O Canada

June 30, 2009 (Tuesday)


   國慶假喇!! 令令丁丁係一個星期個中間放一日!! 是但喇!! 有假放好過無!! June 30, 一放工就去咗行商場, 幫襯支好好味嘅雪條, 之後, 就出街食dinner.....原本想去食上海野, 點知間上海食鋪內部裝飾, 所以, 轉第二度食.... 但又比我哋唔打唔撞, 試到間幾特別嘅韓國餐店!! 環境都幾舒服架!! 價錢都ok!! 第時"痴"咗條韓國癮都可以去食!!哈哈!!

   通常, 放返工, 知道第二日係假期, 個心情係會特別放鬆, 特別精神架!! 所以, 食完韓國dinner 之後, 我哋還走去咖啡店飲下野! 消磨時間!! 哈哈!!

↓韓國飯店



↓我們影相就是這樣, 你一張, 我一張....哈哈


--------------------------------------------------------------------------------
July 1, 2009 (Wednesday)


   原本係國慶日, 約啲妹and 佢哋啲男朋友, 去公園picnic and 踏單車架!! 但國慶前一晚, 天文台講到國慶日啲雷雨, 好似好大.....所以, 我哋扭夜取消咗, 去公園picnic 個節目!! 各有各囉!! 點知, 國慶個日一滴雨都無!! 仲陽光普照!! 我都唔知幾想個天落雨, 等我取消個picnic 都有意義吖嗎!!


   最後, 我同Brian 係國慶日, 去咗唯一開門營業嘅商場行街街! 由於, 係國慶日,沿途有唔少國慶慶典, 有街頭表演, 街頭小食......仲有人派加拿大國旗添!! 我也攞了支國旗陪我周街行!!哈哈!!    

↓國慶日, 街頭啲熱鬧場面! 



↓國慶日, 還在電視見到操例隊.....



   而依排正直係啲鋪頭進行大減價!! 真係咩都減!! 所以, 商場人頭湧湧!!   雖則話減價, 我又真係無野有興趣想買....... 但就特別留意多啲男裝!!  因為, Brian 要打Golf了, 就置多幾件運動衣黎跟換喇!!  可能, 商場實在太多人喇!!  行無幾耐, 去了食沙律 and 三文治休息下!! 簡簡單單過了一個國慶日!! 

↓行商場時, 見到Brian 喜歡啲電器poster, 我迫他同poster 影相!! 哈! 之後, 行去男裝部買Brian 啲衫!


↓國慶日嘅下午茶,....三文治and 沙律!!


周處走

June 28, 2009 (Sunday)

        原本依篇blog, 好想一早就post 出黎架!! 但後尾先發覺, 自己寫啲野唔見晒!! .....算喇! 由頭寫過吧!


   同完啲妹係星期六玩完bbq 玩得好開心!  我仲唔夠喉! 第二日, 我再約她們出外食下午茶, ......其實, 我以為Daddy and 媽咪返咗香港, 啲妹會好似甩繩馬騮, 盡情出街玩架!! 點知佢哋又無喎!!! 個個乖乖坐係屋企!! 今日, 都係我主動約她們, 她們才出街!! .........突然間, 我有種感覺, 感覺我的妹妹, 其實, 都喜歡在家的!! 但只係平時Daddy and 媽咪係屋企, 多了一點說話聽!! 我啲妹才喜歡出街, 被開一啲話語!!

    我真係覺得, 長輩真的好需要同後生一輩互相配合!! 如果配合唔到, 後生一輩盞想方法被開長輩!!! 我覺每個人都需要娛樂! 間唔中出下街, 係好正常!! 後生仔女, 當然活潑點!! 才似年青人!

    很害怕, 自己是比Daddy and 媽咪帶黎外國, 因為, 他們對我哋在外國接受教育!! 好像有超付常人嘅期望!! 其實, 我同啲妹咪只係平常人一個!!  所以, 我好明白有啲妹有着和我一樣的害怕心理!!


-------------------------------------------------------------------------------------------


  講返下午茶, ........約妹妹and 她們的男朋友去食下午茶, 其實都希望大家能夠在周末時間瞓長一點!! 哈哈!!

  我真係太耐沒有試過港式茶餐廳的下午茶, 原來選擇都幾豐富!! 而且, 仲人頭湧湧添!! 相信比中午時段還要多人!!  平時, 上襯媽咪屋企, 多數都係飲茶, 食港式下午茶, 實在好少!!!

