依個weekend, 係同Brian 一齊過, 當然又係瞓到晏一晏先起身喇!! 哈哈!! 星期六要瞓晏啲先似星期六架...哈哈!!!
今日, 都無咩特別野做, 起身去下行商場, 之後去食野, Brian 依日話想食意大利野, 我聽到當然, 好喇!! 終於, 可以出街用刀叉食野喇!! 哈哈!! 但我同Brian 係意大利街又唔知邊間食店好, 所以, 都係去近近哋係屋企附近食lunch, 雖然, 叫晒意大利野食, 但Brian 話一啲都唔似, 係意大利食果啲味........不過, 我明Brian架!! Brian 係想我感受他去意大利旅行啲食物and 風土味...Brian 次次去完旅行,都會盡量帶我係多倫多食返啲近似佢去旅行啲野...從中比我感受下,他去旅行嘅味道...就算我無參與旅行...都可以比我略略知道, 其他地方風土人情...Brian 我明白你出發點!!
↓Lunch...依餐馬馬哋...啲食物名都唔係太清楚!
食完一個唔似意大利味道嘅lunch, 又去行街, 當做運動...我哋去咗Eaton Centre (商場), 唔知係咪就開學, 而且, 又減緊價, 個商場好多人, 一人多, 就比較焗, 我都係行咗一陣就無心機行喇!! 走咗去飲咖啡...再買份報紙嘆下囉!!! 好多人都笑我, 點解唔係手提電話上網睇報紙, 要去買...又整到隻手污漕晒, 但我覺一份份報紙比較實在啲..所以, 仍然, 有買一份份報紙嘅念頭...哈哈!!
↓襯夏天..試啲凍飲...紅色個杯係passion fruit, 綠色個係greeen tea frappuccino
我哋通常weekend 都會去超市...依個week都唔例外, 嘆完coffee, Brian 話要去超市買意大利嘅食材, 今日 Brian 話要自己煮餐意大利餐比我食喎!!! 都好...還掂Brian 肯整, 我點抗拒呢!! 哈哈!! 其實, 我平時睇food channel 都大概知知哋意大利人食咩..其實, 意大利人食野唔算太復雜, 簡簡單單, 番茄, 芝士,and Pasta 就一餐!! 而且, 意大利人少食紅肉...所以, 意大利餐應該幾容易整..., 我唔洗怕Brian煮得唔熟, 食咗會肚痛....哈哈!! ...........但Brian 好好笑...入廚房時, 乜都唔知放係邊個櫃, 雖然, Brian 今日係chef, 但Brian 隔一陣會問我,..."啲刀,放係邊....針板,放係邊....邊個針板係切蔬菜架?" 攪到我隨時都要係廚房stand by咁.......無得話靜靜哋坐係廳等食!!哈哈!!
↓登..鄧....意大利餐出場喇!! Dinner setting 都係Brian 自己整!!! 哈哈!!
↓最喜歡依個cantaloupes配 Prosciutto ham...味道好夾!!! 而個pasta...我有幫少少手...係Pesto sauce pasta.
F
ReplyDelete