突然其來的電腦

November 19,2010 (Friday)

   我好愛現時我用開個部紅色電腦. 可能用慣了, 熟絡了一切.  用開不想換.

   但有感自己部紅色電腦容量不夠大, 而且, 我隔離果個人, 時常都需要應用幾部電腦, 同一大堆手機作內部手術.  我慣用的紅色電腦也不能幸免. 也要作出協助.   因而, 我部紅色電腦, save 埋save 埋一堆不知名的program. 我洗又唔敢洗走佢, (因怕將來有用).  但就係依啲不知名嘅program. 浪費了我的電腦空間. 每次, check 電腦記憶位時, 見到又少了. 內心有點心痛.

   因此, 我有時會"呻", 「如果自己部電腦容量大啲, 就好啦!!」點知, 今日, 一放工, Brian 就買多咗部新電腦, 仲係話---買比我用......Oh!! 救命呀!! 我唔係需要新電腦呀!! 我要都唔想聖誕節依啲洗費最多嘅season 要.  我只想你用完我部紅色電腦, 清理返啲program 咋!!

   所以, 我見到部新電腦係有點不快, 點解Brian你又用埋啲無謂費用呢??   點解你花費在電器上嘅費用, 會花費得如此"梳爽"呢??

   不過, 部新電腦, 能夠接駁書房部新電視用. (以便看中文劇集). 而且, 部新電腦也可以同Brian's mom 部電腦link 埋一齊. 令到居住係溫哥華嘅Brian's mom 都能看到電腦上的中文劇集. 頓然間, 感覺部新電腦都有可用之處. 心中的不快.....慢慢地退下來了。開始接受部新電腦.

↓新電腦    0

*請不要問我如何連接電腦看中文劇集. 我是很少看中文劇集的. 而且, 我對電腦知識相當有限. 就算我隔離果個肯解釋我聽點駁. 我都唔會明架啦!