正常餐

July 31 (Thursday)

    其實,Brian 係cruise 一上岸, 就會blackberry messager 比我!! 係我叫Brian 唔好打長途電話比我, 最好連message or email 都唔洗比我, 我好怕依啲通訊會好貴囉! 而且, Brian 今次旅行係同佢屋企人一齊去, 我唔會驚Brian 會唔見咗!! 我令願save 返依啲$...返黎加拿大同我去食野, 去買野仲好喇!! 所以, 就算同Brian 用blackberry messager 聯絡, 我都盡量簡短回覆, 長話短說!! 唔好以為,我唔掛住Brian!! 其實, 好想Brian 陪我!! 但仲有五日..Brian 就返架喇!

      

    講返自己近況先,... 而家, 自己一個人, 我通常灘係sofa 睇電視!! 睇到肚餓, 我先食dinner, 真係食得簡簡單單食三文治就算喇!! 因為我費事洗太多碗蝶嗎! 而且, 又想續繼灘係sofa 度呢!  原來一個人霸晒成張sofa 睇電視又幾舒服!! 哈哈!!  但我有朋友見到我個blog,...見到我食素菜包都叫一餐dinner...真係嚇到我朋友 "領領頭" !! 

   其實, 我唔係唔食野, 我又唔係無心情買餸, 如果要煮幾味餸一餐都得架!! 因為雪櫃啲野食多到Brian 返黎我都未必食晒!! 但最大功夫, 只係將啲肉解凍,..然之後再煮熟, 就得!!  但我就係懶到連依啲功夫都無做到呀!! 哈哈!!

   係前幾日, 見自己有啲時間, 而且,自己又簡單到唔簡單咗好幾日, 就煮返餐啲正常晚餐比自己食!!  但一煮就手痕, 我仲連續兩日都開爐再煮啲特別野比自己食添!! 哈哈!!

↓以下係我開爐煮嘅野食!! 第一張相,有煎豬扒, 炒青瓜and 飯, 之後, 張相係肉絲炒烏冬, 由於,食咗上癮, 第二日再炒多次比自己食

↓今日,我仲整咗個茄汁蛋三文治做早餐,夜晚食一蝶青瓜壕油撈麵, 清清涼涼好好味!!

↓雖然, Brian 去咗旅行, 但我都有探TT 仔仔架!! 仲間唔中去書店行下添!!

第二次blog 友約會

July 30 (Wednesday)

      一個月裡面, 我就已經有第二次blog 友約會喇!! 如果比Brian 知, 我又同blog 友食lunch, 一定又話我勇敢架喇!! 哈哈!!  今次, 係約咗blog 友, Kitty 去食lunch...我哋其實都居住係同一區, 而且, 工作地點也是同一區架!! 最好笑係, 我哋大家都成個"c9" 咁, 最喜歡講市面上有咩平野賣 or 留意市面上嘅贈品 !! 我哋兩個完全唔介意, "c9" 依個舉動添!!  做格價"c9" 真係一啲都唔容易架!! 哈哈!!
 
       其實, 今日, 一朝早就落好大雨...落到嚇親我, 好彩lunch time 又停咗雨, 仲出太陽!! 所以, 依個約會好順利!! 唔洗膽傘咁"倫盡"!! 

       依次blog 友約會無上一次咁緊張... 可能係第二次喇!! 哈哈!! 今次, 我哋約會地點, 係公司附近間chinese 樓上鋪食點心!! 我差啲忘記有依間chinese 食店, 我曾幾何時, 都同Brian 黎過依間chinese 食店一次!!! 係Kitty 提起, 我先記起這間chinese食店原來係我左右!!    ...我一見到Kitty我就認得佢喇!!  我哋離遠見到大家, 都已經打晒招乎!!  ...我覺Kitty 真人仲瘦過上鏡好多呀!! 份人好nice, 同埋我覺她好爽朗, 為人好親切! 我哋成餐lunch 就係咁傾, 係咁食添!!哈哈!! 真係好開心!!  而且, Kitty 仲好細心, 知我喜歡空氣清新濟, 當然為我準備空氣清新濟作我見面禮物喇!! 仲有一大堆好有用coupons 比我!!! 真係好實用呀!! 多謝晒!!  而且, 仲令我平凡嘅lunch 變得精彩!!

