Vicky 在溫生活: May 2015

維多利亞長周末---美國遊

May 17,2015 (Sunday)

見長周末公眾假期. 就去美國行下.

其實, 去美國.

我唔係貪啲名勝古跡. (我邊有, 咁有文化吖!!)

我好坦白, 我去美國, 純粹去shopping. 因為美國普通一間鋪頭, 所出售嘅貨品, 都便宜過加拿大好多!!

居住加拿大耐嘅人, 就會明白我嘅說法!!

難得, 我隔離嗰個, 又有shopping 癮!! 那就起行吧!!

溫哥華去西雅圖, 大概兩小時車......真係劇都煲唔到兩集. 就到達啦!!

↓我同Brian 好懶渣車, 所以, 坐過境巴士去美國. 其實, 如果自己渣, 入油費同巴士費, 都是差唔多價錢. 咁我選擇舒服啲, 坐巴士去美國, 唔洗傷神嗎!!......巴士直達Seattle premium outlets. 好Happy! 一落車, 就shop 得!!

↓我同Brian 好crazy, 真係shop 咗好多!! 但最Happy 見到pink Le creuset. 引唔住係Pink Le creuset 產品前, 影張相!!

↓當日, 真係掛住shop, 食嘢都好求其, 以快餐為主!! 依家, 去到美國, 食快餐地方, 都佈滿中文字廣告(第二張相, 粉紅圈圈住)

↓我同Brian 好有腳骨力, 由朝早10am 到達美國, 行到6pm. 即係個商場close, 先坐過境巴士離開. 所以, 今次收獲唔少!! 其實, 再想買多啲, 但好怕返加拿大時, 要打重稅!! 但最Happy 買到粉紅色Le creuset

↓當日, 返到黎加拿大, 都8:30pm, 約埋Brian 父母食埋晚飯, 先返歸. 簡簡單單去咗食湯粉!

↓嘩吓!! 返到歸, 揭開啲購物紙袋, 都用咗好耐時間先完成!! 哈~

維多利亞長周末---美酒佳餚

May 16,2015 (Saturday)

放公眾假期, 當然是約朋友出街食飯嘅好時機.

那就黎一個美酒佳餚宴. 哈哈~

係宴席裡, 嘻嘻哈哈. 享受不同食物配塔, 不同嘅酒.

又可能, 飲了一點, 情緒放鬆了.

座席裡, 每一個人也變得幽默起來, 好好笑, 好好玩

但

未出席, 這個美酒佳餚前, 當朋友約我去這場飯局時, 我係有點「唔想去參與」嘅意思.

我都唔知點解, 我為人會開始越越被動.

知道有公眾假期, 就只是打算自己嘅事.

但我打算自己嘅事, 通常都係打算自己, 係公眾假期裡, 可以瞓幾耐.

好似好無料.......為咗瞓, 唔出街.

但好彩, Brian 還是活躍. 如果, 唔係Brian 帶領.

我都享受唔到咁嘻哈嘅美酒佳餚!

↓去咗食中餐, 依家加拿大啲中餐裝修, 都唔太馬夫. 一坐低, 就即刻品酒

↓這天的酒.....大晒冷.

↓首先食咗魚片帶子荷蘭豆. 之後, 食咗燒鴨(好好送酒), 仲食咗蠟味煲仔飯. (個煲仔飯無上鏡, 但啲煲仔飯啲蠟味, 就一大蝶)

↓薄荷醬汁炒雞 (好惹味), 還有蒜蓉豆豉蒸魚, 啲魚起晒骨. 而且, 有蠟燭係蝶抵, 成蝶餸, 時時刻刻都係熱辣辣.

↓普寧豆豉炒唐生菜 (味道好夾, 啲菜又炒得爽翠), 最後, 用上湯攪飯焦食

↓甜品時間, 古法馬拉糕, 還有紅豆沙

維多利亞長周末--掃街

May 16,2015 (Saturday)

這個長周末, 極之期待.

因為這個長周末, 可以真正地, 由星期六,星期日, 放到星期一. (星期一, 是加拿大維多利亞公眾假期)

所以, 在星期五, 放工時, 息公司部電腦個一刻. 真是....有說不出嘅快樂....因為打後三日, 都可以放假了.

放假開始........第一個節目, 就是同咗Brian 去「掃街」.

我們「掃街」嘅意思, 係喺一條街裡面, 食完一間, 就過馬路, 食第二間, 之後, 再不斷係同一條街內, 掃落去其他鋪頭, 食, 食,食.....不斷落下, 食到飽為止. 哈哈~~

不過, 而家嘅我, 已經無以前嘅食量. 我都係掃得幾間鋪頭, 已經夠啦!! (比以前水皮咗)

但掃街, 個感覺好好玩 .......好似幫襯街邊嘅唔同小販買嘢食咁. 未食完手上嘅食物, 已經有另一個目標了. 哈哈~~

↓首先, 去咗食pizza, 好美味嘅多料pizza. 之後, 再去第二間pizza 店, 再食pizza (第二間pizza, 啲皮薄一啲, 但我喜歡薄皮pizza的)

↓掃完Pizza, 啲咸味食物, 下一站, 當然掃甜食, 走咗pizza 店嘅對面馬路, 掃雪糕. 這間Rain or Shine 雪糕店, 係加拿大人, 自己創辦, 採用加拿大本地食材做雪糕, 而家, 依間雪糕店, 係溫哥華做到要開分店, 都做唔切. 因太多人幫襯啦!! 今次食咗羅索松子雪糕, 黑醋藍莓雪糕, 咸焦糖雪糕. 我食足三球雪糕. 因我搶住食.