↓我們的下午茶 (餐飲, 海南雞飯, 酥皮蚶肉意粉, 黑芝麻吐司)



↓茄汁雞扒蛋飯, and 黑椒雙扒飯
 


    食完下午茶, 我們腳痕痕, 便一大班人走去ikea倒亂!! ....其實, 是三妹男朋友需要幫他爸爸購買一點物品, 所以, 先有念頭去行ikea!!  而且,   三妹男朋友就搬屋, 所以, 趁機去望下一點家具!!

    雖然, 我同啲妹係年齡方面相差一大截, 但我哋其實都傻傻哋, 好簡單嘅野都玩一餐!! Ikea 咁多家私, 真係每樣都玩下去掂下, 好似當自己屋企咁!!... 係就係有少少倒亂, 但就好好玩!!

     而今次, 我去Ikea 係無目的, 但我同Brian 竟然看"中"了一個電視櫃, 但我同Brian 又無即時"好想買嘅感覺", 因為, 我哋現在係租屋居住, 真係想, 真真正正擁有自己屋, 先想大興土木, 佈置自己屋企!! 其實, ....我喜歡去Ikea, 感覺Ikea 擺切好舒服!! 我以前都有諗過,....如果, Ikea其中啲家私and 裝飾擺切, 可以搬黎我自己屋企就好喇!! 哈哈!!....... 但現在都係唔係時候!! 到時真係有自己地方先算!!  

    但去到Ikea, 我竟買了一張深棕色小臺仔, 這小臺仔是放在我床邊, 好讓我臨瞓前閱讀使用!!!

↓我哋當自己屋企周處坐.....仲有我喜愛的電話櫃


↓三妹男朋友喜愛的屋企格局


   在Ikea 途中, 聽三妹男朋友話, 早論試咗一隻好特別嘅雪糕, 例如, 檸檬雪糕, 係成個真正檸檬裝住啲檸檬雪糕!! 蘋果雪糕,...就係用真正蘋果裝住蘋果雪糕!! 而且, 個蘋果還能食埋!! 聽落去好得意, 去完Ikea 便去食這種特別雪糕!!! 

   這種特別雪糕, 味道選擇唔算太多!! 但每種味道都唔錯!! 而且, 又幾特色!! 下次有機會再食!

↓我哋試了...檸檬, 橙, 椰子, 芒果 and 蘋果味道嘅雪糕



   依一日, 由下午茶起, 便去了許多地方, 其實當中坐了好耐車才到達目的地, 大家玩到晚餐時間, 都希望返屋企休息了!! 雖然, 大家短聚, 但感覺這日玩得好充實!!


Summer BBQ Party @June09'

June 27, 2009 (Saturday)

    依個星期六真係玩得好顛!! 一起身就係好似食同玩!! 可能黎緊係返兩日工, 就放一日假---加拿大國慶!! 所以, 個心比較輕鬆啲!!


   一起身就同Brian去嘆咗個露天茶座嘅下午茶, 順便去行下Mall, 又咁好彩, 行行Mall有starbucks 人員派免費飲品, 個咖啡哥哥仲同我好好傾, 派咗張starbucks coupons 比我同Brian添!!哈哈!!

↓中午露天茶座食下午茶


  到黃昏, 開始準備bbq !!! 由於, 我大廈個bbq 場係大眾便用, 無得book定位!! 所以, 一早就要親身落bbq 場霸定位, 好讓阿妹黎到時, 有位坐, 有位食....哈哈!! 幸好一切順利,  大家玩bbq玩得好開心!!
  有時, 覺bbq 只係一個籍口, 同阿妹and 阿妹男朋友group埋一齊, 你一句我一句, 笑餐飽,講餐飽, 時間唔經唔覺就咁過!!好享受!!

↓BBQ 時間開始喇



   玩完bbq 仲唔夠喉, 我們還走了出街, 話就話買珍珠奶茶下喉, 但我哋就周街影相, 影廚窗裝飾, 什麼廚窗裝飾都玩了一倫!! 哈哈!! 最後, 回家玩啤牌, 玩到半夜2am先收手!!


  時常, 覺同阿妹or 阿妹啲男朋友一齊,就好自然有話題, 好自然就有好多笑料! 就算玩少少好簡單嘅野, 都會好開心!!好回味! 

↓去買Bubble tea 又影相 and 周街同廚窗影相.(還扮廚窗啲神態...haha)



↓藍天白雲, 似唔似去咗"加勒比海"??哈哈!!.....又係廚窗裝飾