August 1 (Friday)
在加拿大中學生時期
, 我會在每個星期五夜晚, 都去夜校做義工, 當時,我年記少!! 做義工多數都係做影印工作,...影印完之後, 就分配不同班房, 簡唔中都會幫夜校啲office, 計下數, 數下學費, 當時做義工就是做依啲簡單工作.....就係做義工裡頭, 我識了一位朋友. 她是chinese, 香港人, 大家年記也差不多, 所以, 好自然便投契 ,相熟起來!!! 還記得, 我哋當時做完義工, 也要一齊出街食啲野, 傾一陣計, 先捨得返屋企! 但到中學畢業之後, 大家方向不同!! 便沒有太多時間聯絡, 我還在這個時候, 搬離父母家, 自己出外讀書, 過着獨立生活!!
十年之後嘅今日, 我哋係網上看到大家!! 還講起電話來
!! 不經不覺, 我個義工朋友, 返香港生活已經十年了!! 雖然, 大家十年之後,再聽返大家把聲, 但完全沒有陌生, 感覺好親切, 仲周不時講返以前中學時啲傻野...係度"話當年", 笑聲不段, ...也講大家依十年近況!!! 雖然,大家係唔同地方生活, 但原來我哋大家過着相當近似的生活, 而且, 思想也相當近似, 哈哈!!! 真的後悔無和依位義工朋友早點交談! 雖然, 依十年都是用電腦的msn 有聯絡, 但點可以好似講電話...你一句,我一句, 這樣直接呢!!!
我哋十年無見面, 十年無直接傾談, 到今日我哋係電話傾返計(是香港義工朋友打長途電話比我)...一傾....就唔經唔覺已經傾了好兩幾個小時, 真係傾到電話也無電...才肯收線!!哈哈!! 我真係好開心
...可以同識咗咁耐嘅朋友再次傾計, 我同依個朋友傾完計, 真係開心到瞓唔係好着! 哈哈!! 而且, 我依個朋友不流都有留意我寫的blog.....原來寫blog 便拉近我哋對大家的了解!! 我依位朋友話我, 睇咗我個blog 咁耐都唔見我煲湯...第二日上msn, 她已經send 咗個教人煲湯嘅網頁比我!! 真係好窩心!!
我覺得, 係朋友永遠都係朋友, 就算好耐唔見, 一傾返計就會有話題!! 說話好自然!!! 其實, 我自己好主重, 親情, 愛情, and友情架!! 所以, 我係用好多時間係屋企 and Brian 身上!!! 但就可能係咁少咗同朋友聯絡, 但如果係了解我嘅人都會明白...我唔應約原因!! 雖然, 年紀大大下, 同以前識啲朋友少聯絡...而且大家生活圈子都唔同, 但當我每日望日曆
, 見到自己朋友生日的日子!! 我都會同自己講,....唔知我朋友生日點過呢!! 我會祝福她/他們永遠開開心心
咁生活!
** Brian 已經返咗黎喇!!! 好多謝咁多blog 友關心我! 我知你哋對我好好! 會每一日看住我近況! 我而家忙緊執野 and 開洗衣機...但我會盡快update blog and 話比大家知 Brian 去旅行啲情形,而且, 我會盡快去返你哋個樹留言架喇!! 等一等我呀!
掛住Brian 唔要我 我炸你
ReplyDelete[版主回覆08/11/2008 15:17:00]Kitty: 比你炸, 原來好肉酸架!! 間唔中炸下好喇!! 哈哈!!
今日有人向aerie換左eye maskkkkkkkk
ReplyDelete[版主回覆08/11/2008 15:16:00]Kitty: 我可能黎緊個星期四先去攞eye mask!!! 哈哈!!
我第一 你做咩唔上msn?我上你唔上,你上我唔上,玩野啊
ReplyDelete[版主回覆08/11/2008 15:15:00]Kitty: 時間配合唔到嗎!!! 哈哈!! 我有咩都會特價產品. 我會send offline message 比你架!!
我仲差黑色o個只啊 我換唔到我死得架啦
ReplyDelete[版主回覆08/11/2008 15:19:00]Kitty: 你而家都換到黑色福娃杯喇!!! 阿比一定錫晒你!!!
等唔到啊 叫Brian 自已洗衫
ReplyDelete[版主回覆08/11/2008 15:18:00]Kitty: 我自己都有野洗....順便洗埋喇!!!
炸啊炸啊
ReplyDelete[版主回覆08/11/2008 15:34:00]Kitty: 炸到我個網誌好肉酸呀!!! 你一邊炸, 我部電話係咁閃燈, 因為,我yahoo一有人回應...個電話會通知我架!! 我部電話同yahoo mail 連接咗嗎!
