August 9(Saturday)
四年前, 雅典閉募禮, 有一個中國小妹妹,...話"Welcome to beijing".....當時, 真係好期待四年之後北京奧運會....估唔到咁快又四年之後喇!!
其實, 每四年一次奧運會, 我都會好留意, 今年仲更加會留意多啲喇!! 因為今次奧運係在北京舉行, 香港有份舉辦馬藝添....感覺份外親切!! 雖然, 由今年初開始, 電視新聞上or 報紙上都有講中國可唔可以順利舉辦得成奧運嘅消息, 總之, 一大堆負面報導!! 8月8號都過去咗...北京奧運順利舉行, 沒有因為政治因素而影響奧運舉行, 有時,我覺奧運係一件運動賽事, 同政治點都拉唔上關係...人哋啲運動員辛辛苦苦每日練習都係為自己國家真光!
到8月8號, 我較定鬧鐘, 準時在我早上時間, ...就開電視看奧運開募禮!! 雖然, 中國係一個共產黨國家, 但我覺今次奧運開募禮都整得好有聲有色, 好代表到中國色彩!!! 我最喜歡就係李寧傳最後聖火個一part, 李寧吊住威也, 右手舉住聖火火炬, 姿態好美妙!! 而且, 李寧身後嘅營光摸仲播出所有傳聖火過程, 我覺依一part 好感動!! 不過, 我睇襯開募禮都會感動...而每次見到啲運動員攞獎, 我也會感動埋一份!! 真係要放盒紙巾係廳先得!!! 我依家一開電視就睇奧運喇!! 今次睇奧運都洗捱夜...因為我食dinner 時間就係北京朝早...可以係電視睇現場直播!
↓北京奧運開募禮, 我最喜歡依part!!李寧都成四十幾歲, 動作仍然好淡定, 凌空做住跑步姿態做足成三,四分鐘, 你估容易架!! 而且, 沒有丁點兒失誤, 步步一樣, 可想言知, 李寧一定練習咗好耐, 而且他對自己要求係極高, 亦代表咗中國精神...真好感動!!
奧運會, 我當然支持中國隊喇!! 我知今年中國啲運動員會好大壓力, 主場喎, 當然想表演更加好喇!!! 我除咗支持中國隊, 也會支持加拿大隊, 當加拿大出場, 我都增大對眼望住架!! 但加拿大運動認真馬馬!! 而且, 加拿大政府太窮喇!! 無錢讚助運動員! 而且, 加拿大係舊年雅典奧運都唔係攞咗好多面獎牌...我今年都唔會抱太大期望加拿大隊會點好...但電視機多數會影住加拿大隊...我次次都見到加拿大被其他國家踢出局, 真係睇到唔想再睇!!! 哈哈! 有時等到電視影中國隊時, 就賣廣告, 好彩, 奧運好多時都有重播. 所以, 我都睇到其他國家奧運表演and 攞獎!
依排奧運, 我依邊嘅麥當當, 都有奧運吉祥物--福娃杯換, 講真, 我無咩特別喜歡追奧運紀念品啲人, Brian 有日去麥當當食野, 幫我換咗一隻福娃杯, 我就算喇!! 唔會繼續追!!! 但我知麥當當出啲福娃杯好搶手...隔一陣先出一隻色, 但出無幾耐就sold out 喇!!! 好彩, 我身邊啲朋友已經揾齊五隻福娃杯, 如果唔係, 我而家都要幫手揾埋一份...係咁食麥當當都似,哈哈!!
↓我原本無諗過換福娃杯, 因為我無儲奧運紀念品嘅習慣, 我去麥當當食都係想幫朋友換杯, 但Brian 有一日自己去咗, 麥當當食lunch, 就買咗依個杯比我!!! 他話當應下奧運氣氛
↓以下就係麥當當, 一套五隻福娃杯!! 好似而家出晒五隻喇!!
今次奧運係北京搞真係好熱鬧！
ReplyDelete[版主回覆08/18/2008 14:21:00]C&K: 因為奧運會未開前已經聽到好多不利消息, 但而家奧運會都已經進行咁多日...我仲覺北京奧運進行得好好!!! 而且氣氛也唔錯!!
I only have the blue one & red one nei!!!! And my friend got them from Mississauga for me, they were all sold out in the Markham area~ I guess I might not be able to collect them all nei~~~~
ReplyDelete[版主回覆08/18/2008 14:40:00]Flying cupcake: 其實, 啲奧運杯出個陣時, 我知你住果個area 已經sold out 晒啲杯, 但我downtown 依邊就仲有得換, 但就一批批色出, 如果要有齊五隻都要成日去麥當當先得!!! 但我唔係奧運紀念品collector...所以, 我求其換咗一隻就算喇!!!
邊個朋友儲齊晒咁叻啊?
ReplyDelete[版主回覆08/18/2008 14:47:00]Kitty: 你係咪想我話你叻, 儲齊五隻...哈哈!! Brian 幫我買咗一隻綠色杯, 我唔再儲喇!! 因為, 無依個癮...哈哈!! 費事屋企個廚房有太多野喇!!