      我從來都無想過!!係blog 可以識到朋友!! 好似今次, Brian 去咗旅行, 個個blog 友都爭相同我係網上傾計, 我知個個blog 友好關心我自己一個人生活會唔會唔慣!! 也怕我太掛念Brian...自己一個人係屋企會悶, 係屋企發毛!!  其實, 真係好榮幸認識到你哋, 原來, 寫blog 都可以有咁美麗嘅收獲!!

↓第一副相, 我and Kitty...其實Kitty 年記都係大我三妹一年!!! 我仲比Kitty 叫我做姐姐添!! 哈哈!! .第二張相...係我哋 lunch 嘅食物!! 對"V" 手係Kitty 架!!

↓Kitty 為我準備的見面禮物...全部都好實用呀!! Thanks, Kitty!! 如果有免費贈品or 有野平,我哋會互相通知架喇!!

換言一新

July 23 (Wednesday)

       講返星期二先...我成日都發覺自己部電話成日都無電!! 我依排都只係check email...都會咁快用晒啲電!?  後尾我先發覺原來個charger

 

係差唔到電架, 個charger傻傻哋, 咁我諗住Brian 平時做開電話買賣, 屋企實有一個extra charger 架喇!! 點知都揾唔到...所以,咪走出街去買囉! 買charger 條路都唔係好遠, ...但就經歷咗落大雷雨

and  一個好晒嘅大太陽

囉.....依個買charger 之旅..真係攰死我喇!!

           

       返到屋企, 見到自己屋企度門, 唔同咗喎!! 原來, 係整咗個銀色kick plate 喇! 早倫都收到大廈通告話要整架喇!! 今日到我依層整喇!! 度門係咪美觀咗啲呢?? 其實, 我都唔知依塊kick plate 有咩用途?? 大廈話要加個kick plate ...咪有得佢加囉!! 講真, 我座大廈年年都話有工程

整架喇!!  整個陣時, 我成日都覺好唔方便架!! 又唔可以用"里"又唔可以用"露", 但每次工程完結, 我又覺好正喎!! 因為攪到座大廈又新晒!! 好有美感!! 今年大廈話要換晒所有啲門, 我聽師兄講 (大廈委員會啲人), 話會有度門, 唔洗用手都開到, 就算隻手攞住幾袋超市袋, 只要身上有密碼卡就會自動開關門...講到好似好高科技咁, 夏天完結時, 工程就完成...到時等我試下喇!!

 我家度門...嘅之前and 之後, 係多野塊kick plate囉!

     係blog 度識咗個同區居住 and 同區工作嘅blog 友!! 她好好人架!! 返工又同我msn, 放咗工又msn 我, 可能真係怕Brian 唔係我身邊, 會悶喇!! 就係依個blog 友話我知, 話某大商場

有免費贈品送, 我咪走去攞囉! 係人都攞....我又唔執輸先...哈!  攞完贈品之後, 自己順便行一行商場囉!! 周圍鞏下... 點知行行商場有人派Granola bars...係人經過都有. 多數係想宣傳喇!! ...真係估唔到, 行唔夠一個鐘頭商場, 銀包都無開, 就可以成袋贈品攞返屋企!! 哈哈!!

 藍色個袋係女性用品黎架!! 所以, 影個紙袋算喇!! 另外張相, 就係行行下商場啲公司宣傳嘅贈品 and coupons 囉!!

**好多謝好多平時較少上網嘅朋友and blog 友(你哋自己知邊個,我唔講名喇!), 大家都知Brian 去咗旅行, 我可能會悶, 所以, 會上網陪我, 特登留多啲言比我, 你哋真係對我好好呀!!

自己耍樂

July 21 (Monday)
   Brian 去咗旅行之後, 就成日都落雨, 仲要行雷閃電嘅雨添!! 都唔知係咪個天係度考驗緊我, 自己一個生活得唔得!!...哈哈!! 其實, 我都無話一個人生活唔慣....我以前未識Brian 都係一個人住架喇!!  但同Brian 生活咗咁耐, 唔多唔少都唔捨得Brian 去旅行咁多日!


