August 19 (Tuesday)
Brian 放工打電話比我, 同我講天氣好好...有啲陽光, 但唔太熱, 仲有啲涼涼哋, 感覺好舒服!! 就係可以用--風和日麗--四個字去形容!!!! 就係天氣好, Brian 就約我去屋企附近啲pub 飲野...
我依個慳錢婆...當時聽到Brian 無喇喇係閒日約我去飲野...我仲話Brian 幾句添..哈哈!!..但去到pub 坐係啲露天位(patio), 一邊食啲小食, 一邊飲啤酒...仲傾下計...而且, 享受陽光嘅微溫, 真係好舒服, 感覺好寫意,...突然間仲覺自己好識嘆添!! 如果今日我唔去飲野就真係唔知幾時再可以享受到咁舒服嘅天氣喇!! 所以, 好多野...真係要珍惜時機, 機會走咗就無架喇!!!
飲完野行唔夠兩分鐘就返到屋企..哈哈!! 見到屋企樓下有啲靚花,...學人同啲花影相...,哈!! 我相信依家啲花應該開得最燦爛了...九月都就黎喇!! 夏天又要遠離我了, 加拿大漫長嘅冬天又就黎到喇!! 到時連葉都無得睇...哈哈!!
↓一人一杯Beer.....我屋企正門...斜對面就有間pub..依間pub 都開咗好耐, 但什少幫襯..而依間pub比較斯文, 個個去飲野啲人, 都係放工啲人...有啲連自己公司張証, 都未除低...就坐咗係pub 同人傾計...哈哈!! 我同Brian 就坐係patio (綠色大傘下飲啤酒)
↓雖然, 係pub, Brian 不忘玩他嘅小玩意---電話...他又check 下email...上下網先!! 不過, Brian 可以一心幾用, 一邊玩電話, 都有聽我講野!!
↓仲叫咗Brachetta and poutine 食
↓飲完beer...係屋企樓下, 見啲花幾靚,咪影下相囉!! 我用cellphone 影相咋!!! 因為我無帶digital camera 係身, 自寫blog之後, 都會帶digital camera 係身, 咩都影一餐,但今日只係落屋企樓下間pub, 太衝忙...唔記得帶相機!!! 哈哈!
我第一
ReplyDelete[版主回覆09/01/2008 12:05:00]Kitty:
yeah! 又第一喇!! 今次送依個icon 比你喇!!
嘩..........呢個天氣真係好正呀~~~你哋果邊咁快又冬天喇~~~
ReplyDelete[版主回覆09/02/2008 03:30:00]V&M: 依日飲啤酒, 嘆陽光, 個感覺的確好舒服呀!!! 但夜晚(太陽落山之後)天氣就開始好涼, 要着長袖外套喇!!!
咁既天氣好正呢
ReplyDelete[版主回覆09/02/2008 03:31:00]心樂: 依日天氣真係唔錯, 所以, 出去嘆啤酒,傾下計真係唔錯....
真係要好好珍惜里幾日咁好既天氣，話唔定好快就會涼架啦!
ReplyDelete[版主回覆09/02/2008 04:32:00]Mui: 係呀!! 加拿大夏天實在太短...加拿大冬天真係好漫長呀!! 有太陽就真係要享受多啲!! 但而家出街要帶多件長袖衫先ok...因為夜晚就開始涼喇!!
好relex呀！～
ReplyDelete[版主回覆09/02/2008 14:01:00]小威威: 依日確實好relax, 而且天氣好好添!!
Vicky:
ReplyDelete~呢幾日我呢邊天氣都好好呀,而且開始無咁熱啦,死啦,學你話齋,慢長既冬天又開始黎啦,我越黎越覺得自己好似森林入面既動物咁,只愛風和日麗,唔愛嚴寒冬天!
~你同Brian都真係好鍾意出去飲野,仲係飲酒添,俾我就唔得啦,少少酒都屎呀!冬天睇黎都不遠架啦,好好同Brian enjoy呢個summer啦
[版主回覆09/02/2008 15:00:00]陶陶夫人: ~哈哈!! 依家天氣真係好啲, 無之前咁熱, 而且入夜要穿着長袖衫先出到街!! 因為開始涼喇!!! 你講得岩...冬天最好就學啲森林啲動物,冬眠就好喇!!哈!! ~其實,依一日都無預料出去飲野架!! 但天氣實在太吸引喇!! 所以, 咪去啲pub仔飲野囉!! 我哋喜歡飲酒架!! 而且係pub 坐, 好似飲啤酒會岩feel 啲!!! 不過, 如果依日唔飲酒, 可能會飲咖啡...都係想嘆下0者!! ~其實,飲唔飲到酒都無所謂架!! 覺得適合自己口味咪食or 飲囉!! 你自己開心就得...免強都無用架!! 所以, 你一啲都唔屎呀!! 因為你都懂得享受!!就得喇!!
真係好閒情呢........但我唔鍾意飲beer架, 味道麻麻呢~~~
ReplyDelete[版主回覆09/02/2008 15:04:00]細細粒: 依日天氣太好了, 所以, 就出去飲野囉!! 過咗依個夏天, 我個漫長冬天又黎喇!! .......而我對啤酒唔講得話太好!! 我比較喜歡飲紅酒多一點!! 但依日坐係PUB 啲patio 飲野, 好似beer 比較襯啲!!! 但飲Beer 我比較喜歡飲Ale 啤酒, 重麥香味啲!!
閒時兩個去飲野吹下水都幾好呀~~
ReplyDelete相機跟身係幾好架~~ 有時相影底啲野 好方便~~
[版主回覆09/02/2008 15:11:00]畫: ~我比較慳錢啲, (比較c9),所以, 我係閒日真係盡量唔出街食野架!! 但依日啲天氣實在太好, 所以, 同Brian 去pub 坐,順便飲下啤酒..嘆下喇!! 而且, 我依邊冬天又長又凍!! 個暖暖太陽, 好快會離開我, 要下年先見到暖暖太陽喇!! ~我依日去pub 實在太近我屋企,所以, 唔記得帶相機!!所以, 好多相都係用手機影!! 哈哈!! 但我自寫blog 之後, 我開始一出街都帶相機, 咩都影一餐!! 有時, 影影埋埋好多相!!哈哈!! 成個電腦都係我啲相!!哈!