星期日我嘅指定動作, 就係起身買報紙
! 哈哈!! 由於買報紙鋪頭兩點鐘到就close, 所以, 我星期日都唔會瞓到好晏, 怕遲咗買報紙,連報紙都買晒!! 哈哈!!買完newspaper 就煮個brunch 食, 整個餐蛋治
咋, 一邊睇報紙一邊食!! 非常簡單咋!! 而係星期日, 我多數都係無事忙, 抹下
廚房, 洗下野咁囉!! 就係咁喺屋企tun 黎tun 去囉!! 哈哈!! 到成五點...先同Brian 出下街, 順便去超市
買啲 weekday 餸返屋企!! 一次過買晒,唔洗weekday 煩食咩!! 哈哈!! 我入到超市, 見到有盒雪糕係叫做yogurt 雪糕, 又無咁多卡路里!!! 就買返屋企食, 啲yogurt 雪糕又真係幾好食喎!!! 哈哈!! 嘩!! 而家食雪糕
都可以食得健康啲!!! 今日,係超市仲買咗好多生果返屋企添!!! 因為bbq 多!! 真係要食返多啲生果
潤下!!!↓依筒藍色雪糕... 係Fudge brownie yogourt 雪糕, 好少卡路里 and 脂肪!!但味道都幾好食架!! 食雪糕都可以食得健康,哈哈!! 0
係星期日夜晚,我哋又bbq 喇! 我又唔洗入廚房, 等Brian 燒野食就得, 哈哈!!! 而今次, Brian 仲燒埋牛扒
↓第一張相,係bbq 之前嘅準備!! ....黃色個蝶係我bbq dinner ....
↓Brian 燒咗件大大牛扒比自己, 佢話好juicy 呀!! 食完bbq 就飲杯即沖夏桑菊0
你塊牛扒烤得好靚, 仲有格仔紋添, 真係好想食呀!!
ReplyDelete[版主回覆04/26/2008 05:34:00]Bの家: ~ 買依個燒烤爐, 就好想整到啲野食有格仔紋, 因為有格仔紋先似, 出街食野嘅感覺!! 哈哈!! ~ 係呀! 我男朋友都話塊牛扒好好食, 好juicy!! 由於我唔食牛架!! 所以, 唔知塊牛扒好唔好味, 但見我男朋友好似好享受件牛扒囉! 哈哈!!
咦...你嗰度買三文魚貴唔貴架....香港呢個size同我之前買既都差不多大, 外賣店賣7x-9x到......我超鍾意食生三文魚, 反而燒咗就無咁好食喇~~~~
ReplyDelete星期日你哋真係過得好簡單, 睇嚟我哋生活模式越來越似喇.........哈哈~~~~
牛扒燒得真係唔錯喎....見brian手勢幾好, 我真係等唔到raymond燒畀我食呢....哈哈~~~
雖然係即沖涼茶, 不過好過無啦.....清吓熱氣都好架
[版主回覆04/26/2008 05:52:00]細細粒: ~ 你話"反而燒三文魚無咁好食"!!! 你係咪好喜歡食三文魚刺身呢??我依個size 嘅三文魚價值$4 cdn (即係$32 hkd), 你講啲三文魚, 係咪已經切開一件件嘅三文魚刺身呀?? 人哋幫你切埋一定貴啲喇!! 而我係一個好喜歡食魚嘅人, 有魚食會唔開心, 無論係刺身,定係熟嘅魚,都好喜歡食!! ~ 我唔食牛肉架!! 就算Brian 燒牛扒燒到幾好食, 我都唔食架!! 你主動叫Raymond 燒牛扒你食喇! 有時你唔表態, 男士真係咩都唔知架!! 男士係某程度真係唔夠細心架!!好似我咁, 成日"柳"Brian 陪我落樓下燒野食!! "柳柳"下, 咪買咗個燒烤爐返黎囉!! 哈哈! ~ 我有好多涼茶係即沖架!! 係媽咪比我架!! 因為我媽咪知我係中藥白痴, 所以,係香港見到有啲即刻涼茶都會買返黎比我!! 有啲中藥, 我媽咪會叫啲藥材鋪磨粉, 方便我即沖就飲得!!話時話, 涼茶真係好清熱氣架!!好work
有report話即沖夏桑菊D糖份好高ka~小心小心
ReplyDelete[版主回覆04/26/2008 05:55:00]天使BB: 原來係咁呀!! 我都要小心啲先!! 唔該你呀!!
件牛扒真係好正甘窩...你唔食牛就蝕底晒喇...哈哈
ReplyDelete[版主回覆04/26/2008 06:01:00]睛天娃娃: ~ Brian 都有睇我個blog 架嗎!! 他見到你講 "你唔食牛就蝕底晒喇" 依一句, 他都笑一笑呀!! 哈哈!! 他食牛扒時會係我面前show 到好好食架!! 好似想吸引我食牛咁!! 哈哈!! ~ 不過, 依個grildder 因為夠熱, 所以, 啲牛肉燒得好juicy!! Brian 仲一邊食一邊讚自己燒牛扒好食添!! 哈哈!!
