依排都唔知咩事係咁咳, 一朝起身就咳, 有時會忍住唔咳, 但一有人同我講野, 我就忍唔住咳, 都唔知做咩, 我會咁容易咳!!
到下午lunch time 就食飯時候,...同個blog 友係網上傾計, 講開先知今日係women day, 差啲咳到唔記得有依個日子添!!! 好彩blog 友提下我咋!! 如果唔係我攞唔到women day 啲free gifts...哈哈!! 其實, women day 已經舉辦咗成六年喇!!! 我都係第一年去Women day, 而依個Women day 係一個針對女性產品嘅推廣, 好多針對女性產品嘅公司都會參展, 當中會送啲贈品比啲參觀啲人, 等你試到好用, 就幫襯啲產品囉!! 大家互相互利互用喇!! 所以, 好多着到好行政人員啲女士, 都走去攞free gift 架!! 我仲見到啲西裝男人都攞添!!! 哈哈!! 而我見有free gift,....以前又未去過, 見lunch time 有啲時間就即刻去行個圈喇!!! 哈哈!! 仲攞咗成袋贈品, 先捨得走...哈哈!!
我返到屋企同Brian 講, 我lunch time 去咗Women day, 仲攞咗成袋贈品返屋企, Brian 都配服我, 係 lunch time 短短時間可以攞到成袋 (好似超級市場袋) 嘅野返屋企!! 真係如果打仗, 我都應該搶到野食, 唔會餓死...哈哈!!
到食完飯, Brian 仲摷我啲贈品, 因為贈品當中有盒茶包, Brian 見到咪沖黎飲囉, Brian 仲話啲茶幾好飲添!! 但如果我叫Brian 幫我去攞免費茶包贈品, Brian 一定唔理我喇!! 調轉頭, 如果我攞啲贈品返屋企, Brian 就會享用...(偷)我啲贈品用!!哈哈!!
所以, 我覺好多男士, 都唔夠膽攞贈品架!!! 仲害羞過啲女仔...哈哈! ↓Women day係戶外舉行 ....依日有Free gift 派, 緊係人山人海喇!! 有啲產品仲要排隊先有得派....
↓有個產品迫人上貨櫃參觀先派贈品...就係參觀個廁所裝飾!!!
↓有健康飲品推廣, 由於依隻牌子會派成盒茶包, 所以, 大把人排隊, 但排隊途中會有人派飲品,我飲咗成三杯呀!! 其實, 我都唔想飲太多, 因為我咳......但我次次飲完都拋個杯入垃圾筒...啲人見到我手上無杯又比一杯我試飲...後尾醒啲, 渣實個杯, 就無人再比飲品我飲....哈哈!!
↓以下, 就係我係Women day 嘅傑出...攞咗啲無糖成份嘅珍寶珠糖and 喉糖, 仲有coupons, 果汁沖濟, 步行計算機, 一啲sample 裝嘅hand cream, 洗髮液, 茶包, 防敏感藥, Shaves, and 啲八婆雜誌囉!! 哈哈!!
**寫完依篇blog,覺自己好貪小便意添, ...攞咗好多贈品返屋企...哈哈!!
邊個blog友咁好啊?
ReplyDelete[版主回覆09/04/2008 16:42:00]Kitty: ~又第一... !! ~係囉!! 唔知邊個blog 友咁好呢!! ~多謝你提醒呀!!
原來 珍寶珠糖冇糖架? 我食左都唔知
ReplyDelete[版主回覆09/05/2008 16:17:00]Kitty: ~係無糖 珍寶珠黎架!! 你食咗都唔知...哈哈! 你當時攞贈品緊係一味攞, 無留意啲字! 哈哈!! ~而我都未食過啲糖呀!! 我費事食....怕咳到講唔到野!! 我今日(Sept4)飲完可樂, 都以毒攻唔到毒, ...哈哈! 唔敢再掂啲糖住...
珍寶珠無糖架？咁咪可以食多幾粒
ReplyDelete[版主回覆09/05/2008 16:52:00]Mui: ~依家連珍寶珠都無糖, 我都要抄寶珠, ...我遲啲整啲蛋糕又用代糖整,我咪可以食多幾件蛋糕囉!! ~我啲珍寶珠仲未食過呀!! 但Kitty 食完都唔知啲珍寶珠係無糖, 應該幾好食, 同有糖無分別!!
我仲以為woman day 剩係派女性"月"用品,原來咁多野攞,出年請假去!
ReplyDelete[版主回覆09/06/2008 08:36:00]高貓貓: ~Women day, 派啲野係針對女士嘅產品, 依家個個女人都話減肥...啲無糖物品仲唔係岩晒啲女士...哈哈!! 咁誇張, 要下年請假去!! 哈哈!! 但你預咗咩都要排隊先得, 因為free 嘅野, 大把人去攞,哈哈!!
咁得意既,有woman day~~~
ReplyDelete[版主回覆09/09/2008 03:13:00]V&M: 講真, Women day 係一個名黎! 其實, 都係商品推廣!!
