Aug 27 (Wednesday)
早排Brian 同他parents 去咗17天旅行, 17日喎!! 時間好長呀!!...Brian 一家人究竟去咗邊度玩!! 佢哋去咗歐洲坐遊輪( Emerald Princess), 而坐遊輪有個好處, 就係唔洗成日轉酒店, 唔洗日日執行李!! 而坐郵輪, 每日都會停一個地方, 你上岸就玩, 玩到船駛走之前上返船就ok...而且, 船上有許多設施(戲院,賭場,游泳池, gym...)仲有好多唔同地方食物供應, 有一日仲有機會同船長食飯添!!!!所以, 而家坐旅輪都唔太悶!!
一去旅行, 一定會影相喇!! Brian 去完旅行都成個月, 依排Brian 終於整理啲旅行相喇!! 聽Brian 講, 今次旅行影咗2千張相...乜歐洲真係咁多景要影架?? 我都係唔講咁多野!!! 我介紹啲歐洲景色比大家睇喇!!
↓第一張相係喺Venice (威尼斯河), Brian就係威尼斯上遊輪, Brian 今次旅行自己住一間房, Brian 一到自己房, 就走去露台影威尼斯河...打開17天之旅.... Brian 上遊輪時仲坐gondola (小艇, 有水手)遊覽威尼斯河添. 
↓好多時Brian 都要坐快艇先上到岸...Brian 身後白色細細粒嘅船, 其實係遊輪黎架!! 由於遊輪體積太大喇, 如果埋岸啲水唔夠深, 郵輪就會係海中心停, Brian 就係海中心上快艇上岸, 坐快艇...可以背住茫茫大海影相,...感覺好舒服呀!! 而第二張相, 係Brian and 佢parents, 係郵輪上着靚靚, 去formal night dinner (同船長食飯呀!!)
↓愛琴海, 小白屋, 成個山都係白色屋好靚呀!!...有齣台劇都係依樹拍架!! 
↓係 Santorini啲景咁靚,咁特別緊係要影全家福喇!! 第二張相係由山上影落個海(愛琴海)...住又住白屋...望又望到個愛琴海, 好舒服呀!!!
↓見唔見到好多凳呀!! 其實係餐廳黎架!! 坐正係愛琴海側邊食飯..好嘆呀!! Brian 就係依間餐廳食lunch.....食飯時真係近距離對住愛琴海, 仲可以望到白屋!! 依間餐廳真係識揾地點做生意!!
↓Brian 企係St. Mark Square (都係威尼斯)...依度好多白鴿架! 啲白鴿好似唔怕人咁, 哈哈!!! 而第二張相, 係喺羅馬(Rome)...依座係購物商場, 歐洲真係有藝術細胞, 連商場都起到咁古典味, Brian 仲話, 個購物商場周圍都有好多大大件藝術擺切添!! 我有啲手信, Brian 就係依個商場買比我 ...而第三張相, ...係意大利參觀一個手製Mozarella cheese嘅地方...個嬸嬸手上就係試範緊Mozarella cheese 嘅製作囉!!
↓啱啱北京奧運會過去咗, 而Brian 無去到北京奧運會嘅鳥巢, Brian 去咗第一屆奧運會嘅地方---雅典(Greece, Athens)參觀, 其實, 雅典奧運會場地, 已經得返幾條柱(Acvoplis), 有啲場地什至得幾o舊石 or 變成空地, 因為地鎮, 而且, 沒有好好保養, 所以, 參觀第一屆奧運會場地要好好想像力先知道, 邊度係跑道, 邊度係以前嘅會場, 真係要估估下先知....Brian 仲係個雅典奧運跑步徑...跑住步影相添!!!哈哈!
**後記: 其實, 依次17天之旅, 日日都有成40℃, 天氣非常熱, 而且, 歐洲好多地方唔興有冷氣供應架!! 所以, Brian 一邊參觀一邊流汗, 身型也好像瘦了! 啲皮膚晒到好黑, 生了些雀斑添! 但Brian 去完依次旅行..好像好喜歡, 間唔中都聽Brian 提住, Brian仲話遲啲帶我去添..Ok...聽住先喇!!...哈哈!!
風景好令呀
ReplyDelete[版主回覆09/04/2008 15:40:00]心樂: 係呀!! 依個trip 真值得去行下!! 周圍環境都好舒服!!
愛琴海好正呀~~~
ReplyDelete[版主回覆09/04/2008 15:42:00]V&M: 我都覺愛琴海好靚, 感覺仲好浪漫添!! 真係好似童畫書啲形容啲風景!!哈哈!
honeymoon 就呢到啦~
ReplyDelete[版主回覆09/04/2008 15:43:00]Kitty: ~咦!! 你今次第三呀!! 哈哈!! ~我Honeymoon 其實想去第二度, 唔想黎依度架!! 但Brian 而家又話想去依度Honeymoon 喎!! 一時一樣..哈哈!!
唉!~ 羨慕死我呀!~
ReplyDelete[版主回覆09/04/2008 15:52:00]小威威: 我都好羨慕Brian 去愛琴海呀!! 哈哈!!
