August 30 (Saturday)
依個labour day長周末(Monday Sept 1,係假日), 我沒有返媽咪屋企, 況且, 我daddy and 媽咪都有節目(去Niagara Fall 玩), 剛剛好我可以留係自己屋企休息, 我同Brian喜歡幾點就幾點出街行, 想幾點就幾點食野!! 感覺都幾relax!!!
雖然, 係長周末, 但我都係好早就彈起身, 一起身, 就去平時唔多食嘅麥當當買早餐!! 由於, 我仍然太喜歡自己張餐臺, 所以,麥當當早餐我要買外賣返屋企嘆!! 我仲拍醒Brian 同我食早餐嘆報紙...哈哈!!
話就話係長周末, 其實, 我同Brian 都係無咩特別節目, 係屋企坐到下晝先渣TT仔仔出去, 去行下商場囉!! (行Sherway Garden)....都唔知係咪啲細佬趕買開學啲物品, 成個商場都係小朋友,...但我都唔執輸, 我都學啲讀書人買文具, 我買咗支Hello kitty 筆, 哈哈!! 依家多咗好多Hello Kitty 返學物品賣, 我以前都無咁多嘅!! 突然間, 見到hello kitty 文具, 我又好想再返學添!! Brian 聽到, 我咁講, 都話我傻架!....哈哈!!
↓Hello kitty有香味原子筆...
行街行到攰, 就去starbucks 坐下, 嘆下咖啡囉!! 嘆完咖啡就去超市買餸, 入下貨囉!! ...........夜晚,我又懶到無煮飯...去咗食台灣野, 但依餐台灣晚餐食得好快, 因為, 食食下台灣野, 有人message Brian ...要啲電話...所以, 我都好快手食完啲台灣飯, 就同Brian 去電話交易囉!! 攪到我無得同Brian 一邊飲珍珠飲品, 一邊傾計添!!
等我仲叫到杯珍珠綠茶大大杯添!! ↓去starbucks 飲下凍咖啡and 食件蛋糕..., 而dinner, 去食台灣野, 最喜歡有bubble tea 飲.,飲完先記起自己咳...哈哈..而個魯肉台式香腸飯好好味...
↓台灣餐廳, 有台灣月餅賣架!! 有啲月餅做到成個兔仔型, 幾可愛架!!
August 31 (Sunday)
哈哈!! 依日好自然醒, 醒完先知, 都成1pm 喇!! 緊係出街嘆lunch 喇!! 去食chinese 野!! 我同Brian 成日幫襯依間chinese 食店架!! 食到有啲侍應哥哥都同我打招呼添!! 哈哈!! .....係加拿大, 食完野, 想消磨下時間..就係去行下超市囉, 順便買啲咳藥囉! 咳到Brian 都頂唔順我喇!! 哈哈! 但唔知係咪Brian 接受比較多西醫文化, 我咳好似唔需要介口咁!! 行完超市...又去starbucks 買野飲...哈哈!!
夜晚, 我好開心, 我等咗好耐, 因為我可以係我喜愛嘅餐臺打邊爐, .....打邊爐又係我至愛, 又可以玩..又可以食, 哈哈!! 我哋打邊爐, 好喜歡用小籠包打邊爐架, 啲小籠包索晒啲湯低汁, 味道幾好架!! 我同Brian 一打邊爐就食得比平時多,但唔緊要喇!! 放假就比個胃都relax 下喇!! 哈哈!!
↓Lunch-- Brian 食咗蝶叉燒,燒鴨飯, 我食咗榨醬撈麵, 下午茶, Brian 飲double shot on ice,我飲咗杯芒果+香蕉飲品, 係starbucks 出嘅energy drink..但就好杰. 可以話好足料嘅!!
↓Dinner 食打邊爐, 有蠔,有蝦, 小籠包, 燒賣, 包芯肉丸,雲吞,豆腐,小棠菜 and 打邊爐啲薄肉(羊肉,因為我唔食牛肉架!!), 仲有beer....聽到咁多野食, 當然食唔晒喇!! 但打邊爐係要放晒啲食物係臺先食得開懷架嗎!!哈哈!!
September 1 (Monday)
假期最後一日, 依日成日都無出街, 因為都無咩地方開門營業, 係屋企開下洗衣機,熨下衫, 左抹右抹清理下囉!!.... 而最多時間就望住個電視, 因為"家好月圓"囉!! 真係好好睇, 我成日睇完都會喊, 見人家嘈屋閉就越想追看, 我發覺自己好似有啲變態...要喊,要嘈...就話齣電視劇好睇....哈哈!! 以前,聽到 "如果你有事"一定會喊...而家睇"家好月圓",聽到"分分鐘需要你", 一定喊.......突然間, 想自己ipod 有依首歌添!! 得閒揾下先得!!!
