March 15, 2009 (Sunday)
近來,真係有啲野做, 時常叫自己上網update blog, 但我都係懶!! 有好多野, 真係變咗舊聞..... 哈哈!
March 14-15個weekend , 返咗媽咪度!! Daddy and 媽咪都係啱啱由拉斯維加斯去完旅行返黎....媽咪買了份手信送給我!! 我時常都叫媽咪去旅行, 唔洗買野比我, 盡量玩得開心啲, 但她次次都買到禮物返黎!! 我媽咪話, 本來想買更加多物品, 但因為, 今次, 同daddy同行, Daddy 怕等...所以, "係咁二" 買下野咋!! 哈哈!! 雖然, 媽咪口中話 "係咁二", 但我覺她都買了幾多野...哈哈!! 不過, 去旅行一定要滿載而歸先開心...哈哈!!
↓我的手信
今次, 返媽咪度, 我係化埋妝返去, 我第一次自己化妝返屋企, 我啲妹都特住晒眼望住我!! 仲問我為咩事化妝添!! 由於, 我啲妹不流都有化妝習慣, 所以, 她們知我開始化妝, 她們就開始對我啲化妝品打啲主意, 話想研究下.......其實, 我啲妹係貪得意想用下我啲make up!! 哈哈! 佢哋又攞啲私伙化妝品比我睇, 一齊研究!! 大家左畫下右畫下囉!! ....哈哈!! 大家飲完茶, 仲一齊去行商場, 講下邊類化妝品好用!! 哈哈!
↓依個係我化妝樣, 而家啲妹會同我share啲化妝需知...我唔明都會問啲妹架!! 哈
依個weekend, 雖然話返媽咪度, 但都無食過媽咪煮啲飯, 因為, 媽咪去完旅行都有啲攰, 而且, 又要準備daddy 返香港啲野...所以, 我哋成個weekend 都出咗街食, 有餐去咗"凱龍船" 食晚飯, 啲小炒做得幾出色!! 而且, 價錢唔貴!! 好抵食!! 環境又坐得舒服!! 我哋一家人, 計埋啲妹男朋友食飯, 都成十幾個人食飯架!! 所以, 環境坐得舒服係好重要架!!
-----------------------------------------------------------------------------
返完媽咪度, daddy 第二日就要返香港, 有時, Daddy 由加拿大返香港前, 都會叫Brian 幫佢去戶外用品專門店買野返香港!! 講真, 啲戶外用品唔係我daddy 用架!! 係我Daddy 香港啲朋友用, 塔上塔叫我Daddy 買...., 但我Daddy 就會成張list 比Brian, 叫Brian 幫佢香港啲朋友買!! 有時, 買啲戶外用品數量都幾多下!! 比我都無心機揾! 但Brian 會去足幾次幫我Daddy 啲朋友揾齊晒!!! 乜香港好少爬山用具架?? 有啲爬山用具, 成把斧頭咁!! 真係幾得人驚........比我真係無心機做依啲野!!
我同Brian 去戶外用品店, 我通常都係坐係車裡面等Brian,....等得耐先行入去...周圍貢下!! 一入去就見到好多獨木舟...但Brian 係邊???
回家...有手信
Subscribe to:
Post Comments (Atom)
aaaaaaaaaaaaaaaaa
ReplyDelete[版主回覆03/26/2009 09:10:00]Kitty: aaaaaa=111111呀!! 哈哈!
我出貓既 Brian 好乖啊
ReplyDelete[版主回覆03/26/2009 09:18:00]Kitty: 唔緊要喇!!你習慣咗出貓黎穩固你1111地位!!哈哈!!! 但我覺幾好玩,所以,都會通知你1111!
I want a vacation too.......so happy
ReplyDelete[版主回覆03/27/2009 10:14:00]小col: 就黎喇!! 就黎Easter 喇!! 你咪有個假期囉!! 我放假, 唔做野, 係屋企就已經好享受架喇!! 哈哈!
你幾時會番香港呀??
ReplyDelete[版主回覆03/27/2009 10:48:00]心樂: 我都想返香港...但儲多陣彈藥(錢)先再返喇!! 哈哈!
