April 27,2013 (Saturday)
而家互聯網普及. 真係唔出街. 隔離條村, 開新鋪, 都有人會知.
就係因為互聯網, 三妹男朋友, 知我家附近開了間----日式鐵板燒居酒屋. (鐵板燒Izakaya)
三妹和三妹男朋友, 便馬上, 上網找我和Brian, 星期六夜晚, 一齊去食.
其實, 三妹男朋友約飯局, 都有另一個目的. 因為我將會定居溫哥華, 我其中一架車, 打算不帶去溫哥華. 所以, 三妹男朋友順便來看看, 那架車. 因三妹男朋友想接手!!
都唔知點解, 在這件上, 三妹男朋友會咁擁躍. 我原本計畫, 是想把我的座架, 賣給相熟車行, 便算. 而家, 賣給熟人. 好像多了點工序處理.
唔理太多, 船頭橋頭自然直, 食返餐好,先再想.......
晚餐, 就係去咗, 鐵板燒居酒屋食, 依間鋪頭, 係日本開過黎多倫多. 全店是日本人經營. 店內主打, 用鐵版上菜. 啲食物係鐵板上熱辣辣, 送上檯. 食物夠熱辣辣之餘, 又野味. 真係送啤酒一流.
但好可能, 我哋第一次去鐵板燒居酒屋, 唔太識叫, 我哋叫了很多, 鐵板以外的菜式. 攪到試得兩樣鐵版菜咋!! 下次去食, 會醒啲. 因為啲鐵板菜, 好食好多.
↓去居酒屋, 當然第一件事, 就係叫返榨啤酒. ........鐵版燒居酒屋內裡嘅格局,場內好多日本男人
↓前菜: 魷魚芥末沙律和超辣炸雞翼
↓串燒 (其實, 我哋四個人, 都叫了很多串燒, 但啲串燒唔係一次過上, 係逐條上, 整到成檯都係蝶. 哈哈~)
↓主打: 鐵板燒 (一個係燒肉鐵版燒, 底部係soba 麵), 還有燒雞鐵版燒 (兩樣都好味)
↓麵豉醬肉碎薯條 ............ 燒肉湯烏冬(依個不錯)
↓最後, 食咗個芝士咖哩雞球飯. 仲有同我和三妹的合照
食完晚飯, 三妹和三妹男朋友上咗去我屋企坐. 仲送咗上次去旅行啲手信比我. 其實, 個手信係岩Brian 多啲. 因為係電腦野. 我依方面, 零知識咁濟!!
Brian 一開盒手信, 就即刻識用.
↓三妹和她男朋友去旅行時, 買咗依盒關於電腦和電視的零件當手件送比我&Brian, Brian 好容易就識用.
-------------------------------------------------------------------------------------------------------
而這個周末,其他時間, 我哋都係去教堂, 去超級市場, 食下野和開洗衣機兼抹下屋企啲塵.
其實, 有時周末話休息下. 但勞動活動, 仲多過平時. 哈哈~~
↓周末兩餐Breakfast, 一餐係屋企食, 一餐落樓下咖啡店食Panini 三文治, (但因落樓下間咖啡店食, 撞到好多大廈啲人. 傾計仲耐過食!!)
↓下午茶, 食咗 "暖Brownie配雪糕". 還有食咗超級市場裡頭啲蟹柳壽司
↓晚餐, Brian 煮了栗子雞丁和香蔥蠟腸冬菇蒸雞.
