喜愛節日...聖誕開始喇!

      我最喜歡的節日除咗係農歷新年之外, 仲有...

聖誕節

, 剛剛過去的周末, 係多倫多一年一度嘅 Santa Claus Parde. 我前幾年開始去, 因為,見到好多好別緻的聖誕花車

, 而且d小朋友會寫定信, 等郵政局花車, 就會順便將d信

,交比郵差寄去比北極聖誕老人

. 雖然, 我好細個就唔相信有聖誕老人, 但lee 邊d細路, 好相信有聖誕老人架!! 會好熱烈

寫信, 寄去北極架! 但我今年,因為返咗媽咪屋企,所以, 錯過咗睇Parde, 感受唔到聖誕parde的氣氛, 但而家...一行出街就已經見到街道上的燈柱已經有聖誕燈泡. 我見到都好開心, 雖然,比較香港, 加拿大d燈飾一定輸蝕咗, 但我感覺外國人對聖誕好熱情架!! 所以,係加拿大過聖誕

都好開心, 感覺好warm.
               

      我自己都唔拾輸, 我都係琴日, 係自己間屋,攞咗捰聖誕樹

出黎砌. 我係用假聖誕樹架, 但好多加拿大人比較喜歡用真聖誕樹放係屋企架! 因為真樹好有松木香味, 放係屋企做聖誕樹更加有氣氛, 但我怕每日都要打理, 又要限住時間攞去垃圾收集區. 因此,用假聖誕樹好似啱我多d. 我依棵樹都用咗幾年喇, 買個陣時貪心囉, 要棵大d嘅樹, 所以, 每年都要用好多時間先砌完

. 真係攪着自己. 

              

       以前我係用普通聖誕燈泡

架! 但出咗環境聖誕燈泡,我就買咗黎用, 一來d燈泡無咁熱, 唔洗怕d聖誕燈泡燒着棵樹, 兩來環境燈泡d顏色越出越靚, 點忍手唔買喎! 係喎! 原來我無hello kitty

聖誕裝飾物添! 哈哈! 一陣間,我要去攞個hello kitty鑰匙扣掛係聖誕樹先.

               

以下d相, 有一張我係街頭影d聖誕燈飾,但手鎮, 而其他d相係我砌聖誕樹的程況! 希望今年會係聖誕之前個日落雪喇!因為舊年都唔係落咗好多雪。