March 22, 2009 (Sunday)
由於, Daddy 飛咗返香港, 所以, 媽咪同埋啲細妹個個都有節目!!! 我返媽咪屋企都無用! 因為無人會係屋企....哈哈!!! 所以, March 21-22 依個weekend, 我同Brian 可以留係自己屋企!! 瞓到幾點都得, 哈哈!!
我哋真係懶到三點鐘先出街食lunch......係商場食完lunch, 就行商場, 但都唔行得耐, 因為商場六點鐘"山"門!! 真係行無幾間店鋪就要走人!! 今次, 行商場, 最主要都係想買啲day cream 渣下!! 因為落完妝, 塊面感覺好dry......但市面上, 實在太多護膚品, 真係花多眼亂!! Brian 好似對我買唔買到day cream 仲着緊過我!! 叫我主動去問啲化妝姐姐意見!! 點知問問下, 啲賣化妝品姐姐, 送咗啲sample 比我試, 仲比埋卡片我, 寫低晒啲cream 嘅名稱比我參考!! 好nice!! 最後, 無買cream, 買咗落妝tissues!!
行完商場,好趕好趕走去飲咖啡, 再之後, 好趕好趕走咗去買餸, 因為驚啲超市又"山"門.....weekend 一遲啲起身, 就好似做咩都好趕.........
↓Saturday lunch 係商場food court 食咗一個chicken wrap配Greek 沙律, 之後, 去starbucks 飲下野!! 係商場買咗落妝tissues and 啲化妝姐姐比咗啲sample我試! (現在已經試用緊). 而Brian 比較信啲有牌子嘅護膚品!!但我覺有牌子啲護膚品都幾貴!! 所以, 我沒有即時買下!! 試到好先買! 
趕到夜晚dinner time, 就走咗出街食, .....Brian 近排話想食泰國野, 就去間新開嘅泰國餐廳食!! 間鋪新到, 我唔知叫咩名...哈哈!! 但啲食物幾正宗, 遍辣, 岩我哋口味...哈哈!! .......最特別係, 成間店鋪啲侍應, 自己私低下講野係用泰文交談架!!....唔知有無講我哋壞話...哈哈!!
↓我哋飲咗冬陰公湯,(好足料), 食咗個咖哩羊配飯 and 泰式雞汁配飯....我好喜歡依間食店嘅裝飾....啲燈光好特別, 感覺好舒服!
---------------------------------------------------------------------------
到Sunday(March 22), 係屋企食完個早餐, 我本來唔願出街....但Brian 話想同我去看化妝品....就近近哋去咗屋企附近個商場行!! 我都唔知點解他對化妝品 and 護膚品, 仲着緊過我!! 有時, 佢係啲報紙 or 雜誌見到某某百貨商店減價, 都會話我知, 問我有無需要新眼影, 唇膏之類......但我依家都係啱啱先買咗一set 化妝品, 自己都未掂熟自己啲化妝品, 又要我接觸第二啲, 我一下子點接收到咁多化妝知識呢?? 真係有需要, 先出去買都未遲喇!!
↓朝早食咗個豐富breakfast, 有午餐肉,蛋, cereal ,麵包 and 橙汁! 
↓去咗百貨公司化妝品部行咗陣...哈哈!! 出奇地, 無咩人!! 
↓去行商場實會洗到錢, 會忍唔到買野 and 食野! 首先, 見到一set 冬季奧運杯墊做緊特價便買下來!! 因為, 我用杯墊做mouse pad....哈哈!! 之後,行行下又買咗杯脆皮軟雪糕食!! 
Shop for Day-Cream!!
Subscribe to:
Post Comments (Atom)
1111111111111111111111
ReplyDelete[版主回覆03/28/2009 09:31:00]Kitty: 好快喎!! 我即post 你即1111 哈哈!!!
我都唔知點解他對化妝品 and 護膚品, 仲着緊過我!! 有時, 佢係啲報紙 or 雜誌見到某某百貨商店減價, 都會話我知, 問我有無需要新眼影, 唇膏之類..... 我好想愛Brian 啊
ReplyDelete[版主回覆03/28/2009 09:33:00]Kitty: ~其實, 我依次出依篇blog 唔係想show off 架!! 但Brian 真係對我啲化妝品仲着緊過我!! 可能, 我仲未消化到自己手頭上啲make up, 突然間, 又要我買護膚品, 對一個之前咩護膚and 化妝都唔用嘅人,真係未咁快習慣到突如其來的化妝品....and 護膚品! ~但Brian 係我架!! 你唔好打主意呀!!哈哈!!