雖然, 長周末假期, 好似過得好平淡, 唔學似啲外國人去cottage輕鬆下!!! 但我覺係長周末同Brian 咁樣簡單過, 都已經好舒服....
HI, 請問您知道用什麼"準則"來 精選BLOG嗎?! 如果不知道, 是不是Y BLOG的版主應該出來向大家交代一下... 到底他是用什麼"準則"來精選BLOG?! http://hk.myblog.yahoo.com/leo_new36/
ReplyDelete[版主回覆09/09/2008 05:53:00](Empty)
你去 starbucks 有無折 好多時都見你好鐘意去 starbucks 買野飲 哈哈
ReplyDelete見到你打邊爐 我都心郁郁相打呀~~ 好耐無打過邊爐啦!!!!
[版主回覆09/09/2008 05:59:00]畫: ~我哋當然去starbucks 緊係無折喇!!!如果有折, 可能日日去喇!! 哈哈!! 但我同Brian 好享受係starbucks 飲咖啡...因為starbucks 啲環境and 飲品, 真係唔錯架!! ~我引到你, ...想打邊爐呀!!! 中秋節, 你哋一家人玩下喇!! 打邊爐, 多人打, 就可以食多啲唔同款食物...好開心架!
我第一啊 唔計廣告
ReplyDelete[版主回覆09/09/2008 05:59:00]Kitty: 你慢咗喇!! 哈哈!!
咳仲去starbucks..我冇眼睇你啦 Vicky Ng
ReplyDelete[版主回覆09/09/2008 06:00:00]Kitty: 得架喇!! 我會介口架喇!!
我畀人折左冇第一
ReplyDelete[版主回覆09/09/2008 06:02:00]Kitty: 唔緊要, 我下次..post blog 前, msn 話你知, 希望唔再有人折你湖喇!! 哈哈!! 講到好似打緊牌!!哈哈!
你做得大佬既女人,就遇左大佬d生意係咁架啦
ReplyDelete[版主回覆09/09/2008 06:05:00]Kitty: 人哋返工都話有得休息...但Brian 啲生意, 真係隨時on call..長周末先最多生意..哈哈!! 我真係要體諒下!! 如果, 唔係,我邊有錢去T&T 買野呀!!哈!
你畀左個idea我,中秋打邊爐來做節
ReplyDelete[版主回覆09/09/2008 06:07:00]Kitty: 你哋中秋打邊爐喇!! 會好熱鬧架!! 多人打邊爐, 可以食多啲唔同款啲野食...真係好開心!!
你咳就唔好飲凍野啦
ReplyDelete[版主回覆09/09/2008 06:08:00]Mui: 我會等一等飲凍野喇!! 多謝關心!! 你時時都好有我心!!
嘩......杯珍珠綠茶真係好大杯呀~~~你哋就好啦,有三日假!!!
ReplyDelete[版主回覆09/09/2008 06:12:00]V&M: ~我好喜歡飲珍珠綠茶架!! 我以前一weekend 就要飲架喇!! 哈哈!!而家,就無以前咁癲喇!!哈哈!! ~我依邊除咗3,6 and 11 月, 係無長周末, 其他月份都有額外紅日,放周末架!!! 但我依邊放長周末, 好多店譜都會一齊休息...所以, 放假都會悶啲!!!
Vicky: ~原來你地1號都係Labour Day,我地都係喎! 你daddy 同 mummy去左旅遊,唔怪得你地咁free啦,但係,點解long weekend無同d妹出街玩既? ~我覺得家好月圓好睇過上輯添呀,集集都有感動位,荷媽次次係最後都可以大獲全勝,真係好鬼開心架! 我都好鍾意"分分鐘需要你"呢首歌,其實無線真係好好呀拍得呢套戲,溫情既對白又多,touching位又多,高收視係岩架!
ReplyDelete[版主回覆09/16/2008 05:35:00]陶陶夫人: ~我Sept 1 都係labour day,唔洗返工, 我daddy and mommy 都係去啲短程旅行, 都係圍繞多倫多啲地方,真係至在同啲朋友出外行一行!!! 我啲妹, 有時間都去拍拖喇!! 平時, 啲妹有啲就返工....有啲一邊讀書, 一邊part-time, 自己私人時間唔多!! 如果, daddy and mommy 去旅行...我哋通常係自由活動架!! 出街, 我哋約閒日都得!!! 無話一定要holiday 先見!!! ~你都有睇"家好月圓"架!! 依齣電視劇, 真係個個都識做劇...仲要啲對白好touching..睇得出寫劇本嘅人好有心機!!! 所以, 我每日都一邊追一邊食飯架!! 唔知依幾年, 無線係咪少咗依啲電視劇, 我真係好少心情追戲, 除咗上一輯唐心and 今次唐心, 我先有心機追,其他個啲, 真係唔想花太多時間追!!