June 3, 2009 (Wednesday)
一早請了假, 帶了TT 仔仔去車行 check 啲野!! 人要保養, 車都要架嗎!! 其實, check TT 仔仔個過程好快, 但只有閒日, 啲車行啲人先有時間, 所以, 就係閒日去check !!! 順便同Brian 係閒日有個Break.....輕鬆下!!!
現在, 車行裝飾好別緻, 除有新車睇, 仲有個cafe 比人在等車時,休息用, 個cafe茶水,咖啡任飲 ......哈哈!! 其實, 依啲cafe 仲有 電視, 電腦比人睇下and 玩下! 咁等架車保養時, 我哋都可以偷閒一陣. 我趁機靜靜坐在一張好舒服嘅梳化, 一邊飲熱茶, 一邊看新出嘅雜誌添!!..... 哈哈!!
↓Auto Cafe
TT仔仔好乖, 好合作, 話咁快就保養完!!! 之後, 就同Brian 出外食個lunch......簡簡單單坐係快餐店, 享受一個漢堡餐!!! 而我去快餐店, 唔係為漢堡包, 我係因為喜歡食連薯皮炸嘅薯條, .....好香好好味!!
而且, 閒日出外進餐, 唔似得weekend 咁多人, 喜歡在快餐店邊個各落坐, 也可以.......所以, 我慢慢食, 享受了好耐...哈哈!!
↓South St. Burger. Co, 又有burger 又有我喜歡啲薯條..岩晒我同Brian 去!!
食完一個漫長lunch, 再去鄰近的shopping mall 行街, 當做下運動.....閒日時間, 真美好, 連車位都多過人....喜歡迫邊都得, 唔洗等!!!
↓由於, 閒日商場無咩人, 同TT 仔仔 and 自己影下相!! 哈哈!!
到dinner, 便求其蒸食粽!!仲一邊欣賞ice-hockey....因ice-hockey就係到final 喇!!好緊張...哈哈!!
↓晚餐食粽 and 睇ice-hockey 球賽
我都好鐘意食 burger....
ReplyDelete[版主回覆06/12/2009 10:31:00]心樂: 我一時時喜歡Burger, 肚餓就特別想食囉!! 哈哈!! 但喜歡食有皮薯條!!
oh... a relax day la.!!!!
ReplyDelete[版主回覆06/12/2009 10:36:00]表叔公: 係呀!! 閒日周圍去, 當然係relax喇!! 但閒日放假, 個心情馬馬, 因為知道第二日實有大把野做!! 有時,令願做埋先放!! 哈哈!!
你哋特登請假去CHECK車架? 不過你哋都應該幾多假期呵~我聽個朋友, 佢老公有3 weeks假期, 好多呀~~~
ReplyDelete你一講ice-hockey, 又會諗番你喺外國, 否則成日都以為喺香港咁.....哈哈~~~
[版主回覆06/12/2009 10:39:00]細細粒: ~假期日子, 係計工作嘅年資架!! 如果在公司工作了一段長時間!! 咁啲假期就會堆積多啲!!! 但至頂都係三星期!!! 但我就無喇!! 我都十幾日咋!! 仲唔可以一齊攞架!! 如果連住公眾假期攞日子放假係需要申請架!! 所以, 唔係個個係外國打工, 都會咁"梳附". ~無計, weekend 又要返我媽咪度, 自己又要買日常用品, 係加拿大無車係非常唔方便架!! 而且, 車行係周末時間,排得密麻麻, 要好遲先book 到!! 想快啲攪掂, 謂有請假!!