琴日寫咗blog, 講真我近排好moody! 成日好唔仲意講野! 所以係blog打下寫. 可以抒緩下自己.
今日已經五月一號啦! 時間真係快, 07年已經過咗足足四個月. 四月裏面真係發生好多事! 仲記得四月個陣時買咗好多野,又試過好多新餐店! 好似 Apr 15號, 我買返咗個行李! 本來揾到間店鋪特價,咁咪諗住去買,點知去到就已經無晒貨, Brian就帶我去第二d百貨公司行下,因佢話之前見到個行李好似on special. 去到就見到個黃色行李,好sharp. 咁就買咗返屋企. Lunch time 就同Brian試咗間日本拉麵鋪, 由於Brian由細到大,去過日本不下好多次,所以我專登帶Brian試下,睇下係咪真係咁正宗. 佢都話正宗,有機會都會再去. 仲記得我地食lunch之前我就同Brian去咗Future shop電器鋪買咗部cam-recorder比佢daddy作生日禮物. 而Brian就買咗部sonyericson新手電 比佢自己. 又買memory card. 又幫佢個同事買部blackberry 8系. 之後,我同Brian去chinese 超級市場掃貨. 又肉,又魷魚,魚蛋,湯料, 蔬菜,番茄,荳泡,....仲去7-eleven買牛奶添! 返屋企攞住一大堆野,好開心呀! 又有豐富晚餐食. yeah!
*我個新行李箱! --黃色架!好sharp!
0
Apr 16,可能係weekend食得太多野食. 腸胃有d 唔好,係lunch time 自己應該唔食野,但自己又忍唔到,整咗個菜湯. 到dinner我只係食咗banana and cereal. 係Brian專登放工個陣時買比我,我仲話d香蕉生得濟,要放係米崗道,整熟d. 之後打後幾日dinner都係咁食. 腸胃真係好d,但就無瘦到,可能自己跟本無做運動. only 坐啦!
Apr 17,我移民加拿大嘅記念日,依一日都算係我人生之中最難忘記嘅一頁. 咁就黎咗加拿大14年,唔係好相信自己可以留係依個國家咁長時間. 證明自己忍耐力都幾強, 如果下一年唔係身處加拿大咁就好啦! 哈哈! 講返依日,Apr 17號,我擁有一部粉紅色嘅sony digital camera. 我恨咗好耐啦! 好開心, 我同Brian仲要放咗工,都十分夜先去攞依部機. 自己好仲意影相,去食快餐都要影相. 哈哈!
*新相機---係粉紅色架!
0
Apr 20, 終於等到friday,一放工就去咗買digital camera嘅memory card.因準備weekend可以影下相, 攞完memory card. 之後又係食,---->食打邊爐囉! 係呀!我好仲意打邊爐,但每次打邊爐都不自覺食好多野食! 但好享受打邊爐嘅氣氛!
Apr 21,星期六,一早食KFC chicken big crunch sandwiches做早餐. 食完,就準備個粉紅色相機放係手袋道,諗住出街影相,仲記得個日天氣好好,又唔係凍,仲有好大個太陽添! 着得好輕便就好可以出街! 同Brian又再一次去咗Niagara Fall, 一到步Brian就好熱烈咁去咗賭場先,佢而家開始去賭場係為咗win.可能上次嘅經驗令到佢想贏錢.但今次真係輸咗! 其實都係我衰,想Brian快d離開賭場同我去玩,當Brian賭個陣時,我就指指點點佢買咩! 結果: 輸咗!! 自己好唔開心,直情輸到想嘔,真係作嘔個隻,我仲呆咗坐係張凳道,唔知自己想點! 因我此於覺自己慮Brian輸錢. 但Brian就好似無咩唔開心,唔知佢係咪怕我更加無mood. 佢先扮無事發生!! 我真係連影相用新影機嘅心情都無晒. 但後尾行行下,行到近Niagara Fall個道,我個心情就平服d. 初時都無mood影相,只有Brian自己渣住部相機影景. 後尾就自己都有影相,但我個笑容就當然唔明亮啦! 之後,食咗一大杯雪糕,唔知係咪食咗甜野,我個心情又再平服番d. 我又開始周圍影相. 仲周圍行,竟然比我地發現到有多條路可以去返我地上車個道! 行完一段路,我又有d肚餓.唔知點解好想食pizza. 食咗一間近賭場嘅pizza,都幾好食. 夠薄,似足意大利pizza, 而spicy sauce and cheese powder都可以任落. 我食食下pizza就提議Brian攞$20再上去賭場. 我唔出聲,你自己玩. 但如果又係輸就當今日唔好彩.Brian聽到都唔知幾開心. 食完即刻去賭場再黎過,今次我一句說話都唔出,Brian真係贏咗. (一個any triple and 5,6).總之就有回本and 贏到d添! 去賭場我以後都唔好出聲啦! 之後我開心返d.唔係贏錢,而係我慮Brian嘅程度少咗! 我自己個心都安樂d. 之後Brian帶我買chocolate rice kripsy,chocolate 壽碼 and 影咗其他相. 見有車就走,返屋企! 當返屋企途中我地都見係dinner時間(其實宵夜時間,因為都差唔多11pm).但真係唔係好肚餓. 可能之前食得太多野食.但如果而家唔食dinner,返到屋企hea下,先再出街食.就有好多鋪頭關晒門,食野選擇又少咗! 所以,我同Brian就去咗食d清淡d嘅野,which is 食越南野! 我叫咗個燒豬肉檬粉,(但原來檬粉個份量都幾多). 但我都食得晒, 因唔想浪費食物. 而Brian好似叫咗個飯. 個飯好似有蛋,有肉,....我記得啦!係叫三寶飯呀! 依日又係食到好滿足!!! 由朝食到晚!
*新相機影相,影到rainbow呀!
0
*見到張凳好大張,好似入咗世界記錄大全,所以坐上去影
0
*食雪糕yummy! 依張係雪糕門口影
0
*摩天倫呀!
0
*壽碼朱古力,包裝幾得意!0
,我同返以前係hk讀中學嘅其中一位同學msn. 聯繫返. 事原(都已經四月頭發生嘅事)我得閒,突然記起好似有一封信未回,就走去closet 揾, 點知真係比我揾到, 原來封信係Year 03' 寄比我. 我費事用紙,筆&經郵差寄,我就係自己email address book道揾,有無依個朋友email address. 又比我揾到. 就寫封email講下我嘅近況比佢知, 一朝早寫完,到個日晚上開msn就見到依個朋友. 真係好好開心! 當然傾咗一陣計啦! Super super 興份. 完全唔覺陌生,照樣有一大推野講. 哈哈! 有時我發覺我好似同香港以前中學識d 朋友仲有聯繫,有時大家仲會傾心事, 而係加拿大識個d chinese朋友就無咩兩句. 就算以前係high school 傾得幾埋個d, 入到大學就好似完全無咩聯繫,自己都盡量比晒自己電話number,email,friendster,msn比人, 都係無人揾我,唔通我真係一個大悶蛋??? 有時大家互相係msn見到大家on-line. 我特登" 料"high school朋友傾計, 真係一句起兩句止. 大家係同一地方生活,竟然無同一個話題, 有時瞓唔着諗起都好想喊. 
