 但我唔知我依邊夏天會幾時黎. 依排仲係好涼. ~嘩!! 香港有成30℃真係同我依邊打個勻就好啦!! ~杯凍咖啡平之外, 仲幾好飲. ~個peach pie, 我覺馬馬哋, 我鐘意早排限量發售嘅Banana chocolate pie and S'more pie (Marshmallow+chocolate) 多啲. ~我反而想試下香港啲yam pie , taro pie and red bean pie. 感覺味道比較岩我口味啲. 不過, 我鐘意食我依邊嘅藍莓批. 但唔係時時有, 但每年大概入冬嘅時候就有得食.
Vicky, ~我老公都唔太鍾意食菜架，食沙律就更加唔使講添，佢唯一食沙律既日子，就係要keep fit減肥既日子，而且唔可以落mayo添 ~有人話，如果你突然想食某一種野，就係你身體向你發出警號，表明你缺少了那種營養，所以你好自然會好想食某一種野，而呢樣感覺，大多數就係你成日唔食o個樣野，又突然好想食既感覺啦，唔知Brian係唔係呢。
ReplyDelete[版主回覆05/05/2011 06:19:00]陶陶夫人 ~原來男仔都流行減肥架!! 如果食沙律, 咩dressing 都唔落. 我覺好"掛"架!! 我食唔到架! 而且, 我覺齋食菜, 好似唔太好, 點都有肉中和下會好啲. ~我唔知係咪Brian身體係咪響警號. 但難得他想食, 當然就會整啦!! ~反而,我有時會好想食甜野, 依個感覺簡唔中出現. 食完個人,真係好啲.