唔覺唔覺又一年.
每年臨近聖誕節, 星星咖啡店都會有買一送一嘅聖誕咖啡.
我每年都幫襯!!
依個舉動, 都已經計唔到,做咗幾多年!!
但總是感覺, 舉起換了顏色嘅紅色咖啡杯, 好有聖誕嘅氣氛.
↓今年居住地方換咗新地點, 所以去了Shopping mall 裡面飲聖誕咖啡.
↓今年2013 年,在溫哥華飲聖誕咖啡嘅樣!
時間真係快.........
無意中, 係一堆相簿中, 摷到我哋三年前, 飲聖誕咖啡嘅照片!! 當時是2010年. 在多倫多飲聖誕咖啡.
我同Brian 見到自己以前個容貌, 都忍唔住微笑!
笑----是笑自己當時的樣貌, 還傻笑着, 我們當時嘅生活.
照片---永遠帶比人, 許多回憶.
雖然, 好多事, 要記得, 就會記住, 忘了就是不重要.
但原來最不記得自己從前的樣貌, 只係從舊照中才「知道」自己當時的摸樣. 雖天天照鏡, 但一作比較, 從前和現在. 就好像有點分別!! 變到自己都唔知. 哈哈~
不過, 最開心係, 每年同一個人, 陪我一齊癲. 幫我排隊, 買聖誕咖啡飲.
這個聖誕咖啡嘅舉動, 好多年都無變. 大家一齊飲. 一齊感受聖誕嘅氣氛.
↓2010 年, 在多倫多飲聖誕咖啡嘅樣!
↓原來, 2010 年嘅聖誕咖啡杯, 原來係咁嘅樣!!