Brian簡直係絕種好男人, 而家邊有男人會緊張女友/太太多過自己架~~~離晒譜.........
ReplyDelete你D西式breakfast都好吸引喎....簡單得嚟又咁豐富.....
我都贊成要試過好用先去買架, 但有時平既又無試用裝喎....可能都要買成支返去試, 唔好就下次唔用...
sales姐姐都好好喎....比咗D咩你試呀?
[版主回覆03/28/2009 09:34:00]細細粒: ~我出依篇blog, 完完全全無諗住show off Brian 係點點點架!! 但由聖誕時, 我知道化妝係一種禮貌表演, 唔係貪靚表演依個道理之後, Brian 就好支持我化妝!! 他還比我着緊!! 但我之前, 係咩make up and 護膚都無咩點用嘅人, 突然間,要接觸林林總總化妝品and 護膚品時, 真係需要一段時間適應!! ~西式breakfast 最簡單, 你weekend 有時都可以整比Raymond 食!! 其實, 我哋一到weekend 都會特登休息耐一點, 通常早餐, 都係午餐了!! 但午餐咁食法, 都已經好足夠喇!! 你有時間試下吖!! 由於簡單早餐開始, 可能慢慢會培養你煮野食嘅興趣!! ~我讀中學時, 比媽咪命令下,我都有用一啲護膚產品洗面(因為,我中學時, 係一個好多暗瑲的人), 但用了某一隻護膚品, 第二日竟然長了紅粒.... 原來某一隻護膚品是不適合我, 才有如似反應!! 因此, 我依家買day cream 我都想試用咗先至購買!!! ~而我係依日去問chanel and dior 依兩個品牌意見!! 咁岩,依兩個品牌又同我比較好傾!! 哈哈! 而落妝用Mac 落妝tissues!
係啦...我同Kitty都一樣咁諗呀, 不如你唔好寫咁多佢嘅好嘢啦, 我驚會影響你d blog友的另一半呀.....哈哈!(講笑咋!)
ReplyDelete其實真係唔洗買咁多化妝品住, 我覺得平日普普通通咁塗粉底, 掃眼眉都夠用, 而我就唔畫眼線, 但一定會塗少少胭脂, 塊面會有少少紅卜卜.......
以前我冇小朋友都可以瞓到好晏架, 而家就要分幾段時間瞓, 點都唔可以太晏起身, 真係好想做條大懶蟲呀!
我有一日都去了香港的MAC, 但係買唔到心水顏色的唇膏& lip gloss, 慳返......哈哈!
[版主回覆03/28/2009 09:38:00]爆炸魔女: ~真係好抱歉, 我唔係有心係blog 度show off ---Brian 係點點點架!! 他的特如其來的着緊, 我係有點不習慣!! 試想下, 我以前一啲化妝品and 護膚品都沒有興趣!! Brian 也沒有和我在言談中, 講依方面啲topic, 但突然間, Brian 好像好想推動我做依方面啲野!! 咁我都需要一段時間適應!! 而且, 早倫購買的化妝品,我還未"舞"得掂, 現在, 還要我接觸花多眼亂嘅護膚品, 啲護膚品, 又要放上臉, 真係想認真試下先購買!! 可能, 就係性格問題吧!! Brian 比較心急, 我比較慢條斯理,慢慢研究....哈哈!!但我感激上天比我識到Brian!! 哈哈!! ~我同意你講...化妝品真係唔需要多, 我又唔係成日化, 點用得咁多吖!!! 我現在用啲粉底,再畫上睫毛...一個自然妝, 就出街!!! 但如果, 日日唔同顏色(眼影), 我自己還未能適應到!! 一句講晒, 我現時化自然妝比較好啲!! 到有需要先再買其他野都未遲, 啲化妝店鋪又唔會走咗去嘅!! 哈哈!! ~好多有小朋友嘅人, 瞓較嘅時間一定唔會我咁爽喇!! 此終, 都要照顧小朋友飲食, or 學業!! 如果, 大家齊齊都瞓得咁晏, 啲時間就好唔"come"洗架喇!! 好似我同Brian, 兩丁人, 休息晏啲, 去買餸, 去食野都好似好趕咁!! 我哋兩個慣咗就無所謂, 但小朋友點都需要有規則咁生活, 點趕到咁多吖!! 所以, 我知你依十年, 一定無我咁晏先起身, 證明你係一個稱職媽媽!! ~我想同你講, 我哋又一次心靈相通, 因為, 我都覺得Mac 嘅hello kitty 系例產品, 啲顏色係唔會合你心水, (我寄緊黎比你封信有寫), 原本,我一見Hello kitty 化妝產品,好想即時購買比你!! 但想深一層, Mac 啲顏色, 你可能唔接受!! 因此, 打消依個念頭喇!!我哋齊齊都可以慳返了! 哈哈!!