  係星期日July 20,我好似平時一樣一起身就落街買報紙, 見出開街行就...行埋書店...行埋超市...自己一個周圍望, 周圍睇!! 又買咗啲野比自己, ...返到屋企又煲台劇, 煲到食晚飯時間都唔知添!! 又自己上下網, 咁就一日喇!! 自己一個都唔係好難渡過!! 但就無人同我傾計囉!! 哈! 好彩, 有啲朋友知我一個...專登上msn 同我傾計...感覺我身邊都好多人關懷我! Thanks.

我就係買咗本雪糕書比自己...因為我最喜歡食雪糕, 無理由自己個書櫃無雪糕書㗎!!所以, 見到有用雪糕書食譜書就即買

自己一個食dinner, 真係一切從簡, 其實Brian 買咗好多野放入雪櫃, 我蒸熱 or 煮熱就食得!! 見有frozen 素菜包,就蒸黎做dinner, 加個罐頭湯就一餐

Dinner for four

July 19 (Saturday)
      依排咪就係Brian's parents 黎咗多倫多囉!!其實, Auntie and Uncle 今次黎多倫多都係因為要去多倫多探病, 之後, 就順便會合埋Brian, 係July 19 一齊坐飛機上遊輪玩...我由July 17起, 一dinner 時段就同Brian's parents 食!! 仲食到好夜添!! 食完都差唔多瞓得, 又要幫一幫Brian 執啲去旅行啲行李, 所以, 我好少上網呀!

      其實, 我見Auntie and Uncle 個心情完全都好輕鬆, 以前都見過喇!! 只係怕間屋執得唔夠整齊, 而失禮咋! 好彩Uncle and Auntie 話間屋好舒服, yeah!! 而同Auntie and Uncle 食野, 我都係有野就講架! 大家有講有笑! 唔會太驅緊架, 所以, 食飯食得好開心!! Auntie and Uncle 仲同我傾咗好多計, 真係咩都講一餐!! 依幾日, 真係日日食飯都table for four, 我哋食咗一餐泰國野, 一餐西餐, 同埋一餐lunch(飲茶)!! 仲行湖邊, 周圍影相添!! 仲去埋啲遊客區, 攪到我都以為自己係遊客, 哈哈!   最好笑, 今次Auntie 見到新大廈就係咁問我啲大廈叫咩名.....好似想Brian買樓咁!! 哈哈!! 而Auntie 仲成日問我衫圍尺吋,.同埋着鞋Size.....第一日見已經問喇!! ..因為Auntie話想係歐洲睇下有無衫or 鞋係岩我... ! 嘩, 依幾日已經食Auntie and Uncle 仲可能有手信!! 哎吔唔洗喇,哈哈!!

      但我就好唔捨得Brian,  會去咁多日旅行囉!! 去旅行成17日, 咁多日唔見, 我都好耐無同Brian 分開咁長時間喇!! 見Brian 去銀行"唱" 歐元時...真係好唔想比Brian "唱"錢呀!! 不過, 我過多啲幾日心情會好啲架喇!!

↓同Auntie and uncle 食泰國野時, 我無影到相...只係食西餐果日先影食物相, 我都係影自己啲野食算喇! 費事咁外眼!! 西餐dinner, 我個頭盤食咗apple and pear salad, 主菜食rack of lamb...兩樣都好味!

↓叫waiter 影大合照.....Brian's parents, 我 and Brian囉!! 仲有紅酒and 美食

↓Uncle and Auntie and Brian 臨上飛機, 都同我去飲茶...依間飲茶地方係望到湖景架!! 湖上面仲有人玩風帆, 望住依啲環境食野, 感覺都好舒服!!

↓Brian 啲去旅行啲部分歐元,..原來,歐元好細張架!!