我幾日返工都上唔到網啊,今日上到
ReplyDelete[版主回覆08/11/2008 15:31:00]Kitty: senior 返咗黎嗎!!! 邊有時間上網!!! 哈哈!!
我..我.... 我尋日向no frills . Sunsilk shampoo 2 蚊,我有1蚊coupon = 1 蚊支
ReplyDelete[版主回覆08/11/2008 15:56:00]Kitty: ~我屋企已經好多shampoo 存貨, 所以, 唔需要Sunsilk shampoo 喇!! 但多謝你話我知Sunsilk shampoo 有平!! ~你成日都有coupon...可以買到平價貨, 我都要睇多啲flyer 先得!!!
今日放工去唔去aerie 好呢
ReplyDelete[版主回覆08/11/2008 15:35:00]Kitty: 我依日放工無時間去aerie 喇!!! 下星期先去!!!有eye mask喎!! 哈
你唔理我我炸
ReplyDelete[版主回覆08/11/2008 15:59:00]Kitty: 炸到我個blog...好似得你一個人睇...哈哈!!我其他blog 友見你咁炸法, 會唔會有樣學樣架!! 哈哈!!
10個,炸完
ReplyDelete[版主回覆08/11/2008 16:00:00]Kitty: 雖然,你炸我....我都覆晒啲message!!! 勁嗎??哈哈!
Brian返左嚟你開心哂啦~~~
ReplyDelete[版主回覆08/11/2008 16:02:00]V&M: 依樣當然開心喇!!! 食野都唔會食得求其...哈哈!
我都好同意好朋友幾耐冇見都好，見番就自然好快熟絡番。以前未番香港個陣，會奇怪香港D朋友點解成個幾兩個月先見一次，番到黎先發覺除左大家工作忙之外，仲大家各自有家庭呀，進修呀，兼職呀，好多野忙！
ReplyDelete[版主回覆08/11/2008 16:09:00]pal: ~唔只係香港, 我依邊啲朋友都係好耐先見一次, 因為除咗考慮你講嘅因素, 而且, 時間又要配合, 地點又要各自都就腳, 又要考慮渣車方面, 所以, 約朋友見面真係唔容易架!!! 有時係網上見到, 傾談下,我已經好開心喇!!! 好彩依家internet 比較普遍....如果唔係真係要唔知幾時先同舊朋友傾到計!!! ~但朋友此終係朋友架!!! 一見面就會好快有共同話題架!!! 而且, 講得好自然架!
brain 回歸, 你開心晒啦, 呵呵
ReplyDelete[版主回覆08/11/2008 16:11:00]通少: 當然開心喇!! 可以見返Brian...我食飯都唔洗太求其喇!! 哈哈!!
我都好耐無上嚟啦.......依排都好忙呀
ReplyDelete[版主回覆08/17/2008 13:24:00]細細粒: 我近排都少咗上blog 架!! 哈哈!! 有時我有懶, 睇完都無留言..哈哈!!
Vicky: ~我呢排忙於搵屋都好少上黎,今個week同下個week都要搬屋,所以忙到不得了! ~你有個識左咁耐而依家又可以聯絡上既朋友真係好呀,唔知係咪開始年紀大呢,每每一見番或者一同番無見好耐既朋友傾計,自己都會好感觸,以前成日睇戲見d老人家一講起舊時既野,就會好感概,以前真係唔知呢種feeling係點架,但依家,真係會有好大既領會呢!
ReplyDelete[版主回覆08/17/2008 13:36:00]陶陶夫人: 我首先要恭喜你...你揾到適合地點搬, 我知係美國揾地方住真係好有難度架!!! 而家你揾到地方真登你開心!! 你忙完搬屋啲野先喇!! 我都明搬屋會好多野要整理!!! 你慢慢喇!! 同埋你唔洗我篇篇blog 都留message 架喇!! 因為我知你實睇我個blog 架!! 我真係好想你快啲settle down 你新屋啲野, 到時你影新屋啲野比我睇喇!!
我都唔知自己係咪隨着年紀增長...我真好掛住自己以前識啲朋友, 真係好想好似細個咁, 話出街飲野, 食野就好容易約到...應到約!! 但最安慰就係...我啲中學朋友, 到而家聯絡返, 大家都好好傾, 而且, 大家仲好關心大家, 只不過, 我哋大家生活地點or 其他因素令到大家唔可以見到面, 但一把聲or 一個message 已經好深深領會到朋友對我嘅關懷...好開心!!