一個月前, Apple 3G 電話新上場, 啲電話鋪頭排晒隊, 個個都要出iPhone 3G 手機!! Brian 係電話發燒友, 當然, 渣住一部喇!! 而且, 上個月Apple 3G電話出嘅時候, 咁岩係Brian 生日, 我當然唔介意Brian 買iPhone 3G 手機比佢自己做生日禮物喇!! 上個月, Brian 自己買咗部黑色iPhone 3G 電話比佢自己!!!
一個月之後, Brian 已經換咗新手提電話, 今次, 仍然用iPhone 3G, 但今次買咗部白色! 都唔好問我點解Brian 成日都喜歡換電話, 我都答唔到大家!! Brian 唔換我就算喇!!! 哈哈!! 而家,部白色iPhone 係Brian 新寵, 每天放工, 都在梳化玩iPhone, 用iPhone 上網, 連他自己部電腦都無掂, 但我見他真係玩得幾自在!!! 仲買咗個白色皮套黎裝住iPhone 添!! Brian 對部白色iPhone 真係寵愛有加!!
我都唔知電話有咩好玩!!! 我平時返到屋企之後, 真係好少接觸電話架喇!!!
↓他的新寵, 蘋果電話....今次係白色, 記憶容量多啲!! 他覺得依部電話好好玩!! 返到屋企都用依部電話上網, 我相信Brian 差點兒忘記自己有部電腦都可以上網....哈哈!!
香港 i phone 仍然 keep好高價錢呀!~
ReplyDelete[版主回覆08/22/2008 04:26:00]小威威: 我依邊都係呀!!
我噤過哩個電話一陣﹐我已經覺得眼都花晒~~~
ReplyDelete[版主回覆08/22/2008 04:27:00]Bobo de Licious: 我都明架!! 因為依個電話太多function 喇!! 我都係要問Brian 我先識用!! 如果我自己玩,我都會同你一樣..眼都花埋!!!哈哈!
我反而好怕換電話，要花時間熟習又冇晒D短訊。不過我球玩朋友部Ipod都覺得幾好玩！
ReplyDelete[版主回覆08/22/2008 04:34:00]pal: ~ 係呀! 有時用慣咗某一個牌子電話啲格局, 就唔多再想適應其他電話...因為依家啲電話, 真係越出越多function! 有時都要花幾多心機先舞得掂, 但我男朋友Brian 就有無限依啲心機去舞啲電話function...但我就唔唔知有咩好玩!!哈哈!! ~ 有時玩下朋友個部算喇!! 自己用開...而且, 又岩自己嘅電話, 就算事換喇!!
咁佢掛住玩電話咪唔得閒玩你lor 我玩你啦咁
ReplyDelete[版主回覆08/22/2008 04:36:00]Kitty: 多數都係咁喇!! Brian 有電話玩, 我就變相多咗自己時間..哈哈!! 我未可以乘機慢啲手腳煮飯囉!! 哈哈!!
真係唔知有咩咁好玩，我老公買左部 i touch，成日係度玩
ReplyDelete[版主回覆08/22/2008 04:39:00]Mui: 你同我一樣, 唔知啲i-touch and 啲電話有咩好玩...成日我都見Brian 玩電話玩得好開心!! 但咁都好, Brian 有野玩...我就有多啲時間懶懶閒..乘機煮飯煮慢啲囉!! 哈哈!!
真係中毒好深窩
ReplyDelete[版主回覆08/22/2008 04:40:00]睛天娃娃: 你都覺我男朋友中咗毒呀!! 我都覺呀!! Brian 仲意電話, 仲顛過我仲意hello kitty 呀!!
係呀，佢換咩都好，唔好換你就得喇．．．．．
ReplyDelete我覺得佢真係好瘋狂，狂過我地鍾意Hello Kitty呀！
[版主回覆08/22/2008 04:48:00]爆炸魔女: ~ 係呀!! 千其唔好換我呀!! 但我好相信Brian 唔會換我..哈哈!! ~ 直情好似我有個blog 友話...Brian 真係中毒太深喇!! 一見新型號電話就顛咗!! 但求要玩晒所有function 為止!!! 有時, 我覺我喜歡hello kitty 嘅程度都唔夠Brian 玩電話咁深!!! ~ 不過, 都好Brian 一有電話玩, 我啲時間就多咗...我可以懶懶閒...又可以留係個廚房耐啲...因為我享受係廚房慢慢煮飯嘅過程..哈哈!!