BBQ is really convenient, much less work to do! But you've got an indoor bbq? Because it's still a bit too cold for BBQ outdoor, no?
ReplyDelete[版主回覆04/26/2008 06:11:00]fatgarfield: ~ bbq 我直情開心喇!! 因為Brian好喜歡做bbq man, 我真係坐係度等食咋!! 哈哈!! ~ 其實, 我住緊個地方係無露台架!! 所以,點都唔可能係outdoor bbq 囉!! 我哋依排啲天氣出奇地好, 好到好似夏天咁!! 哈哈!! 見到啲天氣開始暖就好想bbq 喇!!
舊牛扒燒得好靚呀! BBQ得多，真係要飲番d野潤下!
ReplyDelete[版主回覆04/26/2008 07:53:00]Mui: ~ 你上次同香蕉仔燒野食, 你哋燒啲牛扒都好yummy呀!! 我唔食牛肉架!! 所以, Brian 燒完牛扒都係自己食, 但我覺他燒嘅牛扒幾juicy 架!! ~ bbq 真係好熱氣架!! 所以,要飲返啲涼茶, 間唔中涼茶都好work架!!
真係要飲返d涼茶呀~~~
ReplyDelete[版主回覆04/26/2008 07:55:00]檬檬: 其實,我對涼茶認識好少架!! 有咩事都係食西藥多!! 但間唔中飲涼茶潤下真係好work!
Vicky: ~你地食完BBQ真係要飲番多d涼茶呀!你知你地食左成兩個week既BBQ啦!係呀,我同老公都去睇過d BBQ爐呀,好似你地o個個咁,有個兩面都燒得既,而且又可以除個燒pan出黎洗既BBQ爐都唔平架喎,要成百幾蚊美金呀,唔捨得買呀!你地買左幾錢呀? ~Brian塊扒燒得好靚喎,我呢排都食牛扒呀,但就整好耐架要,煮時要放出黎20分鐘,落少少糖醃牛扒,隔一陣再落black pepper同salt醃,跟住落鍋煎一陣(大概3mins),拎上黎架起佢等佢血水滴減少少,再落鍋煎香,咁先至有好味牛扒食架!
ReplyDelete[版主回覆04/26/2008 13:49:00]陶陶夫人: ~ 其實, 我有啲咩事都係食西藥多, 但講到滋潤 就當然飲chinese 涼茶係最work 喇!! 而且,我哋仲咁熱愛bbq 食物, 唔潤下, 真係喉嚨痛都似!!! 哈哈!! 不過, 近排都食多咗生果and 飲多咗果汁!!!
~ 我個bbq爐, 其實, 原價都要百幾紋加紙架!! 但我周圍price match, 後尾, $99 (稅前)就有交易囉! 其實, 如果price match 唔到, 我可能等到特價先買架!!!! 而且, 我買依個bbq 爐,係貪佢容易除咗個燒pan, 清潔幾方便!!我買依個bbq 爐之前都做咗好多資料研究先買!!! 都諗咗and 研究好耐.喇!! 而且, 依個爐好快熱, 所以, 啲野食好快就熟,好快有得食!!! 你如果買bbq 爐, 都要睇下啲溫度調較問題, , 我以前都有個小型bbq 爐, 好慢先熱架!!! 啲食物變相要等好耐先熟!!! 以前個細bbq 爐, 每次燒都要比時間預熱, 等得黎都唔想食喇!!! 我諗你明我講咩喇!!! ~ 我唔食牛架!! 我平時煮飯都好少煮牛扒架!!! 食牛扒多數都係Brian 自己搞掂, 我唔理佢架!!!哈哈! 我最多買啲牛肉切片黎到炒架!!! 哈哈!!所以, 你話Brian 燒牛扒燒得好好, 我會話比佢 知,等佢開心下!!!!
~ 你講到燒牛扒啲方法, 講到好pro 呀!!你煎牛扒, 應該都非常好食架喇!!我都要學習下先!!! 但我都係近排先知醃牛肉, 係唔可以落鹽架!!! 係最後上蝶先落少少!!!
雪糕其實係唔健康.. 呢個只係一個幻覺嚟架咋 wakakkakak....
ReplyDelete用左 bbq 爐燒野食 碗碟都洗少啲呀~~
呢晚你淨係等食 又幾好喎 哈哈~~~
[版主回覆04/29/2008 03:14:00]畫: ~ 我唔知係咪前世未食過雪糕, 我而家要成日食少少先開心!! 所以, 超市話有低脂雪糕,我即買...哈哈!! 幻覺都唔理喇!! ~ 個bbq 爐,買咗就成日用喇!! 而且, 又唔洗太多廚房野做, 坐係廳, 就有得開飯, 我都唔知幾開心!! 哈哈!!