點解每次你返去都好似會見到你細妹d男友既? 佢哋成日都去你媽咪度架? 而且我覺得好似變咗一家人(即係結晒婚嗰d呀)
ReplyDelete你媽咪都會買d新潮用品, 我媽咪去旅行會買食多, 衣服唔會買, 因為佢唔知我哋鍾意乜嘢嘛~~~哈哈~~
你daddy梗係當咗brian係阿四喇~~哈哈...所以有呢d煩嘢都叫佢做...哈哈...係咁架啦, 做外父喎, 梗係要洗下女婿既~~
[版主回覆03/27/2009 11:01:00]細細粒: ~我每次返去媽咪度, 啲細妹男友都會係度, 由其事我daddy 係加拿大, 我哋個個都會盡量係屋企, 咁無得出街, 所以, 啲細妹男朋友咪係我媽咪屋企囉!!哈哈!! 我相信我哋結晒婚都會照樣返媽咪屋企!! ~其實,我媽咪去旅行都會買野食,買下啲擺切, 買啲特別用具 and 衫咁囉......!! 都係一般手信, 唔可以話新潮!! 但我令願我媽咪買多啲野比自己, 雖然, 她都有買野比自己, 但我覺媽咪依啲年齡, 應該買更加多啲野比自己享受!! 況且,媽咪都做咗家庭主婦咁多年, 依家係時候開懷relax 下!! 講真果句, 我真唔介意媽咪送咩手信比我, 就算媽咪送粒糖比我,我都會開心!! 因為, 媽咪係旅行時仲記掛住我!! ~如果, daddy 要我做, 我都會做!! 但唔會太太落力囉!! 因為啲購買啲物品比較冷門, 而且, 間戶外用品店好多人, 購買啲特別用具都要排隊等....好得人驚. 不過, Brian 已經乖喇!! 肯揾.....咁多次! ~你屋企有無叫Raymond 做野架? 哈哈!
獨木舟內?
ReplyDelete[版主回覆03/27/2009 11:16:00]小威威: 你無聽書, 我話去"戶外用品店"嗎!! 緊係有獨木舟賣喇!!
原來你上個weekend返左屋企，早知睇下你有無時間出黎飲杯野啦
ReplyDelete你阿Brian真係乖仔，"外父"既野幫佢搞掂晒
[版主回覆03/27/2009 11:18:00]Mui: ~係呀!! 我返咗屋企呀!!但我weekend 返屋企好少可以出外, 由其事我Daddy 係加拿大, 我哋盡量會留係屋企架!! 有機會都要約你!! 因為, 我送比你啲禮物仲係我度!!哈哈!謂有再等下次喇! ~Brian 乖, 我會認架!! 因為, 我都唔會咁落力揾戶外用品架!!
咁我都唔介意媽咪有無買手信畀我....因為人大咗, 我哋要乜都可以自己買, 所以媽咪去旅行都係Relax吓, 買d自己鍾意既嘢畀自己就最好喇~~~
ReplyDelete印象中好似無叫佢Raymond做嘢喎......可能見面時間唔多, 加上佢無咩嘢識, 所以無叫啩~~~
[版主回覆04/01/2009 09:22:00]細細粒: ~我都覺, 我哋啲媽咪, 係依個時候需要relax 下喇!! 都做咗咁多年家務, 都係時間玩下,嘆下喇!! ~我屋企都間唔中會叫下Brian and 三妹男朋友做下野架!! 好彩佢哋都無所謂!! 仲好樂意做架!! ~Raymond 好少去你個邊架!! 你有時探你媽咪, 就帶埋Raymond 去喇!!去得多就會熟架喇!!
又有手信，真好！ ｓｈａｒｅ化妝品？未必個個都岩用架噃～
ReplyDelete[版主回覆04/01/2009 09:27:00]C&K: ~估唔到自己會有手信架!! 媽咪去旅行, 都係relax 下!! 真係估唔到媽咪會買埋野比我!! ~你講得岩, 化妝品啲野,未必個個岩用!! 有時啲膚色....都唔一樣!! 所以, share 化妝品都係玩多過真係用!! 哈哈!
Vicky: ~你媽咪都真係錫你地呀，真係去親邊都會"係咁易"買d野俾你地呢 ~你daddy成日都要幫朋友買野，可能係人情黎既，同埋，我諗外國點都多爬山用品過香港，香港就算有，都可能係好貴，你知啦，好多都係外國貨，係外國買自然會平d同多款d囉，Brian要張就一下，幫下未來外父買野架啦，哈哈！但你就唔乖啦，只係坐係架車度等！
ReplyDelete[版主回覆04/07/2009 08:55:00]陶陶夫人: ~我媽咪係依幾年, 開始去多咗旅行, 真係大大小小旅行, 我都見到媽咪買到野返黎, 哈哈!!我都有同媽咪講過, 去旅行時, 唔需要買野比我架!! 但媽咪實買到野返黎!! 不過, 此終都係自己身邊啲人先對我最好!!! 去旅行都記住我!! ~我daddy 真係成日都幫香港啲朋友買野, 或者帶野架!! 有時, 我覺daddy 有點似信差, 哈哈!! 但我daddy 又無所謂嘅!! 而且, 我daddy 來回香港---加拿大, 都無咩野帶架! 見朋友有需要就幫下囉!! 但有時, 我覺幫得太過份, 連朋友個朋友, 總之, 就塔上塔都幫一餐!! 而且, 有啲爬山用品, 係似"攻激"用具, 我係比較擔心, Daddy 係運送過程有困難!! 而且, 在購買部分爬山用具時, 係需要入一個特別地方, 等待售貨員入倉庫攞!! 感覺有啲危險...哈哈!! 但好好彩,最後安全送到返香港! ~由於, 有一大堆爬山and 戶外物品需要購買!! 我同Brian 係依幾個星期, 已經去咗x 咁多次依間戶外用品專門店! 我已經見到依間專門店已經無心機再入去喇!! 所以, 好唔乖坐係車度等Brian! 哈!