你Brian真係個好好男友，支持你買化妝品仲會陪你去買，比著係我老公，真係無咁好耐性陪我顛呀!
ReplyDelete[版主回覆04/01/2009 09:37:00]Mui: ~我都好出奇, Brian 會同我一齊研究化妝品or護膚品!! 我哋以前好少提及化妝品架!! 但自我需要化妝之後, Brian 竟然仲癲過我!! 哈哈!!
Brian is really a good GOOD man, really can't find such a good man nowadays.....
ReplyDeleteI want to have Thai food too, let me see if my hubby want it for dinner or not.
Have u read a book called "Don't go to cosmetic counter without me"? (Hope I got the right name) actually I got this book, and I used this book as a reference for me. Let me know your skin type and I can check it out for u.
[版主回覆04/01/2009 09:41:00]小col: ~我都係上個月開始先掂化妝品, 以前真係咩化妝品都無興趣掂!! 所以, 連同Brian 傾計, 都好少講到化妝品啲野!! 但當我開始化妝之後, Brian 真係仲癲過我!! 一經開啲化妝品專門店, 都會問我有無野需要買!! 我比他依啲舉動嚇驚了!! 可能,我比較慢熱, 需要一段長時間先適應到啲(化妝品)架!! 哈哈!! ~你早排都話想食Thai food架!! 趁而家仲涼涼哋, 食thai food 都幾正架!! 你有時間同你先生and 奶奶一齊去食喇!! ~我無讀過"Don't go to cosmetic counter without me"依本書.....係講skin type 架!! 我早輪去啲護膚品專櫃, 啲護膚姐姐都有講解我啲面部type ....但我好懶, 用一隻護膚岩用, 就會用住先, 費事轉黎轉去喇!!
Brian真係好呀,陪你買化妝品~~~
ReplyDelete[版主回覆04/01/2009 09:45:00]V&M: ~多謝!! ~我以前無咩點同Brian 講化妝啲野, 自己又無興趣化妝, 自早排, 我明白化妝道理, Brian 對我化妝啲野, 仲着緊過我!! 講真, 我真係有啲嚇親架!
節目好正呀!~
ReplyDelete[版主回覆04/01/2009 09:49:00]小威威: 通常, 係weekend 會出下街食下野, relax 下!!!
你個早餐都好豐富噃€～
ReplyDelete[版主回覆04/01/2009 09:50:00]C&K: 我啲早餐好簡單,我見雪櫃有咩整咩!! 你weekend 都試下自己整下!!!
BRIAN真好呀!
ReplyDelete[版主回覆04/01/2009 09:51:00]Edison & Cherry: 多謝你讚Brian!! 我對Brian 緊張我化妝品有啲唔慣架!! 因為, 我早輪先開始對化妝品有興趣!! 我之前,同Brian 跟本無講過化妝品啲topic 架!! 所以, Brian 咁着緊我買護膚品, 我係有啲嚇親架!
Brian陪你買化妝品/.....咁好既
ReplyDelete[版主回覆04/01/2009 09:54:00]心樂: 以前我哋好少講化妝品啲野架!! 都係依輪先開始陪我買化妝品啲野!!
Vicky: ~你落完妝一定要搽番d野架，如果唔係真係好dry架，我覺得揀護膚品唔一定要名牌，但一定要岩自己既年紀用既，而且最好係天然既啦，好似SK2，d人係咁話好，但其實佢係for中年女人用架，你見佢代言人都係中女就知啦，唔岩我地用既，而揀天然既係因為護膚品本身就有化學野，我地揀d天然既，對我地皮膚無咁大像害！
ReplyDelete[版主回覆04/07/2009 09:03:00]陶陶夫人: ~化咗妝之後, 真係一寬三大, 已經投資係化妝品不特止, 仲要潔面, 同護膚, 真係有排投資!!哈哈!! ~你講得好好, 買護膚品, 唔需要一定係大牌子先好用!! 但我一啲護膚經驗都無, 真係喺百貨公司周圍問啲售貨員意見, 不過, 啲售貨員都好好!! 比意見我之餘, 仲比咗啲sample 我試, 真係試到岩自己先買!! 有時, 有啲人話依隻好用, 有啲人話果隻好用, 我覺護膚真係要適合自己, 自己啲皮膚吸收到邊隻, 個隻就最適合自己用!!! ~Anyway, 多謝你意見!!