見屋企雪櫃剩返好多意大利食材, 當然唔好晒喇!! 用埋佢...今日我自己做意大利晚餐!! 依餐晚餐...出奇地做得快!!! 好快就有得食喇!! 原來,我也可以烹調意大利菜!!哈哈!! 飯後, 有甜品, 當然無意大利甜品喇, 但整咗一個好簡易嘅什果涼粉...簡簡單單又一餐!
依倫Brian 可以早少少放工, 食晚飯都早咗!! 雖然, 太陽未落山就開飯, 洗埋碗都係8:30pm...但我覺早食飯, 又幾好!! 比個胃可以早啲消化...瞓較都舒服啲!! 哈哈!
↓Cantaloupes and Prosciutto Ham, 黃色個 盆係Pesto sauce pasta, 仲有番茄 and mozella cheese
↓什果涼粉
你咁夜訓, 9點食都消化得晒啦 今日記住去dundas square
ReplyDelete[版主回覆09/02/2008 15:19:00]Kitty: ~你又第一喇!! 今次點解唔講自己係"第一"呀!! 哈哈! ~我早唔到瞓架!! 我一早瞓,半夜三間就醒架喇!! 醒咗等天光,我仲唔鐘意呀!! 而家, Brian 早食飯, 時間好像多咗, 但就成日去雪櫃羅野食...哈哈!! 都係要消化!! ~Women day, 好彩你提我咋!! 我真係咳到咩都唔記得!!哈!! 我羅咗成袋野返屋企...Brian 仲讚我叻添!!哈!! 我遲啲會post 依篇women day 嘅blog, 你偷我啲相喇!!哈哈!!
什果涼粉令我諗起B 仔涼粉 !
ReplyDelete[版主回覆09/02/2008 15:21:00]高貓貓: 我反而未食過香港啲B仔涼粉呀!! 但見過我啲妹, 係香港食B仔涼粉啲相!!
早啲食唔會肥呀, 不過你都唔怕肥呀
ReplyDelete[版主回覆09/02/2008 15:23:00]通少: 聽好多人講早啲食飯, 會唔肥..但我而家反而食多咗野,因為,早食飯, 夜晚時間多咗, 成日去雪櫃攞野食...哈哈!!
Vicky:
ReplyDelete~你呢個意大利餐睇落好靚好色顏色呀!我見你地有Prosciutto Ham,你地係加國買貴唔貴呀?我地呢邊連買普通火腿都貴架(當然係買靚牌字),所以都無買過Prosciutto Ham黎食!呢幾日見你地成日都買黎食,搞到我都好想食埋一份呀!
~仲有值得一讚既係,你個涼粉又係做得好靚呀!白色o個d係咩黎架?咁似杏仁豆腐既?仲有,你o個個係咩意粉黎架?好似好好食咁!
[版主回覆09/02/2008 16:10:00]陶陶夫人: ~依個意大利餐, 我都係跟Brian 整咋!! 而且, 我唔喜歡晒野, 雪櫃有咩, 就盡量用雪櫃啲材料整!!! ...我依邊啲Prosciutto ham 都有貴有平, 我依隻好似$3.49 cdn 有100 g Prosciutto ham...依隻算係好普通嘅Prosciutto ham...如果好啲嘅, 當然要貴啲喇!! 你想止下口癮, 都可以去超市買黎就咁夾下麵包食, 都好good 架!! 如果夾麵包就唔洗買太貴嘅Prosciutto ham...普普通通就得架喇!! 而且, Porsciutto ham 比較咸架!! 就咁麵包加生菜, 已經very good喇! 唔洗加其他醬料喇!! ~多謝,你讚我個涼粉好有色彩!!其實, 我啲什果涼粉,只係涼粉+罐地滿什果而成...非常簡單方便!! ~碗涼粉裡面啲白色果物體,我估係什果啲梨喇!! 我邊度有咁叻and 心機整杏仁豆腐吖! 而且, 我都唔識整杏仁豆腐!! 我以前細個就食過杏仁豆腐...你講起, 我又記得有依樣食物添!!又想食添!! 哈哈! ~個意粉, 係pesto sause 意粉(Pesto成份有Garlic, Basil leaves, pine nuts, parmesan cheese and olive oil), 我啲sauce係supermarket 啲凍櫃揾架!! 一盒盒現成果啲, "不"幾勺, 就可以整到依個pesto sauce 意粉喇!!
早d食飯梗係好d啦~~~消化下先訓嘛~~~
ReplyDelete[版主回覆09/02/2008 16:13:00]V&M: 我不流都八, 九點先食飯架!! 而家早咗食, 啲時間好似多咗...但好快就肚餓, 可能,我夜瞓喇!!哈哈!! 但早食飯, 反而無心機整蛋糕甜品喇!! 哈!!
睇落去都幾多份量呢.......食嘢會唔會好飽呀?
ReplyDelete不過, 好好味咁呀
[版主回覆09/02/2008 16:18:00]細細粒: ~你發唔發覺依餐無咩肉, 所以, 份量多少少, 都食得晒!!! 而且, 依家早咗食飯, 食飽咗都有好多時間消化!!! ~其實, 依餐唔係太難整, 啲火腿, 哈蜜瓜, 蕃茄and 芝士, 一切就食得, 唔洗煮, 係only 要煮個pasta...而且, 個pasta 係用街買啲現成醬, 所以, 好快食得飯, 而且, 味道一定唔會太差!!哈哈!
食完飯仲有個甜品 good la～～
ReplyDelete[版主回覆09/02/2008 16:22:00]畫: 個甜品其實好簡單...哈哈!! 而且, 我而家早食飯, 煮完飯都少整甜品!! (以前, 遲食飯, 所以, 整完甜品再煮飯都得!!!)...依個甜品, 好方便, 真係連Brian 都識整, 食完飯, 食下甜品就最完美!!哈哈!