Firework + x'mas lighting + bistro pasta
啱啱過去的周末係多倫多有煙花睇
呀! 依個煙花係
政府大樓下放架! 由依個星期六開始, 一連幾個星期六都會有煙花睇架!! 慶祝聖誕節嗎! 除咗有煙花睇之外, 係政府大樓下, 仲有一個露天溜冰場, 可以一邊溜冰
,一邊睇煙花都得架!
我舊年係internet
睇到有依個煙花event 就叫我男朋友同我去, 舊年我同男朋友太早到,所以企到腳痺,人都凍薑
先有煙花睇
, 但今年,我就醒目,check定時間, 一去到周圍影陣相就有煙花睇喇!今年d煙花無舊年咁好睇, 舊年起碼有d花款, 今年d煙花唔係好夠. 我可以話有d簡單添. 但算喇! 好過無!
由於聖誕將到d商場延長咗business hours. 所以,睇完煙花仲有時間行陣商場, 我感覺多倫多多咗好多巨大電視營光幕掛咗係大廈上賣唔同廣告, 整到夜晚成條街都好光好閃
!! 我男朋友行咗陣閃光街附近個間best buy (好像香港百老匯咁). 見到d電器都開始減,但我認為遲d仲會減多d,所以,叫自己忍下手先, 我男朋友見到有新電器產品,好着約...一直行都唔捨得走, 哈哈!! 仲話遲d要買依樣,買個樣....我聽到都有d嚇親!哈哈!!
沿途返屋企,行經一間Shopper (好似香港萬寧),我本想入去買茶壺架! 但仲未有貨, 所以,買唔到, 但我地見到有d 即食pasta 特價, 就買咗幾盒返屋企當dinner食, 因早排見到廣告賣都想買黎試下...... 其實,我同Brian本來想出街食,但見到即食pasta 即刻轉呔, 原來d即食pasta都好似廣告賣咁, 又容易整, 一放係焗爐就ok. 而且d pasta 真係好似係bistro食 pasta
咁架! 個份量都好夠我食添! 下次都會再買黎食先得
!!
一到步Nathan Phillips Square (政府大樓下)就影返張相先!!0
我身後,半圓弧位係露天溜冰場. (係slide pics裡面都有副相係影d人溜緊冰架!!)紅藍色個果塔,係CN Tower. 本來係全世界最高的塔,但現時比杜拜的唔知咩塔取代咗!!0
睇完煙花散場喇! 成條馬路比警察派晒,做行人路. 我企係馬路中間影相!0
睇完煙花,就行陣商場,見到棵Swarovski 聖誕樹,又影相, 成棵樹係用Swarovski 水晶作聖誕樹的裝飾. 所以,棵樹好閃. 講真依棵樹,係依幾年聖誕都會擺出黎係依個商場,我都同依棵聖誕樹影咗幾年相喇! 哈哈! 0
依個係商場出面個棵聖誕樹,隔無一陣就會變色. 我舊年聖誕都係同依棵樹影過相!!0
slide pics 係煙花d相,同埋影咗露天溜冰場, and 多倫多好多電視營幕廣告掛係大廈d 相,d廣告營幕整到成條街好光,好閃!!
買咗數盒pasta 做dinner, 好好味呀! 我一盒就夠喇! 我男朋友就食咗兩盒. 0
係咪好似街d pasta呢? 味道都幾yummy而且好juicy!! 又方便, 可以一邊睇電視一邊食,..
No comments:
Post a Comment