June 30, 2009 (Tuesday)
國慶假喇!! 令令丁丁係一個星期個中間放一日!! 是但喇!! 有假放好過無!! June 30, 一放工就去咗行商場, 幫襯支好好味嘅雪條, 之後, 就出街食dinner.....原本想去食上海野, 點知間上海食鋪內部裝飾, 所以, 轉第二度食.... 但又比我哋唔打唔撞, 試到間幾特別嘅韓國餐店!! 環境都幾舒服架!! 價錢都ok!! 第時"痴"咗條韓國癮都可以去食!!哈哈!!
通常, 放返工, 知道第二日係假期, 個心情係會特別放鬆, 特別精神架!! 所以, 食完韓國dinner 之後, 我哋還走去咖啡店飲下野! 消磨時間!! 哈哈!!
↓韓國飯店
↓我們影相就是這樣, 你一張, 我一張....哈哈
--------------------------------------------------------------------------------
July 1, 2009 (Wednesday)
原本係國慶日, 約啲妹and 佢哋啲男朋友, 去公園picnic and 踏單車架!! 但國慶前一晚, 天文台講到國慶日啲雷雨, 好似好大.....所以, 我哋扭夜取消咗, 去公園picnic 個節目!! 各有各囉!! 點知, 國慶個日一滴雨都無!! 仲陽光普照!! 我都唔知幾想個天落雨, 等我取消個picnic 都有意義吖嗎!!
最後, 我同Brian 係國慶日, 去咗唯一開門營業嘅商場行街街! 由於, 係國慶日,沿途有唔少國慶慶典, 有街頭表演, 街頭小食......仲有人派加拿大國旗添!! 我也攞了支國旗陪我周街行!!哈哈!!
↓國慶日, 街頭啲熱鬧場面! 
↓國慶日, 還在電視見到操例隊.....
而依排正直係啲鋪頭進行大減價!! 真係咩都減!! 所以, 商場人頭湧湧!! 雖則話減價, 我又真係無野有興趣想買....... 但就特別留意多啲男裝!! 因為, Brian 要打Golf了, 就置多幾件運動衣黎跟換喇!! 可能, 商場實在太多人喇!! 行無幾耐, 去了食沙律 and 三文治休息下!! 簡簡單單過了一個國慶日!!
↓行商場時, 見到Brian 喜歡啲電器poster, 我迫他同poster 影相!! 哈! 之後, 行去男裝部買Brian 啲衫!
↓國慶日嘅下午茶,....三文治and 沙律!!
又會加拿大國慶同香港回歸假係同一日, 所以大家都有假放呢...嘻嘻....
ReplyDelete你呢日好早食咩? 間餐廳無人既? 你哋叫完SET, 仲有小食呀, 咁多, 我實食唔晒啦~
香港回歸就有好多人遊行, 反而無呢D街頭表演節目呢....所以我都無咩地方好想去...
[版主回覆07/15/2009 13:39:00]細細粒: ~咁岩, 回歸同加拿大國慶係同一日!! 我放假時, 你又有得放!! 大家齊齊放!! 哈哈! ~餐韓國晚餐, 大概八點鐘食!! 我一入去無耐, 張張臺都埋緊單就真!! 哈哈!! 所以, 我趁機比我影到個餐廳環境!! ~而通常食韓國餐, 都會大把餐前小食架!! 講真, 食埋啲小食, 真係幾飽架!! 哈哈!! ~現在, 我覺香港回歸日, 好像變咗遊行日咁, 每年回歸,香港啲人都上街表示不滿!!! ......不過, 我依邊國慶日, 所有商鋪都會關門!! 係得一個商場開門營業(比遊客行)!! 但街頭就有唔少熱鬧灘檔!! 都幾特別!!
同中國國慶規模差唔多啦!~
ReplyDelete[版主回覆07/15/2009 13:39:00]小威威: ~係呀!! ~講真, 我未真正係香港渡過國慶日!! 所以, 比較唔到國慶啲規模,哈哈!!
Vicky: 唔好意思咁遲先睇你既blog,因為依家yahoo very unstable，所以我唔係成日都開得到！ 你去o個間韓國餐廳好似幾靚，而且個石頭飯好似好美味咁！ 依家個天氣就係咁架啦，你以為落雨佢就唔落，如果當日你地去野餐就係最fit啦！ 不過好彩都俾你地去到國慶既活動做補數
ReplyDelete[版主回覆08/05/2009 07:23:00]陶陶夫人 ~唔緊要架!! 你遲咗覆都ok 架!! 寫blog and 去巡blog 就係為咗relax 下!! 所以, 你唔洗迫自己覆blog 架!! 而且, 我係facebook 見到你話搬屋, 好似唔夠一年你又搬, 一定好忙!! ~間韓國餐廳, 都無打算去食架!! 但見經開, 就入去食下!! 估唔到亂打亂撞, 又食到間幾舒服and 幾抵食嘅韓國餐!! 多了個聚腳地!! ~可能, 我依邊超多韓國移民, 所以, 做韓國餐店啲競爭都幾大, 餐廳裝飾方面, 需要舒服才吸引到人流!! ~係囉!! 現在,啲天氣有點兒奇怪架!! 今年,我哋依邊個夏天已經唔太熱, 而且, 天文台預測落雨, 個天又落唔出雨!! 但唔緊要喇!! 今年, 夏天唔太熱, 已經係bouns黎架喇!! 哈哈!! 其實國慶日,好多地方都close 架!! 啲人聚集係downtown...所以, 慶祝國慶活動都聚集係downtown, 整到downtown 好多人, 更加熱鬧!!