睇到你攞到咁多贈品真係好開心呀，我唔覺得貪小便宜喎，精明嘅女人先會咁做架，俾我都會去攞啦，同埋人地送咁多贈品都係想女士去攞，一齊去感受氣氛，大家開心吓嘛！
ReplyDelete你而家識到呢個blog友真係好呀，可以成日話俾你知邊到有筍嘢，年終都慳唔少呀．．．哈哈！
[版主回覆09/09/2008 04:08:00]爆炸魔女: ~哈哈!! 我喜歡你用精明..兩個字, 真係好岩聽..哈哈!! 我攞贈品時, 一啲數無覺自己攞得多! 因為我見到其他人仲攞得多過我!!但返到屋企點下數...先知自己攞得算多!!哈哈!! 我其實, 攞到幾多都無所謂, 但我好享受攞贈品過程, 真係好開心架!!! 而且, 派贈品啲人個個都好有善架!! ~我以前都有係啲報紙剪抵coupons攞去用架!! 但自己剪...剪得幾多吖!!! 依家我識咗依個blog 友, 成日都話我知...有邊度有野平,有時仲幫我剪埋coupons..而家真係慳返啲啲, 而且, Brian 好喜歡空氣清新器啲產品!!而家個blog 友好nice, 幫我"班"咗咁多空氣清新機, 真係可以慢慢用!! 夠用到年尾喇!!哈哈!! ~如果,我係香港, 我相信,我都會一樣, 會剪coupons ...我覺依啲行為, 又唔係偷又唔係搶, 慳得一蚊得一蚊嗎!!!
我都覺男人唔鍾意排隊攞贈品, 正如raymond都一樣, 但見有我陪, 佢都會攞架, 其實我知佢想攞, 但又唔好意思, 成日示意叫我攞, 有時我都唔好意思, 我就叫佢自己攞囉, 下下都要我攞, 搵我做"攞婆"呀...........哈哈哈~~~~
ReplyDelete平時都係某一間公司會派贈品, 如果要咁多檔灘派就真係少, 只係我試過喺d美食節呀(即係喺會展擺檔), 工展會呢d就會多d嘢派, 試食~~~不過我唔係成日攞架......都會揀過先~~~
呢日室外搞會唔會好熱呀, d相睇落都好似好曬咁~~~
[版主回覆09/09/2008 04:21:00]細細粒: ~哈哈!! "攞婆"...原來你都成日攞贈品架!! 哈哈!! 其實, 攞贈品依啲行為, 可能比較多女士做, 所以, 啲男仔就算想攞都唔好意思囉!! 可能,男人要保持風度喇!! 不過, 我都有理無理, 有咩贈品都攞返屋企用先!!! 我屋企又多細妹,實有人岩用!!! 哈哈!! ~我平時都有係報紙剪下啲coupons 去啲超市用!!! 但咁大型擺檔,真係唔係時時都有...我今年都係第一次去咋!! 感覺攞咗咁多free gift, 真係好開心!! 而且派贈品啲人都好有善, 今次去依個展覽檔, 自己見識都闊啲, 起瑪我都知道咗珍寶珠...出咗無糖, 而家又知多樣野!! 唔洗好似大鄉里咁!!哈哈! ~依日雖然係戶外, 但唔算好熱...都ok 喇!!
你果面係咪轉天氣?? 所以咳?
ReplyDeletewomen day 係咪即係等如三八婦女節!!!
如果ｈｋ有舉辦呢啲 你話幾好呢~~~
[版主回覆09/09/2008 04:28:00]畫: ~我都懷疑係轉天氣, (開始涼涼哋),所以, 開始咳!!!...有時真係好怕咳!! 咳都嘈到人, 自己又辛苦...真係想快啲好返!!! ~Women day 係一個推廣商品活動名稱...因為啲產品都針對女士市場, 所以, 用women day 黎名鳴!!! 但我唔理喇!! 有贈品攞就緊係去襯下熱鬧!! 感覺好開心!! 哈哈!
Vicky: ~Woman Day係咪得加國有架咋?真係好好既idea呀,d人用完好既話就會買,其實計我話,應該搞埋Man Day同埋Kids Day,大家互利互惠囉!我過黎呢邊咁耐,都無拎過咩贈品呀,係Ctown就大把法輪功既人派野俾你,但佢地o個d野,俾你都唔會要啦! ~呢隻茶包好貴下架,我以前係HK成日都有飲,因為公司係飲呢隻茶架,依家仲要成盒成盒咁派俾街方,俾我都會排隊拎啦! 另外,我見到好似有d替毛器,係咪呀?太細,可能估錯!
ReplyDelete[版主回覆09/16/2008 05:02:00]陶陶夫人: ~我相信Women day, 係加拿大自己攪啲節目!!! 我都係blog 友介紹我先識去!! 不過, 有啲貨品, 真係試用咗, 感覺好,我真係會自己去買架!! 所以, women day 啲free 野, 真係唔會白比啲人!! Women day 都係宣傳嘅一種方法!!! 好似包茶包, 飲咗之後覺好飲, 我飲完,會自己出去買過!! 哈哈!!! 而你眼力好好!! 我有攞女士替毛器, 因為, 有需要咪順手攞多幾個比啲妹囉!! 哈哈!! 不過, 唔知係咪人嘅心態呢!! 雖然,啲free gifts 要排隊...但攞咗啲free gifts 返屋企...好鬼開心!! 哈哈!!
~我依邊都有啲法輪功人係唐人街派傳單架!!! 我多數都唔理佢哋架!!!