Time to 炸
ReplyDelete[版主回覆08/18/2008 14:45:00]kitty: 原來你已經set 定時間炸我架!! 哈哈!!
我都係最鐘意李寧
ReplyDelete[版主回覆08/18/2008 14:50:00]Kitty: Give me five...我都好鐘意李寧果part....架!
佢一定行左好多次MCDonald 先換到啦
ReplyDelete[版主回覆08/18/2008 14:49:00]Kitty: 你咁錫阿比, 成日幫佢行麥當當換杯, ....你哋好sweet 呀!!
5 隻杯, 我儲齊啦, 呵呵
ReplyDelete[版主回覆08/18/2008 14:53:00]通少: 你都好叻, 已經儲齊喇!!! 我求其有一隻奧運杯算喇!! 因為, 我不流都無儲奧運物品!! 而且, 我唔想廚房太多野, 都係買一隻作紀念算喇!!
北京今次搞得有聲有色~~~
ReplyDelete[版主回覆08/18/2008 14:55:00]V&M: 北京奧運會, 不比外國差, 而且氣氛仲好好添!
我都好鍾意睇奧運架.........日日都睇, 不過平日要返工, 唯有等重播時睇, 有時睇到好燘架, 中國差d嬴, 之後又被對手追番然後輸咗
ReplyDelete不過有d加拿大選手都好勁, 我記得游水都唔錯架, 不過我今年無乜留意佢哋攞咩獎添~~~
[版主回覆08/18/2008 14:59:00]細細粒: 四年一次奧運會, 當然唔會放過喇!! 我每日都睇, 我食dinner時候就睇直播!!! 但加拿大隊唔算太叻, 成日都包尾...係rowing好啲咋!!! 所以, 有時睇奧運睇到好失望架!! 你唔洗特別留意加拿大, 因為太水皮, 都無人會講!! 哈哈!!
今年香港好有奧運氣氛呀!~...
ReplyDelete[版主回覆08/18/2008 15:00:00]小威威: 香港今年有舉辦埋馬藝...所以,香港係今年奧運應該份外熱鬧!!
Vicky: ~我都係一個奧運迷,今次中國主場,我都特登早起睇Live,但我只係上網睇(但就係42吋LCD電視度播),但總好過無,美國電視台好賤,推得一間電視台有得播,仲要cut左好多,不停賣廣告,所以我都係上網睇最好! 奧運開幕全程都好感動,中國陽出場同點聖火時,我真係覺得好壯觀同感動,中國真係做得好好,連d評論員都話之後既奧運會,好難再好似中國咁搞得咁好睇! ~你知嗎?今次既開幕總監係著名中國導演張藝謀,佢出名做氣氛同情景,佢真係好勁,將中國千年智慧與藝術結合,做出連美國CG特技都難以比拼既效果,好讓一向睇少中國既外國人,知道咩野叫做勁!我都會為中國萬歲!支持中國隊!!!
ReplyDelete[版主回覆08/18/2008 15:22:00]陶陶夫人: ~ 我平時都唔會太留意sport, 除咗golf, tennis, hockey...但四年一次先有奧運, 當然唔會錯過喇!! 我睇加拿大台, 我覺加拿大台都唔係話太多時cut, 之後去賣廣告...但加拿大台就太focus 加拿大隊喇!! 好多賽事都要自己上網看才看到, 好像跳水, 我真係未見加拿大台仔細播過!!! 但加拿大啲熱門賽事比較悶, 喜歡rowing,...如果啲大賽事, 例如游水, 跑步, 又唔太叻, 所以, 睇加拿大台播奧運有啲灰架!!哈哈!! ~ 你都幾醒, 走上網看奧運開募, 而且, 你用42吋營模看, 可以看得更加舒服!!! 我其實無真正看奧運全部開募禮直播, 我都係睇咗一部分,由於要返工, 打後個啲都係睇錄影!!! 但我咪睇, 已經聽到好多即時新聞話個奧運開募禮好好, 連外國人都讚, 真係攪得好好!!!連平時唔多讚中國啲外國人,對今次中國都有所改觀察!!! ~ 我都有聽係開幕總監導演張藝謀, 他依幾年係世界影展都非常出名...其實, 依次奧運成唔知幾億對眼望住, 遍排依個開募禮, 都有一定壓力...但結果個氣氛真係嘆為觀止!!! 個個人對中國感覺另外相看!!!
開幕好好睇呀 廿九隻腳印.. 2008位表演者擊 '否' 好震撼啊
ReplyDelete電視 zoom 過去時真係好似電腦效果咁.. 好正齊.
如果係玩場既話.. 幾好呢 哈
[版主回覆08/18/2008 15:25:00]畫: 我覺依次奧運會之後, 好多外國人對中國睇法已經改觀了許多!!! 個29隻腳印, 個意思非常好!!!