突然接到舊朋友電話

    星期六

,Aug18, 一起身 已經成十二點幾, 講真吖! 我比閒日瞓少咗架喇 ! 因為我多數係星期五晚 and 周末時段都唔願瞓! 大約一點鐘, 我男朋友問我想去邊道食lunch , 我唔洗諗就話係屋企食, 還掂他琴日係超市買咁多野-- 我食半個月都夠!  我就話不如係屋企食, 我整club house sandwiches 喇! 乘機有多d時間係屋企玩遊戲機! 但係話口未完自己個手電響, 原來係我high school 朋友C揾我, 對話如下:

朋友C:  你好! 唔好意思呀! 你而家係邊呀?食lunch未?

我:  哈哈! 我仲未食lunch呀! 我而家係apartment

囉!

朋友C:  咁就好喇!   幫我少少忙, 你今日可唔可以去我間 coffee shop

坐 and 食lunch 呀? 因為間coffee shop就放盤, 今日會有d人黎睇店鋪, 但今日係星期六, 所以少咗d返工人幫親, 不如你落黎坐下, 食下野,扮客人吖!  你可以帶你埋男朋友黎, 我請你地食下午茶吖 !

我:  好呀(笑)

!! 扮客人, 我無所謂架! 但你唔洗請我食喇, hehe!! 咁你要我幾點

落黎coffee shop 坐呀? (因為朋友C 間coffee shop係我apartment 前門--過條馬路就係! )

朋友C: 大約兩點吖!

我: 無問題! 就兩點見!

      

   我就係咁,就同咗男朋友去我樓下間coffee shop食野! 一入到去唔見我朋友C, 我同男朋友就即刻叫野食,落單, 因為費事要朋友C請!  點知比錢時, 朋友C出現, 比咗個拆我地! 星期六真係好少人呀! 但我個朋友C都好忙, 又攞住塊布抹桌子, 又見朋友C 係cashier 計數! 好唔得閒!  我都同佢傾唔到d咩計!   而我同男朋友照食lunch好似平時咁, 一道食一道講, 我就食咗 BLT 餐配沙律 & coffee , 而我男朋友就食雞肉三明治餐 配咖啡 & 沙律 ! 扮扮下客人就見到有人黎睇鋪! 雖然食完野 (d野唔係咁好食), but我地都扮咗成個幾鐘! 到三點幾先走! 任務完成!

                    

   之後, 我男朋友Brian 渣車 ,  去一個新地方行街, 因為男朋友聽d同事講話有間店鋪有好多NDS accessories野賣! 我地雖然未去過, 而且條街名都未聽過, 但我地都照去! 還掂Brian而家部手電 有GPS, 而且Data 係出公數, 所以, 我唔洗查攞住張紙地圖, 真舒服! 全靠GPS指點! 途中發現有幾條新路好好行, 又唔塞車, 我同Brian平時都忽略咗依條路! Anyway,  到新地點行街, 入到去間賣nds店鋪, 真係好大間,除咗有NDS, 仲有其他電子遊戲機嘅野賣,仲有租借服務添! 雖然我就係依間店鋪睇唔中啱嘅野! 但大開眼界! 仲比我發現到依個商場有間shop 係賣蛋糕用品 專門店! Also, 見到部粉紅色sony vaio labtop , 嘩! 我超級仲意呀! 但做咩野無端端新電腦, 屋企部腦仲好好! 所以, 得個"講"字! 哈哈! 但下次有機會都會再行依個新地點!  因為都幾好行!
    不知不覺行到七點幾, 就去Tim horton 抖下, 我叫咗杯咖啡 and 食咗個 banana nut cup cake , 而Brian就叫咗杯Hot tea and chocolate Danish !

              

行完街去依間咖啡連所店抖下! Banana Cup Cake and Danish!

           
             
      

    Dinner成十點先想食,  我 and Brian都好懶

! 所以,就係屋企打邊爐

! 可以clean up 下冰櫃 d食物! 而到深消時段, 我就攞住部NDS

坐係梳化, 等睇中文電視

播--"衝上雲宵" 大結局. 雖然我睇睇過無數咁多次, 但我每次睇完都會好感動 , 而且喊埋添 ! 星期六就係咁過!

           


我用緊的上星期買個果hello kitty臺輾! 每日都對住食飯!   晚餐又係打邊爐!