呢d我成日都見旅遊書有介紹架, 最想去既就係白色小屋, 因為真係好靚呀~~~~
ReplyDelete佢媽咪嗰日都著得好靚呀, 上船都要帶套靚衫扮靚靚, 真係幾特別, 但都好煩, 因為要帶多件衫嘛~
我信Brian講架, 佢真係想同你去旅行既, 佢咁錫你, 又點會信口開河喎, 講得出就會做得到既, 你要有期望, 快d到仲好啦~~~嘻嘻~~~~
[版主回覆09/04/2008 16:03:00]細細粒: ~你都幾喜歡看旅遊書...連小白屋旅遊書你都有睇過, 哈哈!! 我反而係電視機"立"過下小白屋!!! ~多謝你讚Brian's mom 着得好靚, 她知道一定好開心!! 其實, 上郵輪食dinner, 係着得比濃重少少架!! 雖然, 裝扮係比較麻煩啲, 但着靚靚都係一種禮貌表現, 如果我去郵輪, 都會特登帶多件靚衫...哈哈!! 而且, 我有幾呵可以打扮咁濃重吖!!襯有機會都裝扮一番﹐哈哈! ~我知, Brian 一定唔會講講下啲人, 我信Brian 會帶我去依樹旅行, 但唔知幾時喇!! 哈哈! 不過, 我去唔去依樹都ok, 總之,Brian 陪我, 就算簡簡單單去第二個市玩, 我已經好開心架喇!!洗乜一定飛去愛琴海!
愛琴海~小白屋~ 好正好舒服好想去呀~~~~~~
ReplyDelete[版主回覆09/04/2008 16:18:00]傻妹: 香港飛去愛琴海, 真係需要好長時間...但我相信你同大少Plan 下, 一定有機會去依個舒服地方!!
如果你同Brian一齊去呢個trip，相信會更完美呀，因為我覺得無論環境同情調都好浪漫，couple一齊去會更加好呀！
ReplyDelete雖然你冇同佢地一齊去，但Brian都影咗好多相返嚟俾你睇，等你可以同佢一齊感受整個旅程呀．．．．．．
[版主回覆09/04/2008 16:39:00]爆炸魔女: ~你手指一好啲, 你就留言比我!!! 你唔好觸碰太多手指喇!! 我真係要時時提你, ...真怕你手指會痛... ~你依句"一齊去呢個trip，相信會更完美", 依句說話, Brian 都有同我講...他而家都好希望將來會同我去一次依樹, 因為他覺歐洲地方, 比較有詩情畫意, 如果我去到一定好開心!! 我知Brian 心意架喇!! 講真, 我同Brian 去邊都無所謂架!!! 有時簡簡單單去飲杯coffee, 我就ok架喇...雖然, 我有時都覺一個人生活好自在, 但同Brian 生活, 又有另一個享受... ~每次Brian 去旅行, 他都會影好多相and 買手信比我, 有時,我在想, 如果調轉頭係我去旅行, 我自己都未必買太多手信 and 影好多相比Brian架!! Brian 做得出依啲舉動, 我已經好開心!! 就算我無得親身享受旅遊過程, 我已經接收到Brian 為我親手做出的旅遊習作!!
小白屋好靚~~ 好耐之前睇過陳慧琳音樂特輯 有個景係呢到
ReplyDelete真係好靚 影相真係一流~~
不過歐遊... 儲番十年八年錢先啦... 哈哈哈
[版主回覆09/09/2008 02:32:00]畫: ~原來陳慧琳音樂特輯黎過依樹架!! 我都係睇電視啲旅遊節目先見過依啲小白屋, 今次見Brian 影相先知,原來小白屋更加美!!! 我相信唔識影相的我, 求其係小白屋影啲相, 都已經感覺啲相好靚, 因為啲風景實在太美喇!!! ~你唔洗話儲錢10年8年先去喇!! 我相信你一出聲, 你身邊啲人會贊助你架!! 哈!
Vicky: ~我睇完成篇,覺得你都好似有份去玩咁呀! 首先,Brian去既落腳點都好著名同易行,佢自己仲要自己一間房,真係正到爆,一行出露台就見到成個海,感覺真係一流!威尼斯真係好靚,唔怪得澳門同拉斯維加斯都用威尼斯既黎做主題酒店架! 另外,希腦愛琴海真係浪漫到暈,白色小屋襯籃天白雲,就算氣溫咁高,都會依然覺得清新同舒服,呢種感覺,大城市真係好難搵得到架! ~我都知道希臘既Athens已經又瀾又舊,但我諗回想當年,理應係好雄偉既,所以就算佢得番咁少條柱,都仲有好多人爭住同佢影相啦! BTW: Brian媽咪睇上去好後生呀,船長之夜仲著得靚靚咁添!
ReplyDelete[版主回覆09/16/2008 04:50:00]陶陶夫人: ~每次,Brian 去旅行都會影一堆相返黎, 今次依個歐洲trip 實在太長喇!! 所以, 我都要Brian 慢慢每張相, 講我知, 我先知啲地方!!! 由於, 我間唔中會click 啲相黎睇, 所以, 都有啲感覺自己去咗歐洲一轉...哈哈!!! ~其實, 歐洲, 係電視啲旅遊節目見到, 真係好想去, 因為歐洲啲建築物, 真係好特別!!! 而且, 啲風景, 好似一幅圖畫...但其實,歐洲啲治安馬馬...,而且, 對外國旅客, 唔太有善!!! 所以, 去歐洲旅行, 真係純水看風景好了!! ~哈哈!! 好多人都話Brian 媽咪後生, Brian媽咪知道, 一定好開心!!! ...多謝你讚Brian's mom 呀!!