March 17, 2009 (Tuesday)
每年依日, 我都會借籍口, 話要慶祝...要Brian 放工買啲特別香腸and 啤酒返屋企, 黎慶祝St. Patrick's day! 哈哈!!
嘩!! 今日係街, 見到好多人穿着綠色衫呀! 由於St. Patrick's day, 依個節日....係用綠色四葉草作代表, 所以, 特別多人穿着綠色衣物!! 哈哈!!
其實, St.Patrick's day 係愛爾蘭人啲紀念日, 但加拿大人都有慶祝St. Patricks' day 依個傳統.....(可能 X 年前, 加拿大曾比英國統治過啩!), 都會好多人會籍着依個日子慶祝, 都會出去啲pub 飲下野, 顛返晚.....但比我就唔出去癲喇!! St. Patrick's day 又唔係holiday, 第二日都要返工, 去完pub, 實癲到第二日都唔想起身喇!! 求其係屋企飲下beer, 煮個費係西式早餐當dinner 食...就算!!
↓紅色打圈果兩支係beer 黎架!! 我依日dinner 好簡單, 有煙香腸, 蛋,芝士toast,(仲炒咗蝶菜, 中西合壁) 又一餐!
-----------------------------------------------------
而近排, 我食啲dinner 都以簡單為主....有時, 快快手手煮個breakfast 當晚餐食, 有時都會煮飯, 再整一肉and 菜做餸. 間唔中會淥啲烏冬, 魚蛋 and 菜, 再煎啲三文魚又一餐
我有時懶到, 一次過, 焗兩盆雞, 之後, 放去雪櫃, 到dinner 時就攞啲雞出黎, 加啲配菜炒下, 再加碗飯or 湯麵又完成一餐.....而兩盆雞可以食到兩,三餐架,哈哈!! 
St. Patrick's day
Subscribe to:
Post Comments (Atom)
1111111111111
ReplyDelete[版主回覆03/26/2009 08:55:00]Kitty: 有我單聲嗎!! 哈哈!!
咁你lunch 食咩啊
ReplyDelete[版主回覆03/26/2009 08:56:00]Kitty: 我lunch 好簡單, 通常食三文治!! 一邊咬一邊做野or 玩下電腦!! 但近排好忙.....我時間出去同你lunch 添!!
I love sausage
ReplyDelete[版主回覆03/26/2009 08:57:00]小col: 我喜歡意大利啲香腸架!! 係街邊食hot dog 都一定食意大利sausage 嘅hotdog 架!!
上年你講呢個節日時我都好快唔記得, 但今年有少少特別咗, 因為玩PET, 佢都會有呢D四葉草做主題既衫, 所以你一講, 我就立即諗起PET PET D衣飾......哈哈....好似中咗毒咁~~~
ReplyDelete又令我諗起上年你都提及過既節日啦~~~
[版主回覆03/26/2009 08:59:00]細細粒: ~你可以隨時同Pet 換衫架!! 又真係幾得意,.....哈哈!! 你玩Pet,真係玩到上咗腦, 我玩咗陣已經無玩喇!! 可能, 我無心機研究點玩喇!! ~嘩!! 細細粒, 我哋原來不知不覺識咗成一年喇!! 我係加拿大發生啲咩野, 你都知道晒!! 但你最好記醒, 連啲細節日都記得!! 哈哈!
邊係好記性喎....我仲成日問番D應該問過你既嘢架....我係出名無記性既人啦....呵呵...
ReplyDelete[版主回覆03/27/2009 11:20:00]細細粒: 哈哈!! 咁我讚錯你喇!! 哈哈 !!
果兩支ｂｅｅｒ咁特別既～
ReplyDelete[版主回覆04/01/2009 09:34:00]C&k: 其中一支啤酒(玻璃瓶)係外地進口貨, 啤酒味道帶多點麥味!! 而且, 溶量多啲...所以, 外型比較特別!! 同埋St. Patrick's day 係愛爾蘭節日, 所以, 我同Brian 會選擇啲啤酒...係偏向愛爾蘭口味啲beer!
Vicky: St.Patrick's day我地US都有架，仲有遊行添架，唔知係咪因為我地呢度好多愛爾蘭人呢?我當日就無咩特別啦，只係著下綠色衫應下節囉，其實學你話齋，又唔係公眾假期，當然唔會點慶祝啦！ 你話求其煮一餐，但單單睇相都唔簡單喎！
ReplyDelete[版主回覆04/07/2009 08:56:00]陶陶夫人: ~我依邊係St. Patrick's day 都有啲巡遊架!! 但我就無去趁熱鬧喇! 我連綠色衫都無着....就咁買啤酒當慶祝!! ~北美洲, 多移民嗎! 講真, 真係咩人種都有!! 係加拿大, 都有好多愛爾蘭人架!! ~我而家食飯真係好求其架!! 可能近排比較多工作做, 返到屋企真係想盡快休息, 煮野食好簡單, 但係weekend就會出下街食, relax 下!