Brian真係換得下喎~~~
ReplyDelete[版主回覆08/22/2008 04:51:00]V&M: 都唔知點解Brian 喜歡玩電話..要每一個function 都玩先開心!! 哈哈!!
哈哈! 我男友都係咁, 一日玩部電話玩到黑, 不知幾自得其樂.
ReplyDelete[版主回覆08/22/2008 04:53:00]Kat: 原來我哋身邊果個都中咗電話毒, 不過, 我唔理我男朋友咁多喇!! 他自己玩電話..我咪玩hello kitty 囉!! 哈哈!! 大家鬥玩..哈哈!!
woo~~brian成日都換電話真係好!
ReplyDelete[版主回覆08/22/2008 04:55:00]C&K: 換電話有咩好呀!!?? 但我都唔理Brian 換咩電話...唔好換咗我就得!!! 但我知Brian 唔會...哈哈!!
白色係幾靚...
ReplyDelete不過始終都係黑色型仔啲呀～～
[版主回覆08/23/2008 13:53:00]畫: 其實,我兩隻色都好好!! 但黑色比較容易有手指毛留低..不過, 電話都唔係我玩, 我而家好滿足自己個部...唔換喇!! 我唔想再適應新function..哈哈!!
Vicky: 我地好想出番部,但衰就衰在只可以用死一間電話公司,又要簽成兩年合約,仲要無得unlock,對於我地黎講就緊係一d都唔好啦,兩年喎,都唔知變成點啦,同埋計落都同自己出去買部機差唔多價!真係好煩! 白色都幾靚丫,但我就鍾意黑色多d,因為佢既黑色唔同其他黑色架,係網琴既黑色,特別靚架!
ReplyDelete[版主回覆08/27/2008 03:22:00]陶陶夫人: ~iPhone 3g到而家都無得unlock 架!! 一定要跟住個台,...如果去旅行換sim 卡都唔方便! 所以, 出iPhone 都好麻煩!!! 你而家唔係滿咗約咩?? 啲電訊公司有無比優惠你呀? ~其實apple 出襯啲咩,我都覺靚架!!哈哈!! iPhone 電話, 白色and 黑色都好靚, 但由於黑色係piano black..表面"令令"哋..就比較容易見到手指模印...不過, 無輪係邊部...apple 啲產品都吸引死人架!! 哈!
Vicky: HK既3g iphone係unlock左加,唔係個個國家都lock左!其實有方法可以unlock架,我呢邊都有d電話shop可以幫人unlock,但unlock後會有好多問題囉! 我老公尋日同我講,話Apple可以幫人unlock啦,而且唔會有bugs,但就只限第一代iphone
ReplyDelete[版主回覆08/28/2008 16:28:00]陶陶夫人: 好似HK 嘅3g iPhone 仲未unlock 到!!! 好似2G iPhone 先完全unlock 到!!! 我全部都用"好似"開頭...你就知我唔太對電話有興趣..哈哈!!
我哋又點會明白男人諗咩呀, 正如佢哋都唔明我哋諗咩架~~~不過, 唔緊要啦, 佢鍾意就由佢玩, 你都可以玩吓, 睇吓有咩正功能架
ReplyDelete上次聽到新聞話ipod爆炸呀, 不過唔係太留意喺邊度呢~~~
[版主回覆08/30/2008 03:55:00]細細粒: ~我真係對電話無咩興趣...Brian 啲電話好少玩架!! 不過,我都有得Brian 玩電話喇!! 正如我玩Hello kitty, Brian 都唔理我喇!!哈哈!! ~iPod爆炸, 都幾危險喎!!! 聽聽下歌爆炸...唔好話唔驚...真係要小心啲用!!