↓之後, 再去嘆杯飲品, 順便晒下太陽. 最後, 掃埋麥當當, 黎個下午茶, 凍咖啡, 芒果冰, 蘋果批, 還有小型雞肉漢堡包.

↓掃街時, 經過一間賣賀卡店, 啲賀卡好別緻, 買了數張!

Mother's day

May 10,2015 (Sunday)
每年五月, 都是母親節!!

母親節前, Brian 媽, 已經大大聲要求, 食pancake.

原來只是渴求pancake. 那就容易, 母親節當天, 去一間西餐廳, 食一個brunch.

西餐廳,實有pancake 供應的, 那問題就解決了.

由於Brian 媽, 太耐無食過pancake. 所以, 她講到一樣好平凡嘅pancake, 好似驚為天人嘅美食咁.

母親節, 做媽媽的, 開心就得.

↓母親節lunch, 去了一間西餐廳, 環境舒服, 首先每人一杯飲品(我個杯是花生朱古力奶昔, Brian 飲可樂)

↓這蝶pancake, 比Brian 媽形容到, 好似驚為天人嘅美食咁, 其實, Brian 媽太耐無食pancake, 所以, 見到pancake, 開心到不得了!! Pancake 餐, 跟埋早餐嘅食物!

↓母親節午餐, 我食咗鐵版餐(馬鈴薯, 蛋, 芝士+ 香腸), Brian 食咗奄例三文治

------------------------------------------------------------------

入夜, 幾個family 一齊食晚飯. 慶祝母親節.

當中, 有幾位媽咪級嘅女士.

而啲媽咪圍埋一齊, 通常都會講啲仔女, 包括, 升學 or 在職情況.........

但Brian 屋企啲朋友, 比我以往接觸啲人.是有點不同.

Brian 屋企個邊嘅朋友, 全是貴族學校出身.

其實, 我一直都唔太介意, 人家是什麼出身, 只要人品好. 那就ok.

但這班媽媽在言談中, 對公校 (政府教學)有點誤解.

這班媽媽, 認為在公校就讀, 就容易學壞, 人壞了, 就很難升上大學. 之如此類嘅負面行為, 全是公校學生所為.

但這班媽媽, 有否想過座上客裡面, 有一位人, 由細到大都是公校出身的人.

我聽到她們形容公校讀書的人, 真的不是味兒. 公校讀書, 有何問題??

這天我選擇, 不作聲, 因為我知我無論點樣說, 這班媽媽, 都是圍着她們嘅意見/角度, 去看一件事.

但一個小孩, 還未進入社會, 已經灌輸/接收, 等級觀念. 那何必呢!!

不過, 無論係點, 做媽媽, 確實很偉大. 母親節, 就比這班媽媽揚一揚, 她們甚樣陪養, 她們自己孩子嘅情況吧!!

↓母親節晚餐, 食中餐, 飲了杏汁豬肺湯(好清甜), 頭盤象拔蚌及香蔥炸蠔

↓母親節晚餐, 還食了炸雞, 伊麵龍蝦, 鐵版牛肉

↓還食咗蒸魚, 其實仲有好多餸菜, 但人多,就無逐一影, 糖水係紅豆沙

星期日

May 3, 2015 (Sunday)

現在, 一星期裡面, 最free嗰一日. 就是星期日. 因此, 所有節目, 塞晒係依一日進行.

而這一排嘅星期日. 個天氣都好美好. 陽光普照, 但當中帶點微風. 真是好舒服.

通常星期日, 出到街, 第一件事, 就是同Brian 嘆一個陽光下的早餐!!

↓依間餐廳第一次幫襯, 環境舒服, 食物都唔錯!! 我件芝士甜洋蔥雞肉三文治, 當中啲芝士可以拉到好長先斷, 感覺好正(因為我喜歡食芝士)! 仲有杯咖啡, 好香濃... 我們仲坐係餐廳嘅露台邊食......感覺好嘆

我的星期日, 所謂嘅節目, 都離不開行街. 行商場.

我近排, 又唔知做乜, 一行襯商場, 都買到嘢.

最忍唔到手係, 見到有折頭........所以, 就一袋袋, 帶返歸!!

而今次行街, 就帶埋Brian 媽一齊去, 因為她好想shopping.

和Brian 媽, 同行時, Brian 媽都對我投數Brian 爸.

因為現在的Brian 爸越來越唔喜歡和Brian 媽行街.

而家, Brian 媽, 要等到我放假, 先有人肯陪她, 行商場.

好彩, Brian 媽好有行街精神, 行好耐, 都好落力買,買, 買, 和 , 試, 試,試.

大家, 齊齊都有收獲!

↓去商場, 我好落力, 試, 試,試.....