依個weekend又返咗娘家!! 由於, 係農曆新年嘅時段屋企唔齊人食晚飯, 所以, Daddy 一早約定依個星期一齊出街食餐飯!! 個個妹都盡量千就時間, 盡量將啲工作時間, 同其他同事對換, 以便夜晚一家人可以排排坐食晚飯.
不過, 屋企人太多 (一家七口及我們的另一半), 真係好難manage, 人越多, 實會有啲唔顧大局嘅人存在. 食晚飯當日嘅朝早, 二妹無啦啦話公司有聯歡會, 所以, 唔出席飯局. ( 籍口好假, 我都唔信). 好啦!! 到食晚飯時, 我阿媽又無問過Daddy意見, 自己私自叫菜, 啲餸菜又唔岩我Daddy要求. 所以, 我Daddy係依個周末勁惡!!! 攪到想開開心心食餐飯嘅氣氛都無埋。 成餐飯, 我Daddy好似食咗炸藥咁!! 我哋就只好一味食, 食, 食, 都講唔到好多野!! 總之, 我Daddy 火滾到, 將我哋以前做得唔岩佢意嘅野, 講晒出黎. 好似想再鬧多次我哋咁, 但首當其衝, 我Daddy當然係咁話三妹嘅不是啦!! 因為我daddy 唔太likey 三妹囉!!! 依日三妹無啦啦無做錯野, 就做咗戰靶. ~~~慘
↓晚飯...有翅, 翅低部有蛋白架!!
↓係食晚飯間餐廳, 每人送罐汽水架, 但竟然送冬奧版汽水, 所以, 無飲到, 儲起佢!!!
講返其他野, 今次, 返去娘家除咗見見父母. 趁食晚飯前嘅空當時間, 去咗啲chinese 商場行, 飲下我喜愛嘅bubble tea, 仲買咗個hello kitty 模........留待遲啲黎整布甸。 哈哈!! 仲趁有時間去咗三妹男朋友間shop買八婆雜誌, 順便打下牙交. 三妹男朋友臨收鋪前, 仲醒咗包新出嘅黑松露味薯片過我. Yeah!!
↓黑松露味薯片 and Hello kitty 布甸模
↓每次返娘家, 阿媽實比好多野食比我帶返自己屋企!! (由讀寄宿學校到現在都係咁! ) 今次, 我媽比咗啲家鄉新年小食比我, 啲小食譯咗去廣東話, 就叫做薯仔卷, 係我媽自己做架!
~其實本來好好地一餐飯何必攪到咁呢！就算你二妹唔出席都可以開開心心同你哋享受一頓晚飯嘛！你爸爸太執著嗱，不要怪我這麼說！
ReplyDelete~個薯仔卷好好味咁喎 ！有冇饀架？
[版主回覆03/12/2010 17:14:00]靚太: ~我唔會怪你!! 咁係事實嗎!! 我Daddy啲性格就是這樣!! 而且, 他現在又剛剛退咗休, 仲未習慣. 需要時間適應依個轉變!! 他是我daddy, 他點執着, 都是我Daddy, 我都沒有法子. 我盡可能都會接受. 所以, 我都盡可能要求我個四個妹妹作適當配合. 但有個妹係都要依啲時間出咗去!! 唔配合, 真係無奈, 人越多就係比較難控制個局面. 我無事, 多謝關心, 我係blog 依一個平台, 講下都已經舒服咗. ~薯仔卷本來係好似條紅腸甘嘅款!! 但我切一片片, 煎香黎食, 啲薯仔卷有饀架!! 有蝦米, 搖柱, 薯仔粒, .......大致係咁啦.
汽水唔飲... 都要底部開"小孔"等汽水溜走拒...
ReplyDelete否則過左幾年... 個汽水罐會變型~!
[版主回覆03/12/2010 17:14:00]小威威: ~多謝你提醒先!! 其實, 我都聽人講過. 而我屋企都有一個成員都有儲可樂罐嘅習慣, 但就無係罐底部開"小孔"流走啲汽水. 已經放咗差唔多十五年, 都仲ok!!
aiya, did you talk to your sister about her not showing up at dinner?
ReplyDelete[版主回覆03/12/2010 17:14:00]Mrs. Tin Tin: 當然有講啦!! 她都係唔聽, 仲大條道理, 話個聯歡會一定要佢show up!! 查實, 佢邊有聯歡會去吖!! 我做咗家姐咁耐, 實知依個妹啲野啦!! 不過, 每個家庭, 實有一點家庭事, 好難三言兩語講晒出黎. 總之, 屋企人越多係好難控制整個局面啦. Anyways, 多謝你關心.