BBQ PARTY

July 16 (Wednesday)

      依日, 我只係專心執屋就得!!  我今日唔洗煮飯呀!!因為, 我住緊座大廈會搞bbq party

, 其實, 我依排都無咩特別煮野食, 只係食啲sandwiches

or 麵

又一餐!!! 執下屋時, 樓下有bbq party...真係要落樓下relax 下!

    

     其實, 大廈bbq party 我真係差唔多年年都去架! 有免費corn,hotdog

and burger

食, 又有汽水飲

, 而啤酒

and 紅, 白酒

"係咁二"比一兩蚊就有得飲一杯...而且, 食完又唔洗我洗碗, 我實帶Brian 落樓下食當dinner 就算架喇!! 

      

  
     我大大話話係依座大廈住咗成六,七年!! 都估唔到自己可以住咗咁耐! 當我食hotdog

時, 見到好多熟口熟 面啲住客! 有啲本來係學生一名, 但到現在已經成為咗一個上班人員

, 又見到好多以前未結婚

, 但而家連小朋友

都有埋嘅住客!! 望到依啲情景, 覺得時間過得真係快! 好似支箭咁快!!

     

     係依個bbq party 之前, 我有一日(第一次約blog 友果日), 同blog 友食完lunch, 我坐地鐵

蕃返工途中, 竟然係地鐵撞到, 我座大廈啲人!! 而且, 大家仲係地鐵坐埋隔離添!! 真係"橋", 真係估唔到自己坐依個行線地鐵都遇上大廈啲人!! 依個大廈住客係中國籍男人, 但他父母個代已經無咩講中文,  所以, 個樣係chinese, 但唔係好識講chinese! 佢係地鐵車箱係咁同我講野...其實, 我唔係太想同佢傾...我想check 電話啲email 架!! 後尾, 傾傾下先知, 大家同中學, 他係我師兄, 大我三年倒! 而我依個師兄而家係一位專業人士黎架!! ....講到最尾...原來依個男人想..........................開始展開選大廈啲業主委員會啲人!! 唔怪之得同我講咁多野喇!!! 哈哈!! 我係租客咋!! 投唔投得票都成問題喇!! 哈!! 不過, 他知我係租客都繼續傾!! ...成程車, 就係佢依把聲陪我!! 哈哈!! 又比我知道大廈未來發展!! 而且, 坐車唔洗太悶...哈哈!

        

    係bbq party 當然, 見到我師兄喇!! 他做bbq man 燒burger

...燒得幾落力呀!! 我帶晒太陽眼鏡, 個師兄都認得我...對住個爐都可以同人傾到兩句...真係好熱心為住客喎!!哈!  我咪話比Brian 知, 好落力燒burger 個哥哥, 就係同我坐地鐵, 講---大廈未來要點發展啲乜or 維修啲乜個哥哥囉!!! 哈哈!

         

    依個bbq party 總算開心, 都幾好玩吖!!見到好多人!! 有啲住客好nice, 又打下招乎,傾下計, 又話請我食野!! 雖然,唔知係咪真定假...但聽到都係開心!!...係依個bbq party,  啲野食係源源不絕供應, 你想攞返屋企食都得架!!  依日bbq party我食野仲多過Brian 添!! 哈! 又唔洗我燒, 又唔洗我洗碗,  當然份外開心喇!! 哈!

        

↓今年bbq party, 仍然係大廈後門個花園仔舉行, 但今年早咗舉辦, 以前八月尾先有, 今年可能後門...要整啲大工程, 所以, 今年bbq party 同埋啲掤架一齊舉辦喇!! 不過,仍然人生人海, 好熱鬧!

↓成五,六個bbq 爐...想食咩排隊攞就食得, 係免費架!! 大廈福利黎架!! 仲有wine 飲, 但wine and beer 就要"係咁二" 收$1-2 一杯,好抵飲

↓有live band 唱歌架!! 但我無影, 影咗啲細路食野, 同埋同個好好人嘅外國女人影相, 依個女人好nice架!! 一搬黎依座大廈就識!! ....而我同Brian 都食咗唔少野!!但好似我食多啲 , 哈哈!!