星期六朝早

November 20, 2010 (Saturday)

   SATURDAY通常都係瞓到唔願起身架啦!! 但今個星期六就與別不同啦!! Brian 還比返工更加早起身.

  就係因為有間大型超級市場, 係星期六and 星期日發起免稅優惠. 超市所有貨品, 包括電視,家具, 香水, 遊戲機, 朱古力, 清潔用品.......總之, 通通都唔洗稅啦!! 對我哋平時買支原子筆都要比稅黎講. 聽到免稅. 仲唔兩眼發光咩!

   其實, 今次個主要target都係買部電子遊戲機. 所以, Brian 一早就興奮到彈起. 超級市場開門, 我哋都係差唔多到.

   唔好以為早, 會無咩人, 超市已經好多人係裡頭買野啦!! 我見到有兩家人, 給共買咗成六部遊戲機添!! 而且, 超市開咗無耐, 遊戲機已經賣咗十幾部啦!! 好得人驚. 好彩, 早去買遊戲機咋! 遲啲去都驚無晒貨.

    除咗買遊戲機外, 仲買咗其他家用用品, 先去埋單. 都估唔到晨早流流, 走咗去掃貨. 仲好似要鬥快先有.  都好少可係超市可以就咁頻撲. 哈~

    不過, 我本來想買兩支記憶棒架! 但已經賣晒啦!! 好恐佈呀!

↓就係為咗依部電子遊戲機啦! 講真,如果唔係Brian話我知,我都唔知有部咁嘅野係市面.0

--------------------------------------------------------------------------------------
    去完「頻撲」一倫, 竟然, 仲有時間去食麥當當早餐. (你話我哋真係幾早出咗街吖!!)但去到麥當當都唔知幾多人排隊. 我唔理啦, 我走去揾位坐(等位坐), Brian 就係排隊買野食, 分工合作啦!!
 
    我有位坐時, 隔離臺有個嬸嬸竟然比咗份報紙我, 大家都睇報紙打發時間, 等待另一半買野食. 哈哈~~

    而依日, 我貪新鮮, 試咗麥當當成日賣晒廣告嘅墨西哥早餐. 其實, 個墨西哥早餐, 都無咩特別, 只係唔用麵包, 用wrap皮夾住啲蛋 and 漢堡肉囉!! 但就有醬汁點黎食. 都幾特別吖! 哈哈~~

↓見唔見到麥當當人頭湧湧呀!! Brian身中其中. 依間麥當當, 裝飾好特別, 有暖爐係餐臺隔離架!0

↓麥當當朝早有免費報紙.....我個墨西哥早餐.  (現在係麥當當買任何野都會送一杯免費咖啡) 可能咁樣, 所以, 多人咗啦!! 我反而無飲咖啡, 我飲咗紅茶. 而在場有個阿姐攞住咖啡壺周圍行,幫人添咖啡架! 0

----------------------------------------------------------------------------------------

    返到屋企, 仲唔第一時間玩遊戲咩, 試下有幾好玩吖嗎!!  講真, 又真係幾好玩, 又要跳, 又要左謄右謄先過到關, 好得意呀!! 玩完一局, 出到成身汗. 最開心係唔洗渣住個remote control玩. 只要身體 郁 動下就得架啦!!

   Xbox 依個新遊戲機嘅idea好好, 唔洗渣住remote control 就玩得, 只要整個人正面對住部電視就玩得架啦!!.....我依個手汗大嘅人, 唔洗怕玩遊戲時,  擲到個remote control去部電視度啦! 哈哈~~

↓隨機送一個game. 但盒內嘅game 已經玩到癲咗. 而每次玩到最癲時, 遊戲機會自行影相, 到玩完個一關就會播啲相出黎. Brian玩到好興奮呀!! 跳得幾高....哈哈~0