滿月宴

October 17, 2010 (Sunday)
    沒有想過可以參加滿月宴. 聽就聽過滿月宴, 但我從來未被邀請過任何滿月宴. 外籍人士嘅Baby shower 反而參加過.

    初頭, 被邀請, 有點不知所措, 究竟滿月宴, 係點嘅?? 有咩禮節架?? 當我同Brian相討買咩禮物比BB時. 我們才發覺對BB用品嘅認知, 好一頭霧水. 原來BB用品, 分好多尺碼, 又分開好多階段.  咁究竟咩尺碼先合適, 咩階段嘅玩具先好呢??

    雖然, 我有好多妹......而且, 我仲同阿妹嘅年齡相差一大截距離. 但一切BB用品都是媽咪買下來. 我點知咁多呀!! 

    後尾,問問下人才知, 滿月宴可以好像婚宴咁---封利事的. 咁仲好啦! BB's 媽咪and 爹哋實知自己BB需要什麼. 由BB 父母代買BB用品最為適合不過啦!!  封利事...係就係好似, 無心思, 但好過我買錯BB 用品嗎!! 哈哈~~

    係滿月宴中, 首先, 見到BB 媽咪, 她真係好slim 呀! 完全唔似生過BB. 好勁呀!! 之後, 當然見到BB 啦! 依個BB 我真係睇住佢出世(因為BB's 媽咪有咗之後, 我keep 看她寫日記...直到BB 出世, 我仲唔係睇住BB 一步一步到達依個出世咩,哈哈~).

    滿月宴主角當然是BB 啦!! 抱下BB 先.......但我好耐無抱初生BB啦!! 我抱起BB 時, 真係有種興奮感覺. 仲有.....抱BB時, BB 嘅體溫, 令到我份外溫暖.  抱抱下BB, BB 身體微微郁郁下, 令我唔知點"就架"好. 哈哈~  雖我以前抱過屋企啲妹, 但抱人哋嘅BB係頸錫啲架! 

     BB 雖一個月大, 但都幾 "聚" 手.   BB 媽咪, 好努力呀!!好有心機呀!!

    不過, 當我抱BB 時, 我自己內心, 突然間有種感覺, .....BB 來臨這世界, 當然是喜悅, 但照顧BB 將來, 養成一個有用嘅人. 背後功夫, 是好長遠, 好耐心才可以.  好大責任呀!! 都唔知點解自己突然會咁諗.......哈哈~

     講返個滿月宴, 見返好多blog 友, 一齊食野, 傾下計, 成晚個氣氛好好呀!   多謝主人家邀請我and Brian. Thanks!

   
↓BB 連環拍.....由瞓咗, 到開始醒......(唔知係咪比我嘈醒...哈哈~)0

↓我抱BB呀!.....................Kitty 就抱Edison..............Cherry好乖呀0

↓滿月宴的紅雞蛋0

↓還有薑醋, 啲薑一啲都唔辣架!! (好呀!! BB 會乖架!)0

↓滿月宴....我還收到Blog 友送給我的生日禮物. Thanks0